Tataroha Diana I Sulie A Jisas Kraes Nge A Jon E Uusue 5:44 - Tataroha Diana

⁴⁴ Omu saetoꞌo aana mola uri mwala ke laheꞌomu, taꞌe omu kaꞌa sare iiꞌo oodotaꞌi ike uri hunie taꞌa-taꞌa tohungei God ke laheꞌomu. ?Nge ko urine, omu ke si hiiwalaimoli eeku uri taa eena?

Tataroha Diana I Sulie A Jisas Kraes Nge A Jon E Uusue 5:44 Referans Kwoze

Tataroha Diana I Sulie A Jisas Kraes Nge A Jon E Uusue 12:43

Kire maꞌu urine aana kire saetoꞌo aana mo iinoni ke lahera, liutaa aana kire saetoꞌo aana uri a God ke lahera.

Uusu-uusu A Pol Hurula'aa Hunie Mo Rom 2:29

Tohungei iinoni ni Jiu oto iini nge manatana e oodo oto peꞌie a God, na tohungei haꞌa-ara aana iinoni a God, mei hei-oolisinge takoie a God nge a Liꞌoa Maaꞌi ko esuie aana saena iinoni. Leu ngeena e kaꞌa lae ike mai mwaanie mo Haꞌatolanga nge uusuleni e sai lae i laona mo puke, taꞌe Liꞌoa Maaꞌi a God oto mola hahaiteli ni e sai esuie. Taungei iinoni urine e kaꞌa saetoꞌo aana ike mwala ke lahea, taꞌe saena mola hunie a God ke lahea.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

Uusu-uusu A Pol Hurula'aa Hunie Mo Rom 2:10

Taꞌe ahutana mwala nge kire ko lae peꞌi esu diana, a God kei haꞌamanikuluꞌara, na kei haꞌapainaꞌara, na kei niie hanuelamanga hunire. Leune kei reu aana taꞌena nga iinoni diana, maꞌalana ikire mo Jiu wa ikire nga mo Jiu haꞌike.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Tataroha Diana I Sulie A Jisas Kraes Nge A Luk E Uusue 19:17

Oto aalaha ngeena ko teꞌuri hunie, ‘!E diana! Iꞌoe oto mwane auꞌesu diana. Nou lio saie uri o sai kinetaꞌinie mo ola mwai-mwei. Ngeena, ne kei neꞌiꞌo o ke aalaha oto haahie ngaeta aawalai huilume ineu.’

Jemes 2:1

Maeni eesiku, omu hiiwalaimoli oto aana Jisas Kraes Aalaha ikie. Oto omu ke suꞌuri waelie manikuluhaꞌana peꞌi loꞌongaꞌinie uri ngaeta mo iinoni kire kohi loꞌu liutaa aana ngaeta mo iini.

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

2 Korinit 10:18

Aana iinoni nge a Aalaha e neꞌisae paine aana haꞌalaa a God ko saetoꞌo aana, e kaꞌa ike iinoni nge e neꞌisae paine aana mola maraana.

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

Tataroha Diana I Sulie A Jisas Kraes Nge A Jon E Uusue 8:43

?E ue nge omu kaꞌa sai rongo saie nga taa no ko unu-unue? Omu kaꞌa sai rongo saie aena aana omu kaꞌa sare rongo ike hunie walaku.

Tataroha Diana I Sulie A Jisas Kraes Nge A Jon E Uusue 3:20

Mo iini helelada e tataꞌala kire tohungei leledie raa-raa, aena aana kire sereꞌinie uri haataꞌinilana mo tataꞌalanga ikire ke lae haadaꞌi.

Tataroha Diana I Sulie A Jisas Kraes Nge A Jon E Uusue 5:41

“Nou kaꞌa loꞌohie ike uri mwala ke haꞌamanikuluꞌaau,

1 Tesalonaeka 2:6

na melu kaꞌa loꞌohie ike noꞌone uri iꞌomu wa nga mwala aaopa loꞌu kire ke laheꞌemeelu.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.