Biblia Todo Logo
Bib sou entènèt

- Piblisite -




Hibru 7:25 - Tataroha Diana

25 Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

Gade chapit la Kopi




Hibru 7:25
44 Referans Kwoze  

?Oto a tei loꞌu e toꞌo aana nanamanga hunie ke unue uri kie takalo na kei lei mae aaka? ?Uri a Kraes? !Haꞌike loꞌu! A Kraes haꞌalaa e nanama urine. Taꞌe a Kraes e mae kaꞌu honotaka, na e heꞌi meuri loꞌu hunikie, na ko iiꞌo aana iiꞌo-iiꞌoha paine i pwalo-pwalona God, na hule aana a Kraes ko eiꞌeitanai talaka.


E taꞌa-taꞌa God mola, na e taꞌa-taꞌa iinoni mola huni haꞌa-uureruru i matolana mo iinoni na a God, na a Haꞌa-uureruru ngeena oto mola a Kraes Jisas. Ingeie oto maraana e neꞌi iinoni,


Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.


A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.


Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.


aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.


Nga taꞌa-taꞌa iinoni e saꞌa roroꞌa da ike uri a God ke ilenimwaꞌe haahie, na uri e kaꞌa hiiwalaimoli. Aana nga iini ko sare lae mai saana God, ke hiiwalaimoli oto aana uri a God e iiꞌo taane oto, na ke hiiwalaimoli oto aana uri a God e sai waaie mwala nge kire ko eriꞌapasie uri kire ke lae mai saana.


Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.


Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.


E asuie leune aana Haꞌatolanga a Mosis e kaꞌa sai haꞌa-oodohie ike nga iini. Taꞌe oto ie, a God e tahanie hunikie tala nge kie sai norutoꞌo aana. Na tala ngeena e diana loꞌu liutaa aana Haꞌatolanga a Mosis aana e sai toolekie mai karaꞌinie a God.


Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.


A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.


Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.


Na e kaꞌa neꞌi pris ike i sulie mo Haꞌatolanga wai naꞌo nge ko ere mola i sulie komu uri taa e uure aana, taꞌe e lae mai neꞌi pris aana nanamanga aana maurihe nge e kaꞌa toꞌo haꞌamangolana oto ooꞌoo.


Oto ingeie e sai peꞌikie mo iini malaahongalaka ko lae-lae, aena aana ingeie maraana malaahongalana e lae kaꞌu noꞌone na e sapesalu keꞌu.


Na ingeie kei oolisie sapeka nge e mamaelaꞌa na e sai mae, hunie ke neꞌie mei sape manikuluꞌe mala sapena. Maholo kei oolisie sapeka urine, kei esu oto aana nanamanga paine ingeie nge ko aalaha haahie ahutana walu ola aana.


Na ne kei haꞌatohu aana a Mamaꞌa, oto ingeie ke si uusungeꞌinie mai ngaeta iini huni peꞌiꞌomu na hunie ke iiꞌo susu oto peꞌiꞌomu.


Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.


Taꞌe a Jisas mone ingeie e iiꞌo huu oto, nge e helesie oto tolahai pris nge nga iini e saꞌa oolisie ike loꞌu.


Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.


Oto aapa hatarie mo pris nge kire sai toolea tangahuluꞌana nga mei ola mwaanie mwala ngeena, ikire mwala kire sai mae mola ni ngeena. Taꞌe a Melkisedek iini nge e toolea tangahuluꞌana mwaanie a Ebraham, mo Uusu-uusu Maaꞌi e unue uri ingeie e mauri mola.


Holaꞌinaꞌo kie oꞌoꞌo mola mala mo maelonga a God. Taꞌe i tehulaꞌana maelana a Kalena, nge e si da kie lae mai neꞌi malahune. Aena leune e toꞌohuu, na aana maholo ie kie haꞌimalahune oto peꞌie a God, na a Kalena ko meuri i lalo aaka, nge kie sai diana aana oto uri a God kei haꞌa-uurikie toꞌohuu.


Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.


Taꞌe kie sai leesie taane uri haꞌa-oailana mei wala ngeena e aehota aana a Jisas. Aana a God e asuie a Jisas hunie ke mwai-mwei haꞌawali mwaanie mo ensel hunie uri ke haataꞌinie manata-diananga a God maholo e mae honotaka mo iinoni. Na aena aana e sapesalu hiitoꞌo na e mae urine, nge a God e haꞌa-aalahaa, na e haꞌamanikuluꞌaa na e haꞌapainaꞌaa.


Swiv nou:

Piblisite


Piblisite