Tataroha Diana I Sulie A Jisas Kraes Nge A Jon E Uusue 15:2 - Tataroha Diana

² Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 15:2 Referans Kwoze

Matiu 3:10

Aana a God e urihana mwane e neꞌi aakau oto aana hakesi i aeꞌaena mo ei, na mo ei nge kire kaꞌa hungu ike aani hue-huei ei diana, kei tohu aasiꞌi na aasileni kei lae i laona dunge.

Matiu 15:13

Oto a Jisas ko aalamire ko teꞌuri, “Toliꞌaasire mola, aana ahutana mo ei nge Aamaku i Lengi e kaꞌa hasiꞌi, ware-aasileni kei lae.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.

Tataroha Diana I Sulie A Jisas Kraes Nge A Jon E Uusue 15:8

Omu ke hungu diana huni haataꞌinie uri iꞌomu mo pwaarongoisuli ineu, na aena urine nge mwala ke si lio saie manikuluhaꞌana Aamaku.

Matiu 13:12

Aana taꞌena nga iini e mwaꞌe-mwaꞌe huni rongo i sulie mo haꞌa-uusulinge ineu, nge sapeilana saenanaunge ni Lengi kei lae loꞌu oto liutaa hunie. Taꞌe a tei nge e kaꞌa mwaꞌe-mwaꞌe huni rongo i sulie mo haꞌa-uusulinge ineu, nge maꞌalana uri nga kele mei saenanaunge ni Lengi e toꞌo aana, taꞌe taꞌaasilana kei lae mola mwaanie.

Matiu 3:12

Ingeie ni e toꞌo aana nanamanga huni leie ahutana iinoni. Aana e urihana iinoni nge ko taꞌaasie mo hule-hulei kooni mwaanie mo tohungei ola. Oto ko si neꞌi konie mo tohungei ola i lengine haa i laona nume ni duru ingeie. Taꞌe mo hule-hulei ola aaela ngeena, nge kei uunuꞌi aana dunge nge e saꞌa mwaꞌa loꞌu.”

Matiu 21:19

Oto e leesie ai fik i reune tala, na ko lae oto i saana. Taꞌe maholo e lae wai hule aana, na ko leesie uri nga taꞌa-taꞌa hue-huei ei haꞌike aana, taꞌe apa-apana mola haliꞌite. Oto ko unue hunie ai ngeena uuri, “O saꞌa roroꞌa ni hungu loꞌu.” Na ai ngeena ko tolana nunulu oto molo aana maholona.

Hibru 12:15

Omu ke lio talamiu mwaanie nga iini eemiu e oore aani hele aana hahuꞌana manata-diananga a God e haataꞌinie oto naka. Na mwaanie omu aehota huni loo-loohaꞌinie loꞌu aaelanga, aana tolahai ola urine e sai waelie mwala oto hunge.

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Tataroha Diana I Sulie A Jisas Kraes Nge A Luk E Uusue 8:13

Na mo iini nge manatada e urihana mei mwakano hau-heue ngeena, kire rongoa walana God, na oto lau-leu kire ilenimwaꞌe haahie. Taꞌe ola mala nga ai ke uure i laona mei mwakano urine, haꞌalaa imi-imine e kaꞌa susuꞌimi ike hiitoꞌo i aano. Kire hiiwalaimoli mola haꞌawali, na aana maholo malaahongalada kei lae, oto kire ko tolana toliꞌaa mola.

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

1 Korinit 13:1

Maꞌalana uri ne ke talei ere-ere loꞌu aani erenga hai aaopaꞌi mo iinoni na aana erenga mo ensel, taꞌe manata-diananga e kaꞌa iiꞌo aaku, erenga ineu e urihana mola aahuri ko eꞌengo wa pelo ko ngara-ngara.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

Tataroha Diana I Sulie A Jisas Kraes Nge A Jon E Uusue 17:12

Maholo nou oꞌoꞌo peꞌire, nou koni diana aada aana nanamanga aana satamu, nanamanga nge o niie kaꞌu hunieu. Nou lio i suli diana aada, hule aana nga taꞌa-taꞌa iini aada e kaꞌa aiꞌaa, taꞌe taꞌa-taꞌa iini mola e adona oto ke aiꞌaa huni haꞌa-oaie mo Uusu-uusu Maaꞌi.

Matiu 13:33

Oto ko heꞌi unue loꞌu ngaeta aalahuunge hunire uuri, “Aalahanga a God e urihana noꞌone kele mei iis nge huꞌe e pwaie i laona nimei pulaoa oto paine, na ahutana e haro poꞌo mango mola aana e hane.”

Matiu 7:19

Taꞌena nga ai e kaꞌa hungu eeni hue-huei ei diana, nge kire kei tohue na kire kei aasie i laona dunge.

Matiu 25:29

Aana nga iini nge ko esu diana aana nga taa e toꞌo aana oto, aalaha ingeie kei niie nga mo iini loꞌu hunie sapeiteni. Oto iinoni ngeena ke si toꞌo aana loꞌu mo ola hunge liutaa aana nga taa e toꞌo aana kaꞌu. Taꞌe nga iini nge e kaꞌa asu diana aana nga taa e toꞌo aana oto, nge aalaha ingeie kei taꞌaasie ahutana mo ola mwaanie.

Tataroha Diana I Sulie A Jisas Kraes Nge A Mak E Uusue 4:20

Taꞌe mo iini loꞌu, mo iini urihana mei mwakano diana ngeena, kire rongoa mo wala ngeena, oto kire lulu i suliꞌi. Oto kire hungu diana oto eena, mo iini oolu aawala, na nga mo iini oono aawala, na nga mo iini tangalau.”

Tataroha Diana I Sulie A Jisas Kraes Nge A Jon E Uusue 15:1

Oto a Jisas e heꞌi unue loꞌu hunie mo pwaarongoisuli ingeie uuri, “Ineu oto ai grep toꞌohuu, na Aamaku oto iini ko esuie hohola ni grep.

Tataroha Diana I Sulie A Jisas Kraes Nge A Jon E Uusue 15:3

Iꞌomu, omu rereꞌa mango oto, aana nga taa nge nou haꞌa-uusuliꞌomu aana.

Tataroha Diana I Sulie A Jisas Kraes Nge A Jon E Uusue 15:6

Aana nga iini e kaꞌa iiꞌo susu eeku, aasilana kei lae mola mala sasarai ola aaela, oto ko nunulu mola. Na mo sasarai ola urine, kire ke soꞌokoniꞌi na aasileni ke lae mola i laona dunge hunie ke waru tetehu.

Uusu-uusu A Pol Hurula'aa Hunie Mo Rom 11:17

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.

Uusu-uusu A Pol Hurula'aa Hunie Mo Rom 11:22

Omu ke sai diana aana uri a God e tohungei diana oto liutaa hunikie, taꞌe e sai leikie noꞌone. Ko leie mwala nge kire toliꞌaasie tolahana, taꞌe e diana huniꞌomu. Na kei diana taraꞌasi huniꞌomu mala uri omu kei nou-norutoꞌo aana aamasinge ingeie. Taꞌe mala uri omu kaꞌa dau urine, nge kei heli aasiꞌomu noꞌone.