Tataroha Diana I Sulie A Jisas Kraes Nge A Jon E Uusue 17:25 - Tataroha Diana

²⁵ “Mamaꞌa, iꞌoe oto o tohungei oodotaꞌi, na maꞌalana uri walumalau e kaꞌa saiꞌo, taꞌe ineu nou saiꞌo mola, na mo iini ineu ie kire saie taane uri iꞌoe ni o uusungeꞌinieu mei.

Tataroha Diana I Sulie A Jisas Kraes Nge A Jon E Uusue 17:25 Referans Kwoze

Tataroha Diana I Sulie A Jisas Kraes Nge A Jon E Uusue 17:11

Ineu no ko lae oto taꞌau i seemu. Nou saꞌa iiꞌo ike loꞌu mei welumalau, taꞌe ikire haꞌalaa kire ko oꞌoꞌo ue mai welumalau. Mamaꞌa Maaꞌi, o ke kinetaꞌinire aana nanamanga iꞌoe, nanamanga nge o niie hunieu, hunie uri kire ke neꞌie nga taꞌa-taꞌa iinoni oto mala ikure.

Tataroha Diana I Sulie A Jisas Kraes Nge A Jon E Uusue 17:8

Aana mo haꞌa-uusulinge o nii-niiꞌi hunieu, nou niiꞌi oto hunire na kire tooleꞌi oto. Kire manataꞌinie oto toꞌohuu uri nou uure mai mwaaniꞌo, na kire hiiwalaimoli oto aana uri iꞌoe o uusungeꞌinieu mei.

Tataroha Diana I Sulie A Jisas Kraes Nge A Jon E Uusue 15:21

Taꞌe kire kei teungeꞌiniꞌomu mola aena aana omu ko norutoꞌo aaku, na aana kire kaꞌa saie ike iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 7:29

Ineu haꞌalaa nou manataꞌinie, aena aana nou uure oto mwaanie na ingeie e uusungeꞌinieu mei.”

Tataroha Diana I Sulie A Jisas Kraes Nge A Jon E Uusue 16:27

Aena aana a Mamaꞌa maraana e manata diana oto huniꞌomu, aana omu manata diana noꞌone hunieu, na omu hiiwalaimoli aana uri ineu nou uure oto mai mwaanie a God.

Hibru 8:11

Nga taꞌa-taꞌa iini aada e saꞌa haꞌa-uusulie loꞌu nga auhenue ingeie, wa nga aasine hunie ke unue uuri, “Saemu ke tahanie a Aalaha.” !Haꞌike! Taꞌe aana maholona, kire kei meni manataꞌinieu, uure aana mo iini mwei-mwei lai hule aana mo iini e peine.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Tataroha Diana I Sulie A Jisas Kraes Nge A Jon E Uusue 8:55

Iꞌomu hule aana omu kaꞌa saie ike, taꞌe ineu haꞌalaa nou sai diana aana. Oto mala ne ke unue uri nou kaꞌa saie ike, nge ne kei neꞌi iinoni eero-eero noꞌone mala iꞌomu eena. !Taꞌe haꞌike! Nou sai diana aana taane, na no ko lulu i sulie walana.

Tataroha Diana I Sulie A Jisas Kraes Nge A Luk E Uusue 10:22

Oto ko heꞌi unue loꞌu hunie mwala uuri, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.”

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.

1 Jon 1:9

Taꞌe mala kie ko haꞌahoue mo oorahaꞌaa ikie hunie a God, nge kie sai norutoꞌo aana huni saeꞌaasie mo oorahaꞌaa ikie, aana ingeie e oodotaꞌi na kei tohungei haꞌarereꞌakie mwaanie taꞌena nga takalonga ikie.

2 Tesalonaeka 1:8

Na ke lae mai peꞌie dunge oto paine huni haꞌaloie mwala nge kire ko sereꞌinie a God na kire kaꞌa sare tola i sulie ike Tataroha Diana i sulie Aalaha ikie a Jisas.

1 Korinit 15:34

Oto omu ke loꞌo-loꞌongaꞌi diana loꞌu, na mwaanie omu heꞌi oora-oorahaꞌaala loꞌu. No ko tola tahangaꞌinie leune huni haꞌamasaꞌomu uri nga mo iini eemiu kire kaꞌa saie ike ue a God.

1 Korinit 1:21

Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.

Uusu-uusu A Pol Hurula'aa Hunie Mo Rom 3:26

taꞌe ie e leie a Kraes haahie oorahaꞌaanga ahutana mwala ni welumalau. Oto i leune a God e haataꞌinie oto leinge ingeie e oodotaꞌi taane, na e tohungei melisi na e oodo hunie ahutana mwala kire hiiwalaimoli aana Jisas ke neꞌi iinoni oodotaꞌi oto i maana maraana.

Uusu-uusu A Pol Hurula'aa Hunie Mo Rom 3:11

Nga taꞌa-taꞌa iini hunie ke lio saie nga taa e oodo haꞌike, na nga taꞌa-taꞌa iini e kaꞌa haitalea ike a God.

Uusu-uusu A Pol Hurula'aa Hunie Mo Rom 1:28

Oto aena aana mwala ngeena kaꞌa sare loꞌongaꞌinie ike loꞌu saenanaunge toꞌohuu aana God, a God e toliꞌaasire mola hunie kire ke dau mola mala saeda, maꞌalana kire ko da mola walu ola e kaꞌa malisine ike uri kire ke dauꞌi.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 17:23

No ko ere urine aena aana maholo nou lae-lae hailiu i laona huilume iꞌomu, nou leesie mo leu oto hunge nge omu ko aare-aarengaꞌi eeni, na nou leesie omu uusue noꞌone mo wala aana ngaeta ora ni uunu-uunu e teꞌuri, ‘Ora ni uunu-uunu i saana liꞌoa kolu kaꞌa saie.’ Oto liꞌoa nge omu ko palo-paloa urine, maꞌalana omu kaꞌa saie, taꞌe ingeie nge no ko ere-ere i sulie huniꞌomu ienini.

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Tataroha Diana I Sulie A Jisas Kraes Nge A Jon E Uusue 17:18

Mala kaꞌu ie o uusungeꞌinieu mei laona walumalau, nge no ko uusungeꞌinire oto i laona walumalau.

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

Tataroha Diana I Sulie A Jisas Kraes Nge A Jon E Uusue 16:30

Melu lio saie taane oto uri iꞌoe o saie ahutana walu ola, na melu kaꞌa toꞌo aana ike nga mo dolosinge loꞌu. Aena urinena nge melu si hiiwalaimoli uri o uure oto mai mwaanie a God.”

Tataroha Diana I Sulie A Jisas Kraes Nge A Jon E Uusue 16:3

Mwala kei haꞌasapesaluꞌaꞌomu urine, aena aana kire kaꞌa manataꞌiniꞌemereꞌi ike a Mamaꞌa.

Tataroha Diana I Sulie A Jisas Kraes Nge A Jon E Uusue 8:19

Oto kire ko si dolosi aana Jisas uuri, “?Oto aamamu ingeie i tei?” A Jisas e aalamire oto ko teꞌuri, “Omu kaꞌa saieu ike, kaꞌu omu kaꞌa saie ike noꞌone Aamaku. Mala uri omu ke saieu, haꞌalaa omu saie oto noꞌone Aamaku.”

Tataroha Diana I Sulie A Jisas Kraes Nge A Jon E Uusue 6:19

Maholo kire hote haꞌatau oto mala e lime wa e oono kilomita mwaanie i oone, oto kire ko si leesie a Jisas ko taalau i kolune aasi na ko lae oto mai takoie iiola. Mo pwaarongoisuli kire leesie urine, kire ko si tohungei meꞌu oto hiitoꞌo.

Tataroha Diana I Sulie A Jisas Kraes Nge A Jon E Uusue 3:17

Aana a God e kaꞌa uusungeꞌinie ike a Kalena i laona walumalau hunie ke leie walumalau, taꞌe hunie haꞌa-uurilana walumalau ke lae aana.

Tataroha Diana I Sulie A Jisas Kraes Nge A Jon E Uusue 1:18

Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

Haataꞌinge 16:5

Oto nou rongoa ensel nge ko lio i sulie mo wei, ko teꞌuri, “Iꞌoe oto o maaꞌi, na o meuri oto uure wau i naꞌo na oto mai siꞌiri ie, o tohungei deu diana aana o haꞌaloie mwala aaela urine.