Jemes 3:15 - Tataroha Diana

¹⁵ Aena aana saenanaunge urine e kaꞌa uure ike mwaanie a God, taꞌe ola mola aana mo iinoni aana walumalau ie, aena aana mei ola ngeena e uure mola mwaanie a Satan.

Jemes 3:15 Referans Kwoze

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Jemes 1:17

Ahutana mo ola diana na mo ola oodotaꞌi kire uure mai mwaanie i Lengi, mwaanie iini nge e haꞌaholaa sato, na waro-waro, na mo heeꞌu. Na raa-raangana e kaꞌa urihana ike mo ola ngeena aana kire ko hei-hei-oolisi mola, taꞌe tolahai ola diana ingeie e saꞌa kele hai-oolisi ike oto ooꞌoo.

1 Korinit 3:19

Aana saenanaunge aana walumalau ienini e kaꞌa rongo ike mala nga mei ola, aana e lio mola mala pweunge i naꞌona saenanaunge a God. Na e toꞌohuu oto, aana Uusu-uusu Maaꞌi e teꞌuri, A God e sai da mola kira saenanau ke toꞌo i laona mo hune ikire maraada kire lolosiꞌi aana sai-olanga ikire. Job 5:13

Pilipae 3:19

Mwala urine, haꞌamangolada mola i laona dunge ni haꞌamotaahinge, aana kire ko paloa mola mo heri-huninge ni sape mala god ikire. Kire ko talei alea mola haahie mo ola ni masanga, na saeda e honu mola aana walu ola ni welumalau.

1 Korinit 2:14

Taꞌe iinoni nge e kaꞌa toꞌo aana Liꞌoa Maaꞌi i lalo aana, e saꞌa toꞌo aana ike mo niinge nge Liꞌoa a God e niiꞌi mei, aana iinoni urine kei loꞌongaꞌinie mo niinge ngeena nga mo ola oto mola mwaakule ni ngeena. E kaꞌa sai lio saiꞌi ike, aana Liꞌoa Maaꞌi mola ni e sai peꞌikie huni lio saiꞌi.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

1 Timoti 4:1

Liꞌoa Maaꞌi e unu tahangaꞌinie oto uri aana mo maholo ko lae mai mwala oto hunge kire kei toliꞌaasie oto hiiwalaimolinge ikire aana a Jisas, na kire kei lae mola i sulie mo haꞌa-uusulinge eero-eero mo liꞌoa aaela.

Jiud 1:19

Mwala urine, nge loꞌongaꞌinge ni welumalau mola aada. Ikire oto kire ko da oopanga i matolamiu aana kire kaꞌa toꞌo aana ike Liꞌoa Maaꞌi i lalo aada.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

Tataroha Diana I Sulie A Jisas Kraes Nge A Jon E Uusue 3:17

Aana a God e kaꞌa uusungeꞌinie ike a Kalena i laona walumalau hunie ke leie walumalau, taꞌe hunie haꞌa-uurilana walumalau ke lae aana.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 9:11

Inemauri mo oru ngeena nge ensel haahie kalinge ni haꞌamotaahinge, na satana aana erenga ni Hibru, a Abadon, na aana erenga mo Krik nge a Apolion. Taꞌe taꞌa-taꞌa neꞌisaenga mola aana uuri, “Iini ko mala-mala.”

Haataꞌinge 2:24

“Taꞌe mo iini eemiu mo Taeataera nge omu kaꞌa lae ike i sulie haꞌa-uusulinge aaela ngeena na omu puꞌotaꞌinie mola nga taa kire unu-unue aana “Saenanaunge mumuni a Pwelu Eero-eero,” nge no ko unue oto huniꞌomu uri nou saꞌa neꞌie ike loꞌu nga hiꞌelaa haahiꞌomu.

2 Korinit 11:3

Taꞌe no ko maarara, mwaanie nga mo iini e waelie manata-diananga iꞌomu hunie a Kraes na mei sae manola huni lulu i sulie. Na no ko maarara mwaanie e si urihana mola maholo mwaa e eeroa a Iv aana mo eeronga ingeie oto i naꞌo.

1 Korinit 1:27

A God e tohungei lio hilisie oto mo iini nge mwala e loꞌongaꞌinie uri kire puꞌosasu uri huni haꞌamasaa kira saenanau. Na e lio hilisie oto noꞌone mo iini nge mwala e loꞌongaꞌinie uri kire mamaelaꞌa huni haꞌamasaa mo iini e nanama.

Uusu-uusu A Pol Hurula'aa Hunie Mo Rom 1:22

Kire ko unu-unue uri kire saenanau, taꞌe haꞌike. Kire neꞌi iinoni pweu-pweuaꞌa mola.

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Tataroha Diana I Sulie A Jisas Kraes Nge A Luk E Uusue 16:8

“Oto lae-lae, a poro paine ngeena e tohungei pangataꞌinie sai-olanga mwane auꞌesu eero-eero ngeena aana e pweloa urine.” Na a Jisas ko heꞌi unue loꞌu uuri, “Oto e toꞌohuu oto, mwala ni welumalau kire tohungei saenanau i sulie iiꞌonga mai aano i leu peꞌie mo iinoni ni welumalau mala ikire. Sai-olanga ikire ngeena e tohungei peine loꞌu liutaa aana sai-olanga mo iinoni aana raa-raa.