Kalesia 1:4 - Tataroha Diana

⁴ Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Kalesia 1:4 Referans Kwoze

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Uusu-uusu A Pol Hurula'aa Hunie Mo Rom 4:25

Iau, a God e niie mai a Jisas uri hunie ke mae honotana mo oorahaꞌaanga ikie, oto e taꞌe aalihoꞌi aana loꞌu uri hunie kie ke neꞌie iinoni oodotaꞌi i maana.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

1 Timoti 2:6

na e toliꞌaasie maraana hunie ke mae mala nga uuraaꞌinge honotana ahutana iinoni mwaanie kire iiꞌo loꞌu i memelutana oorahaꞌaa. Leune e rau aana tohungana maholo hunie, na ko haataꞌi diana aana uri a God ko sare haꞌa-uurie ahutana iinoni.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Pilipae 4:20

Aena urine, kie ke haꞌamanikuluꞌaa God Aamaka taraureꞌi. !Iau, ke urine oto!

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

1 Jon 2:2

Aana ingeie oto e neꞌi uunu-olanga i saana Mamaꞌa, nge e sai haꞌa-oodohie mo oorahaꞌaa ikie. Na e kaꞌa ike taꞌe mo oorahaꞌaa ikie hahaiteli, taꞌe ahutana mo oorahaꞌaa mo iinoni aana walumalau oto noꞌone.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Matiu 26:28

aana apuku ni ienini nge ko haꞌa-oaie haiholotaꞌinge haalu a God ko esuie peꞌie mo iinoni ingeie. Apuku haꞌa-aahesilana ko lae i tehulaꞌana mo iini hunge huni saeꞌaasie mo oorahaꞌaa ikire.

Hibru 9:14

!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

Hibru 2:5

A God e kaꞌa niie ike uri mo ensel ke aalaha haahie walumalau haalu nge kolu ko ere-ere i suliena.

1 Tesalonaeka 3:11

Melu ko eitanai uri a God Aamaka na Aalaha ikie a Jisas ke haꞌa-oodohie nga tala nameelu huni lae loꞌu mei leesiꞌomu.

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Uusu-uusu A Pol Hurula'aa Hunie Mo Rom 8:32

A God e kaꞌa saenie ike nga mei ola mwaanikie, kaꞌu hule aana e toliꞌaasie a Kalena hunie ke mae huni haꞌa-uurikie. Oto leune ko haataꞌinie uri a God kei tohungei nii mwaakule mola aana ahutana mo ola diana ingeie hunikie.

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Tataroha Diana I Sulie A Jisas Kraes Nge A Jon E Uusue 10:11

“Ineu oto a kakalihe diana, iini e mwaꞌe-mwaꞌe ni mae honotana mo sipu.

Tataroha Diana I Sulie A Jisas Kraes Nge A Jon E Uusue 6:38

Aena aana nou siho mai uure i Lengi, kaꞌa ike hunie ne ke asuie mo ola i sulie saeku maraaku, taꞌe i sulie saena iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 5:30

Ineu nou saꞌa roroꞌa ni esuie ike nga mei ola tohuku, aana a Mamaꞌa e uusungeꞌinieu mei, na ingeie oto ni e unue hunieu uri ne kei lei-lei uri taa. Oto leinge ineu e oodo mola, aena aana nou kaꞌa dau ike mola i sulie saeku, taꞌe i sulie saena iini e uusungeꞌinieu mei.”

Tataroha Diana I Sulie A Jisas Kraes Nge A Luk E Uusue 22:42

ko teꞌuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Tataroha Diana I Sulie A Jisas Kraes Nge A Mak E Uusue 10:45

Aana maꞌalana ineu a Kale Ni Iinoni, nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Matiu 26:42

Oto a Jisas ko heꞌi ruana lae loꞌu, na ko aarengaꞌi uuri, “Mamaꞌa, mala e kaꞌa mwadaꞌu oto huni taꞌaasie mei sapesalunge ie mwaanieu, nge no ko eitanaiꞌo ke oa oto urine huniꞌo.”

Matiu 6:9

Taꞌe omu ko aarea God omu ke aarengaꞌi uuri. Mamaꞌa i Lengi, mwala ke haꞌamaꞌu aana satamu.

Haataꞌinge 7:9

Oto loꞌu i purine leune, nou lio na no ko leesie loꞌu nikei pulitaa oto paine, nge nga iini e saꞌa roroꞌa iidu-suuhana. Mwala ngeena kire uure mai mwaanie taꞌena nga mwala, na mwaanie taꞌena nga aapoloa, na mwaanie taꞌena nga komu, na mwaanie taꞌena nga erenga i laona walumalau. Kire mani toꞌoni eeni toꞌoni rereꞌa, na kire mani hele apa-apai eꞌe. Kire mani uure i naꞌona naunekume ni aalaha ngeena na a Kalei Sipu,

Uusu-uusu A Pol Hurula'aa Hunie Mo Rom 8:27

Taꞌe a God e saie mola neꞌisaenga ikie mo iinoni, na e saie taane loꞌongaꞌinge Liꞌoa Maaꞌi maholo ko aarengaꞌi talaka mo iinoni a God, aana Liꞌoa Maaꞌi ko aarengaꞌi talaka aana tohungana tala nge a God e saetoꞌo aana.

Tataroha Diana I Sulie A Jisas Kraes Nge A Luk E Uusue 22:19

Oto e hele aana ho bred, oto ko ere ni paalahenga haahie, ko si nisie, na ko haꞌa-adoa mo pwaarongoisuli aana. Oto ko teꞌuri, “Hasiꞌoku oto ienini nge toliꞌaasilana e lae i tehulaꞌamiu. Omu ke teteꞌurine, huni aamasitoꞌonga aaku.”

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

1 Korinit 15:3

Aana mo eehuꞌi ola niilana e holaꞌi lae hunieu, oto nou haꞌarongoꞌomu eeni. A Kraes e mae honotana mo oorahaꞌaanga ikie, oto mala uusulana e lae i laona mo Uusu-uusu Maaꞌi.

Epesas 5:16

Omu ke asu diana aana ahutana mo kele maholoi sato omu toꞌo aani ngeena, aena aana maholo ienini, maholo oto aana aaelanga ni ngeena.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.