Tataroha Diana I Sulie A Jisas Kraes Nge A Jon E Uusue 8:32 - Tataroha Diana

³² Oto omu ke si manataꞌinie walaimolinge aana God, na walaimolinge ngeena ke si da omu ke iiꞌo luhetaꞌi mwaanie nanamanga nge omu ko esu ni hoꞌo nana.”

Tataroha Diana I Sulie A Jisas Kraes Nge A Jon E Uusue 8:32 Referans Kwoze

Uusu-uusu A Pol Hurula'aa Hunie Mo Rom 8:2

Na aena aana kie lado mone oto peꞌie a Kraes, nge nanamanga aana Liꞌoa Maaꞌi e niie mauringe oto hunikie, na e da kie iiꞌo luhetaꞌi oto mwaanie nanamanga aana oorahaꞌaa nge e sai horoꞌikie.

Tataroha Diana I Sulie A Jisas Kraes Nge A Jon E Uusue 8:36

Oto mala uri a Kale ko luhesiꞌomu, nge haꞌalaa omu ko iiꞌo luhetaꞌi toꞌohuu.

Tataroha Diana I Sulie A Jisas Kraes Nge A Jon E Uusue 17:17

Saeku uri o ke haꞌa-uusulire aana walamu, aena aana walaimolinge ni otona, na walaimolinge ngeena e sai peꞌire hunie kire ke oopara maraada mwaanie oorahaꞌaa, na hunie kire ke iiꞌo maaꞌi mola namue.

1 Pita 2:16

A God e luhesiꞌomu oto mwaanie haꞌaletehinge haahie mo oorahaꞌaa iꞌomu, taꞌe mwaanie omu loꞌongaꞌinie uri omu ko iiꞌo luhetaꞌi urine, nge omu sai deu taꞌewau mola mala saemiu huni lae i sulie tataꞌalanga. !Haꞌike! Taꞌe aana omu iiꞌo luhetaꞌi mwaanie nanamanga aana oorahaꞌaa, nge omu ke iiꞌo oto mala mo tohungei koni-konihe a God.

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Jemes 2:12

Oto o ke loꞌo-loꞌongaꞌi i sulie ahutana mo ola nge o ko unu-unuꞌi na o ko euꞌesuiꞌi, hunie kire ke sada peꞌie haꞌatolanga a Inemauri. Aena aana haꞌatolanga ngeena haꞌalaa e sai luhesie mo iinoni mwaanie oorahaꞌaanga ikire, na leilemiu kei lae aana haꞌatolanga ngeena.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Tataroha Diana I Sulie A Jisas Kraes Nge A Jon E Uusue 7:17

Mala nga iini ko neꞌisae mouteꞌi huni deu i sulie saena God, nge haꞌalaa ke si lio saie haꞌa-uusulinge ineu. Na ke si saie uri ohe e uure mai mwaanie a God wa ohe e uure mola mwaanie mo loꞌongaꞌinge ineu maraaku.

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

Tataroha Diana I Sulie A Jisas Kraes Nge A Jon E Uusue 16:13

Taꞌe a Liꞌoa kei haataꞌinie walaimolinge a God huniꞌomu. Maholo kei lae mai ngeena, nge ke si naꞌomiu oto i lalo aana ahutana walaimolinge uure mwaanie a God. E saꞌa ere ike mola tohune, taꞌe kei ere i sulie nga taa e rongoa, na kei unue huniꞌomu mo ola kei haro oa taane ue aana nga maholo.

2 Timoti 3:7

Kire ko eriꞌapasie taane uri kire ke sai diana aana mo ola oto hunge, taꞌe kire kaꞌa sai deu oodoie ike tohungana saenanaunge aana walaimolinge.

Tataroha Diana I Sulie A Jisas Kraes Nge A Jon E Uusue 6:45

Ngaeta propet e uusue i laona mo Uusu-uusu Maaꞌi uuri, A God kei haꞌa-uusulie taane ahutana iinoni. Aesaea 54:13 Oto ahutana mo iini ko rongo hunie walana Mamaꞌa na ko lulu i sulie, kire ke si lae mai seeku.

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 1:17

Aana waite a God e niie mo Haꞌatolanga hunie a Mosis hunie ke heꞌi niiꞌi loꞌu hunie mwala, taꞌe a Jisas Kraes maraana ko niie mai manata-diananga na walaimolinge hunikie.

1 Korinit 7:22

Aena aana nga iini nge Aalaha ko soie, maꞌalana ingeie koni-konihe nga iinoni, taꞌe e iiꞌo luhetaꞌi mola i lalo aana Kraes. E urine loꞌu aana iini nge Aalaha ko soie na e iiꞌo luhetaꞌi mola, taꞌe e neꞌi koni-konihe oto nana Kraes.

2 Jon 1:1

Saediananga mwaanieu Rato ni mwane aana soihaadaꞌinge, huniꞌo tohungei keni diana a God peꞌie maeni kalemu. Ineu peꞌie ahutana oto mo iini e manataꞌinie walaimolinge ko manata diana huniꞌomu,