Hibru 8:9 - Tataroha Diana

⁹ Taꞌe e saꞌa urihana ike haiholotaꞌinge nge nou esuie peꞌie mo weuwada, maholo nou haꞌa-iisitaangaꞌinire mwaanie i Ijip. Aena aana kire kaꞌa tola i sulie ike haiholotaꞌinge nge nou esuie peꞌire ngeena, na aena leune nge nou si toliꞌaasire.

Hibru 8:9 Referans Kwoze

Kalesia 4:24

Laladonga ienini e haꞌasaikie aana e ro mei ola hai-aaopaꞌi. E ro huꞌe ngeena domana uri e ro mei heiholotaꞌinge i matolana a God na mwala ingeie. Satana huꞌe auꞌesu ngeena, a Hega, na ingeie domana mola nga haiholotaꞌinge nge a God e asuie i lengine toloi henue i Saenae aana maholo e niie mai mo Haꞌatolanga hunie a Mosis. Oto ahutana mwala ni Jiu nge kire ko lulu i sulie mo Haꞌatolanga ngeena, kire urihana mola mo mwela aana huꞌe auꞌesu ngeena, na ikire mo iinoni auꞌesu mola noꞌone.

Tataroha Diana I Sulie A Jisas Kraes Nge A Mak E Uusue 8:23

A Jisas e hele i kiꞌine mwane e ulu ngeena, oto ko toolea taꞌau mwaanie huilume. Oto e ngisuhie maana a mwaena, na e hele i pweune aana nimana, ko si dolosi aana uuri, “?E ue? ?O sai leesie taane oto nga mei ola?”

Palonga 13:11

Oto maholo ienini a Aalaha ko hele honosie maamu aana nimana. Oto maamu kei ulu, na o saꞌa leesie ike rarangana sato hunie maholo tewa.” Na oto mola aana maholoi satona, ola mala pwaꞌulana dunge e lae oto mai eeluhie e ro maana a Elimas. Na aena aana maana ko rorodoꞌa oto, ko kalo-kalo ulu-ulu heiliu oto mola huni hele oodoie nga iini huni naꞌona.

Palonga 9:8

A Sol e uure i lengi, na maholo e lakataꞌinie maana e kaꞌa sai leesie loꞌu nga mei ola. Oto kire hele i kiꞌine kire si toolea mola wau hunie i Damaskas.

Palonga 7:36

Oto a Mosis e asuie mo huꞌi-huꞌite na mo ola ni pangataꞌinge huni naꞌona mwala huni lae mwaanie i Ijip, na holosie Aasi Nonoroꞌa, na i laona hanuesala hunie hai aawalai helisi.