Hibru 6:19 - Tataroha Diana

¹⁹ Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.

Hibru 6:19 Referans Kwoze

Hibru 9:7

Taꞌe aana ruana nga duru, Naꞌohana Mo Naꞌohai Pris mola maraana haliꞌite e sai lae i laona, na e sai lae mola i laona hautaꞌai aana halisi. Na suli maholo ko sili i laona Hahuꞌana Leu Maaꞌi ngeena, nge ko too-toolea apune mo ola mauri peꞌie, aana e saꞌa sili ike i laona duru ngeena na e kaꞌa toolea nga mei epu. Oto ko uuraaꞌinie talana mo oorahaꞌaanga ingeie maraana, na talana mo oorahaꞌaanga nge mwala e dauꞌi na kire kaꞌa saiꞌi.

Hibru 9:3

Oto ruana nga duru ko iiꞌo hai purine sala hono-hono paine i leune na kire haaraꞌinie aana “Hahuꞌana Leu Maaꞌi.”

Matiu 27:51

Oto mola aana maholoi satona, sala kire lohea honosie Hahuꞌana Leu Maaꞌi i laona Nume Maaꞌi Peine e aꞌari hunie e ro aapa, uure oto taꞌi lengi lai hule oto hai aano. Na nunu peine e aanuie mwakano, hule aana mo heu kire talihite oto hunie e ro aapai heu.

Kolosi 3:1

Maholo a Kraes e mauri eelihoꞌi mwaanie maenga, a God e haꞌa-uuriꞌomu noꞌone mwaanie maenga i tehulaꞌana oorahaꞌaa, hunie iꞌomu noꞌone omu ke toꞌo aana maurihe. Oto aena urinena, omu ke neꞌi-neꞌisae paine aana mauringe taꞌau i Lengi, leu nge a Kraes e iiꞌo i lengine naunekume ingeie aana taꞌau i pwalo-pwalona God.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

Palonga 27:29

Kire ko maarara mwaanie haka e lai aape i lengine nga mo heu, oto kire haꞌareredea e hai hau ni hune i purine haka. Oto kire si iiꞌo mola peꞌie aarengaꞌinge hunie ke dangi lau-leu.

Uusu-uusu A Pol Hurula'aa Hunie Mo Rom 4:16

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,

Palonga 27:40

Aena urine, e ro hote paine nge kire ko haꞌa-haꞌa-aaliꞌue haka aani kire luhesiꞌi oto huni esu loꞌu eeni, na kire ko lohea oto noꞌone pwana mwai-mwei taꞌau i naꞌona haka. Oto kire si oloa mola mo walo aana e hai heu ni hune, na kire toliꞌaasiꞌi mola i eesi.

Hibru 4:16

Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.

Epesas 2:6

na aena aana kie lado peꞌie a Jisas Kraes, a God e taꞌekie noꞌone peꞌie a Kraes hunie kie ke aalaha tararuru noꞌone peꞌie taꞌau i Lengi.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

Palonga 23:6

Ngaeta mo mwane aana pulitaa ni lei-lei ngeena ikire mo iini aana aapa mo Sadiusi, na ngaeta mo iini aana aapa mo Parise. A Pol e saie urine mone, oto ko ere paine hunire na ko teꞌuri, “Maeni eesiku, ineu ngaeta Parise ni ie, na mo weuweku mo Parise noꞌone. Na hiiwalaimolinge ineu uri a God kei taꞌea mo iini e mae. Na aena mei olana kaꞌu omu ko leieu haahie ie.”

Uusu-uusu A Pol Hurula'aa Hunie Mo Rom 4:18

A Ebraham e lae mola peꞌi hiiwalaimoli aana a God na peꞌie norutoꞌonga aana huni esuie nga taa e haiholotaꞌinie, maꞌalana mei olana ke lio aasa loꞌu hunie ke oa. Aena mei olana, nge a God e lio hilisie a Ebraham hunie ke neꞌie aamana mo komu ni iinoni hunge oto mala mo Uusu-uusu Maaꞌi e unue uuri, Mwala aana komu ni iinoni iꞌoe kire kei hunge mala heeꞌune salo. Jenesis 15:5

Uusu-uusu A Pol Hurula'aa Hunie Mo Rom 5:4

Na maholo kie ko lae peꞌi uure maꞌutaꞌa urine, e haataꞌinie uri tolahaka e tohungei diana. Na aana tolahaka e tohungei diana urine mone, nge kie sai norutoꞌo aana haiholotaꞌinge a God.

1 Korinit 13:13

Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.