Tataroha Diana I Sulie A Jisas Kraes Nge A Jon E Uusue 12:28 - Tataroha Diana

²⁸ !Mamaꞌa, o ke haꞌamanikuluꞌaa satamu!” Oto mei wala e loho mai uure i Lengi uuri, “Nou hahuꞌei haꞌamanikuluꞌaa oto, na ne kei heꞌi haꞌamanikuluꞌaa loꞌu.”

Tataroha Diana I Sulie A Jisas Kraes Nge A Jon E Uusue 12:28 Referans Kwoze

Matiu 26:42

Oto a Jisas ko heꞌi ruana lae loꞌu, na ko aarengaꞌi uuri, “Mamaꞌa, mala e kaꞌa mwadaꞌu oto huni taꞌaasie mei sapesalunge ie mwaanieu, nge no ko eitanaiꞌo ke oa oto urine huniꞌo.”

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

2 Pita 1:17

A God Mamaꞌa e tohungei haꞌapainaꞌaa satana Kraes, aana walana Iini E Paine Liutaa e soi haꞌamanikuluꞌaa a Kraes aana e teꞌuri, “A kaleku ni oto ienini, iini nou tohungei saetoꞌo aana oto liutaa.”

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Epesas 2:7

A God e asuie leune urine hunie uri mwala nge kire kei lae mai puri, kire ke lio saie uri manatana e tohungei diana oto liutaa, aana kire kei leesie manata-diananga ingeie hunikie aana a Jisas Kraes.

Tataroha Diana I Sulie A Jisas Kraes Nge A Jon E Uusue 18:11

Oto a Jisas ko teꞌuri hunie a Pita, “O ke neꞌi eelihoꞌi aana naihi iꞌoe i talana. A Mamaꞌa ni e unue leune ke rau urine, na ne kei tola oto i sulie maꞌalana ne ke sapesalu oto uri taa.”

Tataroha Diana I Sulie A Jisas Kraes Nge A Jon E Uusue 11:4

Maholo a Jisas e rongo urine, e si teꞌuri, “Mwaringe ngeena kaꞌa ola ike hunie a Lasaros ke maesie, taꞌe ko reu urine huni haataꞌinie manikuluhaꞌana God na huni haꞌamanikuluꞌaa a Kalena.”

Tataroha Diana I Sulie A Jisas Kraes Nge A Jon E Uusue 9:3

A Jisas e aalamire oto ko teꞌuri, “Ulunge ingeie ngeena, kaꞌa ike i tehulaꞌana nga mei oorahaꞌaanga ingeie maraana wa uri e ro mauꞌana ingeie. E ulu urine hunie uri haataꞌinilana nanamanga a God ke lae maholo haꞌa-uurilana kei lae.

Tataroha Diana I Sulie A Jisas Kraes Nge A Luk E Uusue 9:35

Na kire ko rongoa mei wala e uure mai mwaanie mei uuru ngeena ko teꞌuri, “Tohungei Kaleku ni ienini, iini nou lio hilisie. Omu ke rongo hunie.”

Tataroha Diana I Sulie A Jisas Kraes Nge A Luk E Uusue 3:22

na Liꞌoa Maaꞌi e siho mai i lengine mala hiroikuu. Oto mei wala e uure mai Lengi, na ko teꞌuri, “Iꞌoe oto hahuꞌana kaleku, na nou tohungei manata diana huniꞌo, na no ko ilenimwaꞌe oto liutaa haahiꞌo.”

Tataroha Diana I Sulie A Jisas Kraes Nge A Mak E Uusue 14:36

Oto ko eitanaie a God uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, aana nou saie walu ola e mwadaꞌu mola huniꞌo, oto saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Tataroha Diana I Sulie A Jisas Kraes Nge A Mak E Uusue 9:7

Oto mola aana maholona, mei uuru e lae oto mai haahire, na mei wala e uure mai mwaanie mei uuru ngeena ko teꞌuri, “Tohungei kaleku oto ienini. Omu ke rongo hunie.”

Tataroha Diana I Sulie A Jisas Kraes Nge A Mak E Uusue 1:11

Na mei wala uure taꞌau i Lengi ko teꞌuri, “Iꞌoe oto hahuꞌana kaleku, na nou tohungei manata diana huniꞌo, na no ko ilenimwaꞌe oto liutaa haahiꞌo.”

Matiu 11:25

Na aana maholona a Jisas e teꞌuri, “Mamaꞌa, iꞌoe oto o aalaha haahie i Lengi na mai aano. Uure oto waite o mumunie Tataroha Diana mwaanie kira saenanau, taꞌe ie o ko haataꞌinie oto hunie mo iini kaꞌa saenanau. Oto no ko tohungei paalaheꞌo,

Matiu 11:26

Mamaꞌa, aana o oalaꞌinie hunie ke lae oto urine.”