Kalesia 2:1 - Tataroha Diana

¹ Purine aawalai helisi mwana hai e saro mango, nge nou si eelihoꞌi loꞌu hunie i Jerusalem. Iꞌemereꞌi a Banabas mere lae, na nou toolea noꞌone a Taetas peꞌiꞌemereꞌi.

Kalesia 2:1 Referans Kwoze

Kalesia 2:3

Taꞌe mo naꞌohai mwane aana soihaadaꞌinge ngeena kire tohungei rongo hunieu, na kire neꞌisae mola mala ineu, hule aana kire kaꞌa sare dau rarahie loꞌu a Taetas hunie ke helesie torihesiꞌonga i sulie Haꞌatolanga a Mosis e unue, maꞌalana ingeie nga Jiu haꞌike.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

Kalesia 1:18

Oto e oolu helisi e saro mango i purine nou eeliꞌu huni lae i sulie a Jisas, nge nou si lae hunie i Jerusalem huni leesie a Pita, na nou iiꞌo peꞌie mola hunie aawalai hei dinge mwana lime.

2 Korinit 8:23

Omu saie mola uri a Taetas, ingeie a oaku ni ngeena na ko esu tararuru peꞌieu hunie peꞌilemiu. Na ngaeta ro aasikaelu nge kirerue ko lae-lae peꞌie, ikirerue oto e ro hurulaꞌaa mo soihaadaꞌinge ni ngeena, na asunge ikirerue ko haꞌamanikuluꞌaa satana Kraes.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

1 Korinit 9:6

?Wa e ue? ?Uri taꞌe iꞌemereꞌi mola mere sai esu uei toꞌoha huni peꞌiꞌemereꞌi maraamereꞌi?

Palonga 15:25

Oto melu meni neꞌisae tararuru huni lio hilisie nga ro mwane huni uusungeꞌinirerue wau i seemiu. Na kire kei lae wau peꞌie e ro malahumeelu diana a Banabas na Pol,

Palonga 14:12

Oto kire unue saꞌa mola a Banabas ingeie oto a Sus, aalaha haahie mo god ikire. Na aana a Pol ingeie mwane huni ere-ere, kire unue uri ingeie oto a Hemis, tatahowala mo god ikire.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 13:2

Na maholo kire ko palo-paloa God peꞌie oolongaunge, Liꞌoa Maaꞌi e ere mai peꞌire e teꞌuri, “Omu ke oopaa a Banabas na a Sol nakue huni esuie mei esunge nou lio hilisirerue huni esuie.”

Palonga 12:25

Oto maholo a Banabas na Sol kirerue asu mangoa asunge ikirerue aana niilana mei toꞌoha nge kirerue toolea mai hunie soihaadaꞌinge i Jerusalem, kire si eelihoꞌi loꞌu hunie i Antiok. Na maholona nge kirerue toolea noꞌone a Jon, nge ngaeta sata loꞌu aana a Mak.

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 11:25

Oto purihaꞌana, nge a Banabas e si lae loꞌu weu i Tasas huni heitalea a Sol.

2 Korinit 2:13

Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.