Tataroha Diana I Sulie A Jisas Kraes Nge A Jon E Uusue 10:27 - Tataroha Diana

²⁷ Mo sipu ineu kire rongo saie walaku, na kire ko lulu i sulieu. Nou sai diana aada,

Tataroha Diana I Sulie A Jisas Kraes Nge A Jon E Uusue 10:27 Referans Kwoze

Tataroha Diana I Sulie A Jisas Kraes Nge A Jon E Uusue 10:16

Nou toꞌo aana taane ngaeta mo sipu na ikire haꞌike ue i laona para ni sipu ineu. Taꞌe ne kei haro tooleꞌi taane ue mai hunie kire ke iiꞌo peꞌie mo iini kire iiꞌo oto i laona para. Kire kei haro neꞌie taꞌa-taꞌa hakaa ni sipu mola, na ineu oto taꞌa-taꞌa kakalihe nge kire sai rongo hunie.

Tataroha Diana I Sulie A Jisas Kraes Nge A Jon E Uusue 10:14

“Ineu oto a kakalihe diana. Mala oto a Mamaꞌa e saieu na ineu nou saie a Mamaꞌa, e urine noꞌone mola mala ineu, nou saie mo sipu ineu, na ikire, kire saieu. Na nou mwaꞌe-mwaꞌe oto ni mae honotani.

Haataꞌinge 3:20

!Omu ke rongo kaꞌu! Ineu oto nou uure i aena maa, no ko iiki-iiki ienini. Mala nga iini ko rongoa walaku na ko tahanie maa talaku, nge ne kei sili mei nume ingeie, na ne kei ngeu oto tararuru peꞌie.

1 Korinit 8:3

Taꞌe mala nga iini ko manata diana, nge e tohungei sai ola oto.

Hibru 3:7

Aena urine kaꞌu nge a Liꞌoa Maaꞌi e teꞌuri, Omu ke rongoa oto walaku siꞌiri,

Tataroha Diana I Sulie A Jisas Kraes Nge A Jon E Uusue 5:25

“No ko unue oto toꞌohuu huniꞌomu uri maholo ko nanauhie oto mai, na e hule mone oto, hunie mo iini maurihaꞌada e mae kei rongoa walaku a Kalena God. Na mo iini ko rongo peꞌi hiiwalaimolinge aaku kei hele aana maurihe.

Tataroha Diana I Sulie A Jisas Kraes Nge A Jon E Uusue 8:12

Oto a Jisas ko heꞌi ere uuri loꞌu hunie mo Parise, “Ineu oto raa-raa hunie mo iinoni aana walumalau. Iini ko lulu i sulieu, e saꞌa heꞌi lae loꞌu i laona rodohono, taꞌe kei toꞌo aana raa-raa nge e sai niie maurihe.”

Kalesia 4:9

Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Tataroha Diana I Sulie A Jisas Kraes Nge A Jon E Uusue 10:8

Ahutana mo iini kire holaꞌi lae mai i naꞌoku nge kire unue uri ikire mo kakali sipu, ikire mwala peli-peli na mwala horo-horo mola. Oto mo sipu kaꞌa rongo ike hunire.

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 8:43

?E ue nge omu kaꞌa sai rongo saie nga taa no ko unu-unue? Omu kaꞌa sai rongo saie aena aana omu kaꞌa sare rongo ike hunie walaku.

Tataroha Diana I Sulie A Jisas Kraes Nge A Luk E Uusue 9:23

Na ko heꞌi unue loꞌu hunie ahutada uuri, “Mala uri nga iini ko sare lulu i sulieu, nge ke pulongosie walu ola e sae haahiꞌi, na ke lulu i sulieu i suli hei dinge, maꞌalana ke sapesalu i tehulaꞌaku, hule aana maenga i lengine poꞌu-poꞌu. Iini nge ko aangaꞌinie poꞌu-poꞌu ingeie urine, haꞌalaa e sai lulu i sulieu.

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

Tataroha Diana I Sulie A Jisas Kraes Nge A Luk E Uusue 13:27

Taꞌe a mwaena ke si heꞌi teꞌuri loꞌu mola huniꞌomu, ‘Nou kaꞌa tohungei saiꞌomu ike wa ne ke saie mo henue iꞌomu. Omu ke tahi mwaanieu, iꞌomu mo iinoni aaela.’

Tataroha Diana I Sulie A Jisas Kraes Nge A Mak E Uusue 8:34

Oto a Jisas e soie mai mwala hunge na mo pwaarongoisuli ingeie i saana, ko si teꞌuri hunire, “Mala uri nga iini ko sare lulu i sulieu, nge ke pulongosie walu ola e sae haahiꞌi, na ke lulu i sulieu, maꞌalana ke sapesalu i tehulaꞌaku, hule aana maenga i lengine poꞌu-poꞌu. Iini nge ko aangaꞌinie poꞌu-poꞌu ingeie urine, haꞌalaa e sai lulu i sulieu.

Matiu 25:12

“Oto poro haalu ngeena ko si aalamire mola uuri, ‘No ko unue oto huniꞌomu uri nou kaꞌa manataꞌiniꞌomu ike.’ ”

Matiu 16:24

Oto a Jisas ko si unue hunie mo pwaarongoisuli ingeie ko teꞌuri, “Mala nga iini ko sare lulu i sulieu nge ke pulongosie maraana, na ke lulu i sulieu maꞌalana ko sapesalu oto hiitoꞌo mala mo iini i lengine mo poꞌu-poꞌu.

Matiu 7:23

Oto aana maholona ne ke si unue mola hunire uuri, ‘Nou kaꞌa manataꞌiniꞌomu ike. !Tahi mwaanieu, iꞌomu mo iinoni ni oorahaꞌaa!’ ” Sam 6:8

Haataꞌinge 14:4

Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.

Palonga 3:23

Na taꞌena nga iini nge e kaꞌa tola i sulie propet ngeena, nge oopalana kei lae mwaanie mo iinoni a God, na horoꞌilana kei lae. Diutronomi 18:19

Tataroha Diana I Sulie A Jisas Kraes Nge A Mak E Uusue 10:21

Oto a Jisas ko toꞌomaaie peꞌi manata-diananga hunie, na ko teꞌuri hunie, “Taꞌa-taꞌa mei ola loꞌu mola nge o kei esuie. O ke lai haꞌaholingeꞌinie toꞌo-toꞌolamu, na o ke niie mei toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”