Tataroha Diana I Sulie A Jisas Kraes Nge A Jon E Uusue 8:39 - Tataroha Diana

³⁹ Oto kire aalamie a Jisas uuri, “!Aamameelu toꞌohuu oto a Ebraham, mwae!” Oto a Jisas e teꞌuri hunire, “!Haꞌike! Aana mala uri iꞌomu mo kalena Ebraham toꞌohuu, haꞌalaa omu ko karaꞌi esuie mo ola diana nge e auꞌesuiꞌi.

Tataroha Diana I Sulie A Jisas Kraes Nge A Jon E Uusue 8:39 Referans Kwoze

Kalesia 3:7

Oto e malisine omu ke sai diana aana uri mwala nge kire hiiwalaimoli, ikire oto mo tohungei kalena Ebraham.

Uusu-uusu A Pol Hurula'aa Hunie Mo Rom 9:7

Na e kaꞌa ike uri ahutana mwala nge kire hute mai aana komu a Ebraham ni oto uri ikire mo tohungei kalena. Aana maꞌalana ngaeta mo mwela loꞌu kire hute aana a Ebraham, taꞌe a God e haiholotaꞌi hunie a Ebraham uuri, Tohungana komu iꞌoe kei uure mola mai mwaanie a Aesak. Jenesis 21:12

Tataroha Diana I Sulie A Jisas Kraes Nge A Jon E Uusue 8:37

Nou lio saie taane uri iꞌomu mo weuwana Ebraham. Taꞌe aena aana omu kaꞌa sare hiiwalaimoli ike aana walaku, nge omu ko eriꞌapasie mola uri omu ke horo maesieu.

Matiu 5:45

Aana omu kei teꞌurine, nge omu ke si haataꞌinie uri iꞌomu oto mo kalena Aamamiu i Lengi. Ingeie nge ko nii-niie sato hunie ke pwaa haahie mo iinoni diana na mo iini aaela oto noꞌone. Na ko nii-niie nemo hunie mo iinoni oodotaꞌi na mo iini kaꞌa oodotaꞌi oto noꞌone.

Matiu 3:9

Na mwaanie omu loꞌo-loꞌongaꞌinie uri omu kei tehisie saewasunge a God, aena aana omu hute aana komu a Ebraham. Leune e saꞌa peꞌiꞌomu ike aana no ko unue huniꞌomu uri a God e sai huꞌisie mola mo heu ienini hunie kire ke neꞌi iinoni haalu hunie komu a Ebraham.

Kalesia 3:29

Oto mala uri iꞌomu mo iinoni a Kraes, nge omu neꞌie oto mo kalena Ebraham eena, na omu kei haro hele aana maurihe nge a God e haiholotaꞌi huni niie nana Ebraham.

Uusu-uusu A Pol Hurula'aa Hunie Mo Rom 4:16

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,

Uusu-uusu A Pol Hurula'aa Hunie Mo Rom 4:12

A Ebraham ingeie oto tohungei aamameelu mo iini nge melu hele aana oto torihesiꞌonga na melu hiiwalaimoli noꞌone aana God aana taꞌa-taꞌa hiiwalaimolinge nge e toꞌo aana maholo na e kaꞌa hele aana ue torihesiꞌonga.

Tataroha Diana I Sulie A Jisas Kraes Nge A Jon E Uusue 8:33

Oto kire aalamie a Jisas uuri, “!Haꞌike eena! Iꞌemi mo weuwana Ebraham, na emi kaꞌa asu ni hoꞌo ike ue nana nga iini. ?E ue nge o ko unue uri walaimolinge ke si da emi ke iiꞌo luhetaꞌi?”

Tataroha Diana I Sulie A Jisas Kraes Nge A Jon E Uusue 8:43

?E ue nge omu kaꞌa sai rongo saie nga taa no ko unu-unue? Omu kaꞌa sai rongo saie aena aana omu kaꞌa sare rongo ike hunie walaku.

Tataroha Diana I Sulie A Jisas Kraes Nge A Jon E Uusue 8:56

Weuwaka a Ebraham e sae-sae diana aana e loꞌongaꞌinie kei leesie pongiku. Oto e leesieu taane, na e tohungei saemango oto hiitoꞌo.”