Tataroha Diana I Sulie A Jisas Kraes Nge A Jon E Uusue 5:34 - Tataroha Diana

³⁴ Ineu maraaku na nou kaꞌa hari hunie ike nga iinoni ke ere i sulieu, taꞌe no ko haꞌa-aamasitoꞌoꞌomu mola aana nga taa a Jon e unue i sulieu, uri hunie omu ke hele aana maurihe huu.

Tataroha Diana I Sulie A Jisas Kraes Nge A Jon E Uusue 5:34 Referans Kwoze

1 Jon 5:9

Mala uri kie ko hiiwalaimoli aana nga taa iinoni ko unu-unue, nge kie ke hiiwalaimoli noꞌone aana Jisas, aena aana nga taa a God e unue e paine liutaa, na ingeie maraana e unu haꞌa-oaie a Kalena.

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

1 Timoti 4:16

O ke kinetaꞌinie mauringe iꞌoe hunie ke diana, na haꞌa-uusulinge iꞌoe hunie mwala ke diana noꞌone. Aana mala uri o kei hele susuleꞌi aani iiꞌonga oodotaꞌi, na o ke lae taraꞌasi peꞌie haꞌananaulana mwala urine, nge o sai haꞌa-uuriꞌo maraamu na mo iini nge kire ko pwaarongo i suliꞌo.

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.

Uusu-uusu A Pol Hurula'aa Hunie Mo Rom 10:1

Maeni eesiku maaꞌi, mei neꞌisaenga e paine i laona manataku na mei ola no ko aarea a God hunie oto tarau, nge hunie a God ke haꞌa-uurie ahutana mo Jiu.

Uusu-uusu A Pol Hurula'aa Hunie Mo Rom 3:3

Maꞌalana ngaeta mo iini aamami mo Jiu kaꞌa hiiwalaimoli ike aana walana, taꞌe leune e kaꞌa da ike uri a God ke toliꞌaasie mola mo heiholotaꞌinge ingeie.

Tataroha Diana I Sulie A Jisas Kraes Nge A Jon E Uusue 8:54

Oto a Jisas ko aalamire uuri, “Mala uri ne kei haꞌamanikuluꞌaau mola maraaku, nga mei loꞌongaꞌinge haꞌike aana manikuluꞌanga ineu ngeena. Taꞌe iini nge ko haꞌamanikuluꞌaau oto Aamaku, iini nge omu ko unue oto uri ingeie God iꞌomu.

Tataroha Diana I Sulie A Jisas Kraes Nge A Jon E Uusue 5:41

“Nou kaꞌa loꞌohie ike uri mwala ke haꞌamanikuluꞌaau,

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Uusu-uusu A Pol Hurula'aa Hunie Mo Rom 12:21

Mwaanie omu toitoliꞌaasie aaelanga ke aꞌailaꞌasiꞌomu, taꞌe iꞌomu ni omu ke aꞌailaꞌa taraꞌasi aani esuilana mo tolahai ola diana hunie omu ke aꞌailaꞌasie aaelanga.

Uusu-uusu A Pol Hurula'aa Hunie Mo Rom 10:21

Taꞌe a God ko ere i sulie mo Jiu uuri, Nou haꞌaweoau e tewa oto aana soi-soinge suli dinge huni peꞌie mwala nge kire kaꞌa sare aaliꞌu takoieu aana ikire mwala hai-heitohe na saeda e hau oto. Aesaea 65:2

Tataroha Diana I Sulie A Jisas Kraes Nge A Luk E Uusue 19:10

Ineu a Kale Ni Iinoni, nou lae mai huni loꞌohie mwala e takalo kaꞌu, na huni haꞌa-uurire.”

Tataroha Diana I Sulie A Jisas Kraes Nge A Luk E Uusue 13:34

Oto a Jisas ko si teꞌuri, “!Aaia Jerusalem, Jerusalem! Iꞌomu oto omu ko horo suuheꞌinie mo propet na omu ko uuꞌi maesie mo iini a God e uusungeꞌinire mai huniꞌomu. Mo maholo hunge nou sasare peꞌiꞌomu mala pwa-pwa ni kue ko lokoa mo kalena i hahana apa-apana huni haꞌa-uurire. Taꞌe omu kaꞌa saetoꞌo aaku ike.

Tataroha Diana I Sulie A Jisas Kraes Nge A Jon E Uusue 5:32

Taꞌe nga iini aaopa taane i leune ko haꞌawalaimoliꞌaa walaku, na nou saie uri nga taa ko unue i sulieu e toꞌohuu.