Hibru 5:7 - Tataroha Diana

⁷ A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.

Hibru 5:7 Referans Kwoze

Tataroha Diana I Sulie A Jisas Kraes Nge A Jon E Uusue 17:1

Oto i purine a Jisas e ere mango urine, e si lio taꞌau i Lengi na ko aarengaꞌi uuri, “Mamaꞌa, maholoi sato e hule oto. O ke haꞌamanikuluꞌaau a Kalemu, hunie ineu a Kalemu ne ke si haꞌamanikuluꞌaꞌo loꞌu.

Matiu 27:46

Na ola mala oolune nga maholoi sato i aapau, a Jisas e si soi oto paine aana erenga ni Jiu uuri, “?Eloi, Eloi, lama sabaktani?” nge neꞌisaenga aana uuri, “?God ineu, God ineu, e ue oto o aatopuri eeku?”

Tataroha Diana I Sulie A Jisas Kraes Nge A Mak E Uusue 15:34

Na aana oolune nga maholoi sato i aapau, a Jisas e si soi oto paine aana erenga ni Jiu uuri, “?Eloi, Eloi, lama sabaktani?” nge neꞌisaenga aana uuri, “?God ineu, God ineu, e ue oto o aatopuri eeku?”

Hibru 12:28

Aena urine, kie ke paa-paalahea God haahie kie helesie oto aalahanga nge nunuilana e aasa kei lae loꞌu. Kie ke paalahea God tarau na kie ke palo-paloa oto aana tala nge e toꞌohie saena na kie ke haꞌamaꞌu oto aana peꞌi meꞌunge.

Tataroha Diana I Sulie A Jisas Kraes Nge A Jon E Uusue 11:35

Oto a Jisas ko ngara ni saehuunge,

Matiu 27:50

Na a Jisas ko heꞌi soi loꞌu aana mei wala paine, na ko mae oto.

Tataroha Diana I Sulie A Jisas Kraes Nge A Mak E Uusue 15:37

Oto a Jisas e si soi oto paine, na ko mae oto.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Tataroha Diana I Sulie A Jisas Kraes Nge A Luk E Uusue 23:46

Oto a Jisas e si soi aana mei wala paine na ko teꞌuri, “Mamaꞌa no ko neꞌie mangoku i laona nimemu.” A Jisas e ere mango urine na ko mae oto.

Hibru 13:20

Oto no ko aarea God nge ingeie oto aahuꞌine hanuelamanga na e taꞌea loꞌu a Jisas aalihoꞌi mwaanie maenga, uri ke niie huniꞌomu taꞌena nga ola diana hunie omu ke si toꞌo aana nga taa kei peꞌiꞌomu huni esu i sulie saena. No ko eitanaie uri ke asu i lalo aamiu aana nanamanga a Jisas Kraes hunie omu ke haꞌasaedianaꞌaa saena. A Jisas oto Aalaha ikie, na ingeie oto naꞌohai Kakalihe honotana mo sipu. Aana maenga honotaka mala nga uunu-olanga, nge e si haꞌawalaimoliꞌaa mei heiholotaꞌinge nge e sai iiꞌo huu ngeena. Oto aena leune kie ke si soi haꞌamanikuluꞌaa a Kraes oto di. !Iau! !Ke urine oto!

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

2 Jon 1:7

No ko haꞌa-aamasitoꞌoꞌomu mola aana leune, aena aana mo haꞌa-uusuli eero-eero hunge kire lae hailiu oto i laona walumalau. Ikire ngeena kire ko haꞌa-uusuli aana uri a Jisas Kraes e kaꞌa neꞌi iinoni ike. Mo iini urine ikire mwala eero-eero, na ikire mo maelonga a Kraes.

1 Jon 4:3

Taꞌe mo iini kire ko taateingeꞌinie walaimolinge ngeena, nge Liꞌoa Maaꞌi a God haꞌike i lalo aada, taꞌe liꞌoa e uure mola mwaanie Maelonga a Kraes ni ngeena. Omu rongoa oto uri liꞌoa ngeena kei lae mai, na e hule oto mai i leu i laona walumalau.

Kalesia 4:4

Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

Tataroha Diana I Sulie A Jisas Kraes Nge A Jon E Uusue 11:42

Nou saie taane uri o ko rorongo hunieu taraureꞌi, taꞌe i tehulaꞌana mwala ienini nge no ko unue walu ola ie uri hunie kire ke hiiwalaimoli aana uri iꞌoe oto o uusungeꞌinieu mei.”

Uusu-uusu A Pol Hurula'aa Hunie Mo Rom 8:3

Mo Haꞌatolanga a Mosis e kaꞌa toꞌo aana ike nga nanamanga huni taꞌaasie mo oorahaꞌaanga ikie urine, aena aana ikie mo iinoni kie kaꞌa sai tola i sulie ike mo Haꞌatolanga ngeena. Taꞌe a God e asuie leune hunikie maholo e uusungeꞌinie mai a Kalena hunie ke neꞌi iinoni oto mala ikie mo iinoni oorahaꞌaala, taꞌe mola aana ingeie e kaꞌa oorahaꞌaa ike. Oto aana a Kraes mone e kaꞌa oorahaꞌaa ike, nge leune e haataꞌinie uri e tohungei melisine oto a God ke lei maesikie mo iinoni oorahaꞌaala. Oto maꞌalana e urine, a God e kaꞌa lei maesikie ike, taꞌe e toliꞌaasie mola a Kraes hunie ke mae mala nga uunu-olanga huni taꞌaasie mo oorahaꞌaanga ikie.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Hibru 10:5

Aena urine kaꞌu, maholo a Kraes e lae mai laona walumalau, e unue hunie a God uuri, O kaꞌa saetoꞌo aana ike uri kire ke asuie nga mo uunu-olanga i seemu wa kire ke niie mo uuraaꞌinge huniꞌo, taꞌe o niie oto mei sape nakue hunie ne ke tola i suliꞌo urine.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 11:7

Aani hiiwalaimolinge mone, nge a Noa e tola i sulie a God maholo a God e haꞌapasulie aana mo ola nge nga iini e kaꞌa leesiꞌi ue. Oto e asuie painehaꞌana haka huni haꞌa-uurie mo uluhei iinoni ingeie. Na aana e hiiwalaimoli aana God urine, nge e neꞌi iinoni oodotaꞌi i maana God, na e si haataꞌinie uri mwala aana pongine kire tohungei aaela liutaa, na e malisine oto a God ke haꞌamotaahire.