Tataroha Diana I Sulie A Jisas Kraes Nge A Jon E Uusue 1:18 - Tataroha Diana

¹⁸ Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

Tataroha Diana I Sulie A Jisas Kraes Nge A Jon E Uusue 1:18 Referans Kwoze

Kolosi 1:15

A Kraes oto iini lio sailana a God e sai lae aana, aana e tohungei sada oto peꞌie Aamana nge nga iini kaꞌa sai leesie ike. Maholo haꞌaholanga haꞌike ue, taꞌe a Kraes e iiꞌo oto, na e paine oto liutaa haahie taꞌena nga ola aana haꞌaholanga ngeena.

Tataroha Diana I Sulie A Jisas Kraes Nge A Jon E Uusue 6:46

Nga taꞌa-taꞌa iini e kaꞌa leesie ue a Mamaꞌa, taꞌe ineu haꞌalaa nou leesie a God aana nou uure oto mai aana a Mamaꞌa.

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

Tataroha Diana I Sulie A Jisas Kraes Nge A Luk E Uusue 10:22

Oto ko heꞌi unue loꞌu hunie mwala uuri, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.”

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

1 Jon 4:9

A God e haataꞌinie manata-diananga ingeie hunikie aana e uusungeꞌinie mai taꞌa-taꞌa mwela mouteꞌi ingeie i laona walumalau hunie kie ke si meuri oto i tehulaꞌana.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.

Tataroha Diana I Sulie A Jisas Kraes Nge A Jon E Uusue 17:26

Nou haataꞌiniꞌo taane oto aada, na ne kei heꞌi haꞌasaire loꞌu aana walu ola i suliꞌo, hunie uri mei manata-diananga nge o manata diana hunieu aana, ke iiꞌo i lalo aada na hunie uri ineu noꞌone ne ke iiꞌo i lalo aada.”

Tataroha Diana I Sulie A Jisas Kraes Nge A Jon E Uusue 17:6

Oto a Jisas e si heꞌi aarengaꞌi loꞌu uuri, “Mamaꞌa, nou haataꞌinie oto walu ola i suliꞌo hunie mo iini o maire nakue mwaanie walumalau ie. Ikire mo iinoni iꞌoe, na o maire oto nakue. Oto kire tola oto i sulie walamu,

Tataroha Diana I Sulie A Jisas Kraes Nge A Jon E Uusue 14:9

Oto a Jisas e aalamie ko teꞌuri, “!Mwae! ?No ko iiꞌo tewa oto peꞌiꞌomu, na uri o kaꞌa saieu ue, Pilip? A tei nge ko leesieu, e leesie a Mamaꞌa otona. ?E ue o ko saetoꞌo aana ne ke haataꞌinie a Mamaꞌa loꞌu eemiu?

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 12:41

A Aesaea e unue walu olana, aana e leesie manikuluhaꞌana a Jisas na e ere oto i sulie.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Tataroha Diana I Sulie A Jisas Kraes Nge A Jon E Uusue 13:23

Na ngaeta iini aana mo pwaarongoisuli, iini nge a Jisas e manata diana hiitoꞌo hunie, e iiꞌo mola i sulie a Jisas.

Tataroha Diana I Sulie A Jisas Kraes Nge A Jon E Uusue 3:11

No ko ere toꞌohuu oto huniꞌo uri melu ko ere oto i sulie nga taa melu manataꞌinie, na melu ko unu tahangaꞌinie oto oodoiꞌomu nga taa melu leesie. Taꞌe nga iini eemiu e kaꞌa sare hiiwalaimoli ike mola aana.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.