Hibru 6:12 - Tataroha Diana

¹² Mwaanie omu lalawa ni esu, taꞌe saeku uri omu ke uusulie mo iini kire hiiwalaimoli aana a God oto wau i naꞌo, aana kire iiꞌo peꞌi maaꞌoohinge susutoꞌo oto mola, nge kire si helesie nga taa nge a God e haiholotaꞌi huni niie hunire.

Hibru 6:12 Referans Kwoze

Hibru 13:7

Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.

Hibru 10:36

Omu ke uure maꞌutaꞌa, hunie omu ke asuie nga taa a God e saetoꞌo aana, na urine omu kei hele aana nga taa e haiholotaꞌinie huniꞌomu.

1 Jon 2:25

Aana a Kale e haiholotaꞌi huni niie maurihe huu hunikie.

Uusu-uusu A Pol Hurula'aa Hunie Mo Rom 12:11

Omu ke suꞌuri lalawa, taꞌe omu ke asu aꞌailaꞌa mola i suli maholo, na omu ke toliꞌaasie ahutana maurihaꞌamiu ke aꞌailaꞌa aani esunge nana Aalaha.

Hibru 5:11

Mo ola hunge melu toꞌo aani taane huni unuꞌi huniꞌomu i sulie a Jisas e neꞌi Hahuꞌana Naꞌohai Pris uri taa mala a Melkisedek. Taꞌe haꞌa-uusulilemiu kei deu aasa sulie omu kaꞌa sai loo ike.

2 Pita 1:10

Oto e lae otoi diana, maeni eesiku maaꞌi, uri hunie omu ke asu aꞌailaꞌa loꞌu hunie omu ke haataꞌinie uri a God e tohungei lio hilisiꞌomu oto nana maraana. Omu ke haataꞌinie uri e soiꞌomu mei i saana toꞌohuu aana mo tolahai ola diana aana mau-meuringe iꞌomu. Na mala uri omu kei esu urine, omu saꞌa heꞌi lae takalo loꞌu mwaanie tala oodo, wa omu ke tataro aana laenga i sulie.

Jemes 1:3

aena aana omu saie oohongilana hiiwalaimolinge iꞌomu kei esuie hiiwalaimolinge iꞌomu ke si aꞌailaꞌa loꞌu, na kei peꞌiꞌomu hunie omu ke asu susuleꞌi.

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

Hibru 1:14

Oto kie saie mola uri mo ensel, ikire mo liꞌoa mola huni esu nana God, na a God e sai uusungeꞌinire mai huni peꞌie mo iinoni nge haꞌa-uurilada ko lae hunie kire kei helesie maurihe huu.

Uusu-uusu A Pol Hurula'aa Hunie Mo Rom 4:12

A Ebraham ingeie oto tohungei aamameelu mo iini nge melu hele aana oto torihesiꞌonga na melu hiiwalaimoli noꞌone aana God aana taꞌa-taꞌa hiiwalaimolinge nge e toꞌo aana maholo na e kaꞌa hele aana ue torihesiꞌonga.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Haataꞌinge 13:10

Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God.

Hibru 11:33

Aani hiiwalaimolinge mone, kire asuie mo taungei ola paine hiitoꞌo. Kire haiseuni peꞌie mo henue hai aaopaꞌi na kire aꞌailaꞌasire, na kire aalaha haahie mwala aana tala oodo, na a God e asuie mo heiholotaꞌinge hunire. Kire raꞌu ponosie wawana mo laeon,

Hibru 6:15

A Ebraham e mwaꞌe-mwaꞌe huni maaꞌoohi susutoꞌo mola, na lae-lae e si leesie nga taa nge a God e haiholotaꞌinie hunie.

2 Tesalonaeka 1:4

Aena urinena, nge melu ko lae peꞌi laheꞌomu i laona mo soihaadaꞌinge a God aana taꞌena nga leu. Melu ko laheꞌomu haahie tala nge maꞌalana omu ko sapesalu hiitoꞌo na mwala ko teungeꞌiniꞌomu, taꞌe omu uure aꞌailaꞌa mola aana hiiwalaimolinge iꞌomu.

Tataroha Diana I Sulie A Jisas Kraes Nge A Luk E Uusue 8:15

Taꞌe mo iini loꞌu, mo iini urihana mei mwakano diana ngeena, kire rongoa mo wala ngeena, na kire koni diana aani i laona manatada. Kire tola i sulie mo haꞌa-uusulinge ngeena, na kire ko si hungu eeni norutoꞌonga peꞌi esunge susuleꞌi hunie Aalahanga a God.”

Matiu 22:32

Aana a God e unue uuri, Ineu oto God a Ebraham, na Aesak na Jekob ko palo-paloa. Eksodas 3:6 Kie mani saie uri mo iini e mauri mola ko palo-paloa a God, e kaꞌa ike mo iini e mae. Oto uusu-uusu ie ko haataꞌinie uri maꞌalana Ebraham, na Aesak na Jekob kire mani mae oto, taꞌe kire mauri mola ue taꞌau i Lengi.”

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

Tataroha Diana I Sulie A Jisas Kraes Nge A Luk E Uusue 16:22

“A Lasaros e oꞌoꞌo, na ko mae. Oto mo ensel kire toolea na kire ko lai haꞌa-iiꞌosie oto peꞌie a Ebraham. Mwane toꞌo-toꞌo ngeena e mae noꞌone na kire haitoli oto aana.

Matiu 25:26

“Oto aalaha ingeie e aalamie ko teꞌuri, ‘Iꞌoe oto mwane auꞌesu aaela na o tohungei lalawaꞌa. O unue uri nou sai soꞌokonie mo ola nou kaꞌa hasiꞌi.