Tataroha Diana I Sulie A Jisas Kraes Nge A Jon E Uusue 5:19 - Tataroha Diana

¹⁹ Oto a Jisas e aalamire ko teꞌuri, “No ko unue oto huniꞌomu uri a Kale e saꞌa roroꞌa ni da ike nga mei ola tohune taꞌe mwaanie nga mei ola oto ko leesie Aamana ko euꞌesuie haꞌalaa ingeie ko esuie. Aana taꞌena nga ola a Mamaꞌa ko esuie, nge a Kale ko esuie noꞌone mola.

Tataroha Diana I Sulie A Jisas Kraes Nge A Jon E Uusue 5:19 Referans Kwoze

Tataroha Diana I Sulie A Jisas Kraes Nge A Jon E Uusue 12:49

Walaku mei ola toꞌohuu ni ngeena, aena aana walu ola nou haꞌa-haꞌa-uusuli eeni, kaꞌa mo ola ike mola ineu maraaku. A Mamaꞌa, iini e uusungeꞌinieu mei, nge ni e unue hunieu nga taa ni unue, na huni haꞌa-uusuli aana.

Tataroha Diana I Sulie A Jisas Kraes Nge A Jon E Uusue 8:28

Oto a Jisas ko si teꞌuri hunire, “Maholo omu kei taꞌeau a Kale Ni Iinoni i lengi peꞌie hai ei, nge omu ke si saie uri ineu oto iini e iiꞌo huu. Nou kaꞌa da ike taane nga mei ola tohuku, taꞌe no ko unu-unue mola mo ola a Mamaꞌa e haꞌa-uusulieu eeni.

Tataroha Diana I Sulie A Jisas Kraes Nge A Jon E Uusue 14:10

?Uri o kaꞌa hiiwalaimoli ike, Pilip, aana uri ineu i lalo aana a Mamaꞌa na uri a Mamaꞌa noꞌone i lalo aaku? Mo wala nou unuꞌi huniꞌomu ngeena, nou kaꞌa unuꞌi ike tohuku, taꞌe a Mamaꞌa ni e iiꞌo aaku nge ko esuie walu ola omu leesie nou esuiꞌi ngeena.

Tataroha Diana I Sulie A Jisas Kraes Nge A Jon E Uusue 10:18

Nga iini kaꞌa taꞌaasie ike maurihaꞌaku mwaanieu. Ineu, nou toliꞌaasie mola maraaku. Nou toꞌo aana nanamanga huni toliꞌaasie mola maraaku, na nou toꞌo aana nanamanga noꞌone huni tola aalihoꞌi loꞌu aana. Na nga taa Aamaku e unue mei ola ne kei esuie ni otona.”

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

Tataroha Diana I Sulie A Jisas Kraes Nge A Jon E Uusue 9:4

Maholo kolu ko mau-meuri ue e urihana mola e dai-dengi ue, na kolu sai esu oto nana iini e uusungeꞌinieu mei. Taꞌe aana maholo kei rodo oto, na nga iini e saꞌa asu ike loꞌu.

Tataroha Diana I Sulie A Jisas Kraes Nge A Luk E Uusue 21:15

Ineu, ne kei haataꞌinie taane aamiu nga taa ni unue aana tohungana saenanaunge hule aana nga iini aana mo maelonga iꞌomu, na e saꞌa oolisie ike loꞌu nga mei wala aana erenga iꞌomu.

Tataroha Diana I Sulie A Jisas Kraes Nge A Jon E Uusue 5:21

Oto mala kaꞌu a Mamaꞌa ko taꞌea mo iini e mae mwaanie maenga hunie kire ke mauri loꞌu, nge a Kale na e urine noꞌone mola, aana e sai niie maurihe hunie mo iini e saetoꞌo aada.

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

Tataroha Diana I Sulie A Jisas Kraes Nge A Jon E Uusue 3:3

Oto a Jisas ko aalamie ko teꞌuri, “No ko unue oto toꞌohuu huniꞌo uri nga taꞌa-taꞌa iinoni e saꞌa roroꞌa ni lio mangine Aalahanga a God na e kaꞌa hute haalu loꞌu.”

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

Kolosi 1:16

Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

Pilipae 3:21

Na ingeie kei oolisie sapeka nge e mamaelaꞌa na e sai mae, hunie ke neꞌie mei sape manikuluꞌe mala sapena. Maholo kei oolisie sapeka urine, kei esu oto aana nanamanga paine ingeie nge ko aalaha haahie ahutana walu ola aana.

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Epesas 2:5

Na aena mei olana maholo kie mae kaꞌu i tehulaꞌana mo heitohenga ikie, ingeie e si da kie ke mauri tararuru peꞌie a Kraes. Oto niinge a God mone e haꞌa-uuriꞌomu,

2 Korinit 4:14

Melu manataꞌinie oto uri a God, iini nge e taꞌea Aalaha ikie a Jisas, kei heꞌi taꞌeꞌemeelu noꞌone loꞌu mala a Jisas, na kei tooleꞌemeelu tararuru peꞌiꞌomu hunie leu nge e iiꞌo aana.

1 Korinit 15:12

?Oto mala laeliwalanga ko lae tarau aana uri a God e taꞌe aalihoꞌi aana a Kraes mwaanie maenga, e ue ni ngaeta mo iini hikemiu ko heꞌi unu-unue loꞌu uri mo iini e mae oto kire saꞌa heꞌi taꞌelaꞌi loꞌu?

Uusu-uusu A Pol Hurula'aa Hunie Mo Rom 6:4

Maholo kie ko loto maaꞌi, e urihana oto uri sapeka na ahutana mo saehanalinge ni sape e mae tararuru oto peꞌie a Kraes. Na urine e urihana haitolingeꞌinilaka ko lae oto noꞌone peꞌie hunie a Mamaꞌa ke taꞌelaꞌinikie oto noꞌone hunie mauringe haalu, mala e taꞌelaꞌinie kaꞌu noꞌone a Kraes aana nanamanga paine mwaanie maenga.

Palonga 2:24

Taꞌe a God e taꞌea mwaanie maenga hunie ke iiꞌo luhetaꞌi mwaanie nanamanga aana maenga, i sulie e tohungei aasa hunie maenga kei hele maꞌutaꞌa aana.

Tataroha Diana I Sulie A Jisas Kraes Nge A Jon E Uusue 2:19

Oto a Jisas e aalamire mola uuri, “Mala uri omu kei ohoie Nume Maaꞌi ienini i aano, taꞌe ineu ne kei taꞌe aalihoꞌi aana loꞌu mola aana e oolu aata hai dinge.”

1 Tesalonaeka 4:14

Aana ikie, kie hiiwalaimoli uri a Jisas e mae na e taꞌelaꞌi loꞌu. Oto aena urine nge kie ke hiiwalaimoli noꞌone aana uri a God kei taꞌea loꞌu peꞌie a Jisas mo iini kire mae oto nge kire hiiwalaimoli aana.

Kolosi 1:11

Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

Matiu 26:39

Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Tataroha Diana I Sulie A Jisas Kraes Nge A Jon E Uusue 6:38

Aena aana nou siho mai uure i Lengi, kaꞌa ike hunie ne ke asuie mo ola i sulie saeku maraaku, taꞌe i sulie saena iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 12:50

Na nou saie uri nga taa e unue e sai toolea mo iinoni takoie maurihe huu. Oto nga taa no ko unu-unue, nga taa nge a Mamaꞌa e unue hunieu uri ne ke unu haadaꞌi aana ni otona.”