Tataroha Diana I Sulie A Jisas Kraes Nge A Jon E Uusue 7:12 - Tataroha Diana

¹² Mwala oto hunge ikire taꞌau i leune, na mo iini hunge aada ko talei kele sasawaru taane hailiu hunire i sulie a Jisas uuri, “Ingeie mwane diana ni ngeena.” Ngaeta mwala kire ko ere oolisire uuri, “Haꞌike, aana ko eeroa mola mwala.”

Tataroha Diana I Sulie A Jisas Kraes Nge A Jon E Uusue 7:12 Referans Kwoze

Tataroha Diana I Sulie A Jisas Kraes Nge A Jon E Uusue 9:16

Oto ngaeta mo Parise ko teꞌuri, “Mwane nge e asuie mei ola ienini, e kaꞌa uure ike aana God, kaꞌu e kaꞌa kinetaꞌinie ike haꞌatolanga aana Dinge Maaꞌi.” Taꞌe ngaeta mo iini ko unue uuri, “Iinoni oorahaꞌaala e saꞌa asuie ike mo huꞌi-huꞌite mala ienini,” Oto mei oopanga ko reu i matolada mo Jiu i tehulaꞌana mo wala ienini.

Tataroha Diana I Sulie A Jisas Kraes Nge A Jon E Uusue 7:47

Oto mo Parise ko aalamire uuri, “?Mwaanie ohe a mwaena e pweloꞌomu noꞌone mola?

Tataroha Diana I Sulie A Jisas Kraes Nge A Jon E Uusue 7:32

Oto mo Parise kire rongoa mwala ko kele sasawarungeꞌinie walu olana i sulie a Jisas, oto ikire na mo naꞌohai pris kire ko si uusungeꞌinie mo ramo kakakali aana Nume Maaꞌi Peine huni lae i tapolie a Jisas.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

Uusu-uusu A Pol Hurula'aa Hunie Mo Rom 5:7

Na leune kie sai leesie uri tolahana God e tohungei aaopa mwaanie mo iinoni, aana ikie mo iinoni, nga iini saꞌa mwaꞌe-mwaꞌe ike huni mae honotana nga iinoni kohi. Wa ohe nga iini e sai mwaꞌe-mwaꞌe taane huni mae honotana nga tohungei iinoni diana. Taꞌe a God oto e tohungei haataꞌi diana aana manata-diananga ingeie hunikie, aana a Kraes e mae honotaka maꞌalana kie iiꞌo ue aana tala ni oorahaꞌaa.

Palonga 11:24

A Banabas ingeie mwane diana na e honu aana Liꞌoa Maaꞌi na hiiwalaimolinge ingeie e susu. Na maholona mo iini hunge kire ko aehota hiiwalaimoli oto aana a Aalaha.

Tataroha Diana I Sulie A Jisas Kraes Nge A Jon E Uusue 7:52

Oto kire aalamie, kire ko si teꞌuri, “?Uri iꞌoe noꞌone o uure i Kalili? O ke lio diana aana kaꞌu mo Uusu-uusu Maaꞌi, na o ke leesie nga taꞌa-taꞌa propet e kaꞌa lae ike mai uure mwaanie i Kalili.”

Tataroha Diana I Sulie A Jisas Kraes Nge A Jon E Uusue 6:14

Oto maholo mwala kire leesie huꞌi-huꞌite a Jisas e asuie ngeena, kire ko si teꞌuri, “Saꞌa mola propet paine nge mo Uusu-uusu Maaꞌi e unue uri kei lae mai laona walumalau ni oto ienini.”

Tataroha Diana I Sulie A Jisas Kraes Nge A Luk E Uusue 23:50

Na a Josep, mwane aana huilume i Arimatia aana poꞌo ni henue i Jiudia, ingeie noꞌone i leune aana maholona. Ingeie mwane diana na e oodotaꞌi, na ko maa-maaꞌoohie Aalahanga a God kei lae mai. A Josep mwane taane noꞌone aana pulitaa ni lei-lei mo Jiu, taꞌe e kaꞌa ilenimwaꞌe ike peꞌie walu ola kire asuiꞌi aana a Jisas.

Tataroha Diana I Sulie A Jisas Kraes Nge A Luk E Uusue 23:47

Oto naꞌohana mo ramo ni Rom e uure-uure i leune, maholo e leesie mei olana e rau urine, ko si ere ni haꞌamaꞌunge hunie a God, na ko teꞌuri, “Toꞌohuu oto, a mwane ie nga mwane oodotaꞌi.”

Tataroha Diana I Sulie A Jisas Kraes Nge A Luk E Uusue 18:19

Oto a Jisas ko aalamie uuri, “?E ue o ko unue uri ineu nou diana? Nga taꞌa-taꞌa iini kaꞌa diana ike taꞌe a God haliꞌite.

Tataroha Diana I Sulie A Jisas Kraes Nge A Luk E Uusue 7:16

Oto ahutana mwala ko meni pangataꞌi na kire ko soi haꞌamanikuluꞌaa God uuri, “!Nga propet paine liutaa kaꞌu e taꞌelaꞌi i matolakaelu ie! !A God e lae oto mai huni haꞌa-uurie mo iinoni ingeie!”

Tataroha Diana I Sulie A Jisas Kraes Nge A Luk E Uusue 6:45

Iinoni diana e toꞌo aana mo loꞌongaꞌinge diana i laona saena, na kei haataꞌiniꞌi aana mo ola diana kei esuiꞌi. Taꞌe iinoni aaela e toꞌo aana mo loꞌongaꞌinge aaela i laona saena, na kei haataꞌiniꞌi aana mo ola aaela kei esuiꞌi. Aana iinoni ko ere-ere i sulie nga taa nge saena e honu aana.”

Matiu 27:63

Oto kire ko teꞌuri hunie, “Mwane Ouꞌou, melu ko si aamasitoꞌo aana nga taa mwane eero-eero ngeena e unue na e mauri ue aana e teꞌuri, ‘I purine oolu hei dinge ne kei taꞌelaꞌi loꞌu.’

Matiu 21:46

Oto kire ko sare tapolie oto, taꞌe kire ko meꞌuteꞌinie mwala, aena aana mwalana kire hiiwalaimoli aana uri a Jisas ingeie nga propet oto toꞌohuu.

Matiu 10:25

E malisine uri tolahana pwaarongoisuli ke urihana oto haꞌa-uusuli ingeie, na koni-konihe ke urihana oto aalaha ingeie. Ineu oto pwaune nume ikolu, na oto mala mwala ko haaraꞌinieu aana naꞌohana mo liꞌoa aaela, iꞌomu, mwala aana nume kire ke si haaraꞌi aaelasiꞌomu loꞌu liutaa.