Kalesia 4:9 - Tataroha Diana

⁹ Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Kalesia 4:9 Referans Kwoze

1 Korinit 8:3

Taꞌe mala nga iini ko manata diana, nge e tohungei sai ola oto.

Kalesia 3:3

?E ue ni omu si lae otoi pweu hiitoꞌo urine? Omu aehotaa kaꞌu oto mau-meuringe diana iꞌomu aana Liꞌoa a God. ?Oto uri saemiu omu ke haꞌamangoa loꞌu mola haꞌa-uurilemiu aana nanamanga iꞌomu ni iinoni maraamiu? !E aasa!

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

2 Pita 2:20

Mala uri mwala ke sai diana aana a Jisas Kraes Aalaha ikie, haꞌalaa kire sai iiꞌo luhetaꞌi mola mwaanie mo tolahai ola aaela aana walumalau ie. Taꞌe mala uri kire kei ooli loꞌu takoie mo tolahai ola aaela ngeena, nge mauringe ikire ke si aaela oto mwaanie holaꞌinaꞌo eena.

Hibru 7:18

A God e taꞌaasie oto haꞌatolanga lalahuꞌe, aena aana haꞌatolanga ngeena e kaꞌa toꞌo aana ike nga nanamanga na e kaꞌa sai esuie ike nga mei ola huni peꞌie mwala.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

Epesas 1:17

Na no ko eitanaie a God nge ingeie hahuꞌana Aamana Aalaha ikie a Jisas Kraes, uri a Liꞌoa Maaꞌi ke haataꞌinie mo ola i sulie a God huniꞌomu, na omu ke saenanau diana aani.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

1 Korinit 13:12

Maholo ienini, saenanaunge ikie aana a God e kaꞌa tohungei peine ike. E urihana mola kie ko lio-lio waranunuꞌe aana, mala iiro-iiro e wasa-wasaaꞌa. Taꞌe aana nga maholo, kie ke si lio saie taane ahutana walu ola oto mola aana maaka maraaka. Aana maholona nge kie ke si saenanau diana aana a God oto mala a God e saenanau aaka.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

Tataroha Diana I Sulie A Jisas Kraes Nge A Jon E Uusue 10:27

Mo sipu ineu kire rongo saie walaku, na kire ko lulu i sulieu. Nou sai diana aada,

Tataroha Diana I Sulie A Jisas Kraes Nge A Jon E Uusue 10:14

“Ineu oto a kakalihe diana. Mala oto a Mamaꞌa e saieu na ineu nou saie a Mamaꞌa, e urine noꞌone mola mala ineu, nou saie mo sipu ineu, na ikire, kire saieu. Na nou mwaꞌe-mwaꞌe oto ni mae honotani.

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

1 Korinit 15:34

Oto omu ke loꞌo-loꞌongaꞌi diana loꞌu, na mwaanie omu heꞌi oora-oorahaꞌaala loꞌu. No ko tola tahangaꞌinie leune huni haꞌamasaꞌomu uri nga mo iini eemiu kire kaꞌa saie ike ue a God.

2 Korinit 11:20

Nou leesie loꞌu uri omu ko saetoꞌo aana mola mo poro paine huni deu rarahiꞌomu, na kire ko haꞌamweꞌu-mweꞌuꞌomu, na kire ko pweloꞌomu, na kire ko lio toli mola aamiu, na kire ko hide-hidelie papalimiu. !Haꞌike eena mwae!

Kalesia 4:3

Ikie e urine noꞌone. Maholo kie kaꞌa saie ue a God, kie iiꞌo noꞌone mola mala mo koni-konihe i mamalutana mo haꞌatolanga aana walumalau ie.

Tataroha Diana I Sulie A Jisas Kraes Nge A Luk E Uusue 5:38

!Haꞌike! Taꞌe neꞌi-neꞌie oto waen haalu i laona mo ateꞌa aani teꞌe-teꞌei nanikot haalu haliꞌite.