Tataroha Diana I Sulie A Jisas Kraes Nge A Jon E Uusue 19:4 - Tataroha Diana

⁴ Mango urine a Paelat e heꞌi iisitaa loꞌu taꞌau i saada mo naꞌohai mwane ni Jiu, ko si teꞌuri hunire, “Lio kaꞌu, ne kei toolea oto poi seemiu i sinaha i leu, uri hunie omu ke saie uri nou kaꞌa lio oodoie ike nga mei ola aaela aana huni lei mae aana haahie.”

Tataroha Diana I Sulie A Jisas Kraes Nge A Jon E Uusue 19:4 Referans Kwoze

Tataroha Diana I Sulie A Jisas Kraes Nge A Jon E Uusue 19:6

Maholo mo naꞌohai pris na mo mwane kakakali kire leesie a Jisas, oto kire ko si tea oto paine uuri, “!Horo maesie! !Horo maesie i lengine poꞌu-poꞌu!” Oto a Paelat ko teꞌuri hunire, “Iꞌomu, omu ke toolea hunie omu ke lai horo maesie i lengine poꞌu-poꞌu maraamiu, aana ineu nou kaꞌa lio oodoie ike nga mei ola ke dau huꞌisie.”

Tataroha Diana I Sulie A Jisas Kraes Nge A Jon E Uusue 18:38

Oto a Paelat ko si dolosi uuri, “?Nga taa ni walaimolinge?” Na e ere mango urine, e si heꞌi iisitaa loꞌu i saana mo Jiu taꞌi sinaha, na ko teꞌuri hunire, “Nou kaꞌa lio oodoie ike nga mei ola aaela aana a mwane ie.

Tataroha Diana I Sulie A Jisas Kraes Nge A Luk E Uusue 23:4

Oto a Paelat ko teꞌuri hunie mo naꞌohai pris na ahutana mwala, “Nou kaꞌa lio oodoie ike nga mei roroꞌanga aana a mwane ienini.”

Tataroha Diana I Sulie A Jisas Kraes Nge A Luk E Uusue 23:47

Oto naꞌohana mo ramo ni Rom e uure-uure i leune, maholo e leesie mei olana e rau urine, ko si ere ni haꞌamaꞌunge hunie a God, na ko teꞌuri, “Toꞌohuu oto, a mwane ie nga mwane oodotaꞌi.”

1 Jon 3:5

Omu manataꞌinie oto uri a Kraes e lae mai huni taꞌaasie oorahaꞌaa, na uri ingeie maraana nga mei oorahaꞌaanga haꞌike aana.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Tataroha Diana I Sulie A Jisas Kraes Nge A Luk E Uusue 23:41

Ikure aana e urine, na horoꞌilakarue ko lae oto haahie mo ola kure dau aaelasiꞌi. Taꞌe a mwane ienini, ingeie e kaꞌa dau aaelasie ike nga mei ola oto ooꞌoo.”

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Matiu 27:19

Oto maholo a Paelat e iiꞌo i aano i lengine naunekume ni leinge, huꞌe ingeie e uusungeꞌinie mai mei wala hunie na ko unue uuri, “Mwaanie o euꞌesuie nga mei ola aana mwane oodotaꞌi ngeena, aena aana nou tohungei hii aaela i rodo aana nou maꞌahu polea.”

Matiu 27:4

Oto ko teꞌuri hunire, “Nou deu oorahaꞌaa oto aana nou talei pwelo tototala mola aana iini e kaꞌa dau huꞌisie ike nga mei ola.” Oto mo rato ni mwane kire ko aalamie uuri, “Leu ngeena kaꞌa roroꞌanga ike iꞌemeelu ni ngeena. Roroꞌanga oto iꞌoe maraamu.”

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Tataroha Diana I Sulie A Jisas Kraes Nge A Jon E Uusue 18:33

Oto a Paelat e heꞌi sili eelihoꞌi loꞌu weu i nume ni aalahanga ngeena, na ko soie a Jisas, ko si dolosi aana uuri, “?Uri iꞌoe ni oto inemauri mo Jiu?”