Hibru 2:17 - Tataroha Diana

¹⁷ Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

Hibru 2:17 Referans Kwoze

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Uusu-uusu A Pol Hurula'aa Hunie Mo Rom 5:10

Holaꞌinaꞌo kie oꞌoꞌo mola mala mo maelonga a God. Taꞌe i tehulaꞌana maelana a Kalena, nge e si da kie lae mai neꞌi malahune. Aena leune e toꞌohuu, na aana maholo ie kie haꞌimalahune oto peꞌie a God, na a Kalena ko meuri i lalo aaka, nge kie sai diana aana oto uri a God kei haꞌa-uurikie toꞌohuu.

Hibru 2:11

Ingeie oto ko da hunie mwala ke neꞌi iinoni maaꞌi, na ahutana mo iini e haꞌamaaꞌire ngeena, ikire taꞌa-taꞌa uluhe ni iinoni oto peꞌie. Oto aena urinena nge a Jisas e kaꞌa masa ike huni haaraꞌinire uri maeni eesine,

Hibru 3:5

A Mosis ingeie nga mwane diana a God taane, aana e tohungei esu mala koni-konihe diana hunie uluhe aana nume a God, na e ere lalai i sulie mo ola nge a God kei haro ere i suliꞌi loꞌu aana nga maholo.

Kolosi 1:21

Iꞌomu, holaꞌinaꞌo omu haꞌataulie a God oto hiitoꞌo na omu neꞌi maelonga mola hunie, aana mo loꞌongaꞌinge tataꞌala iꞌomu na mo ola aaela omu euꞌesuiꞌi.

Hibru 7:28

Mwala nge lio hilisilada e lae huni neꞌi naꞌohai pris i sulie mo Haꞌatolanga a Mosis, ikire mwala mamaelaꞌa mola. Taꞌe aana mei wala ni tohenga aana haiholotaꞌinge haalu nge e si lae mai purine mo Haꞌatolanga a Mosis ngeena, a God e lio hilisie oto Kalena hunie ke neꞌie oto Hahuꞌana Naꞌohai Pris nge ke iiꞌo huu.

Epesas 2:16

Maholo a Jisas e mae i lengine poꞌu-poꞌu, e taꞌaasie oto maelonganga i matolana e ro pulitaa ngeena, na e ladoa e ro taungei iinoni ngeena aana e taꞌa-taꞌa mei sape na e toolera mai eelihoꞌi takoie a God.

Uusu-uusu A Pol Hurula'aa Hunie Mo Rom 15:17

Oto e diana mola hunie uri ne ke ere toohaꞌinie nga taa a Jisas Kraes ko esuie aana maurihaꞌaku nana God.

Hibru 3:2

A God e lio hilisie a Jisas oto huni esu nana, na ahutana mo esunge a God e unuꞌi hunie, e dau i suliꞌi mango oto. E tohungei esu diana nana God, mala a Mosis noꞌone e asu diana nana God kaꞌu aana e lio i sulie uluhe aana nume a God oto i naꞌo.

Hibru 2:16

Oto e iiꞌo haadaꞌi mola uri a Jisas e kaꞌa lae ike mai huni peꞌie mo ensel, taꞌe e lae mai huni peꞌie mwala aana komu a Ebraham.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

Hibru 4:15

Na Hahuꞌana Naꞌohai Pris ikie ngeena e manataꞌinie oto mo mamaelaꞌanga ikie, aena aana ahutana mo malaahonganga nge kire ko hite-hite aaka ngeena, kire mani hite aana mango. Taꞌe maꞌalana malaahongalana e lae urine, a Jisas e kaꞌa dau huꞌisie ike nga taꞌa-taꞌa mei oorahaꞌaa aana nga kele maholo.

Hibru 5:1

Ahutana mo iini kire neꞌi Naꞌohana Mo Naꞌohai Pris, ikire mo iinoni nge lio hilisilada e lae hunie kire ke ere oolitana mwala hunie a God, na hunie kire ke niie mo uuraaꞌinge mwala nana God, na huni uunu ola i saana honotana mo oorahaꞌaa.

Hibru 5:2

Na mo naꞌohai pris kire sai toli rako mola peꞌie mwala maholo kire ko haꞌa-uusulie mo puꞌo na kire ko haꞌa-oodohie kira oorahaꞌaala. Aana hiiwalaimolinge ingeie noꞌone e sai mamaelaꞌa aana mo tala hunge mala ikire.

Hibru 5:5

Oto e sada noꞌone aana a Kraes, aana e kaꞌa neꞌie ike maraana hunie ke Hahuꞌana Naꞌohai Pris, taꞌe a God e teꞌuri mola, Iꞌoe oto a Kaleku, na siꞌiri no ko haataꞌinie uri ineu oto Aamamu. Sam 2:7

Hibru 5:10

Na a God e unu tahangaꞌinie oto uri kei neꞌi Hahuꞌana Naꞌohai Pris mala a Melkisedek.

Hibru 6:20

Na e holaꞌi lae oto taꞌau i naꞌoka hunie uri ikie kie ke lae noꞌone taꞌau. Aana a Jisas oto Hahuꞌana Naꞌohai Pris oto mala a Melkisedek, na kei iiꞌo huu oto urine hunie ke aiꞌeitanaie a God talaka.

Hibru 8:1

Tohungei loꞌongaꞌinge aana nga taa melu ko unu-unue huniꞌomu e uuri. Kie toꞌo aana oto Hahuꞌana Naꞌohai Pris nge ko iiꞌo aana iiꞌo-iiꞌoha nanama i pwalo-pwalo aana naunekume ni menikuluꞌanga a God taꞌau i Lengi.

Hibru 8:3

Ahutana mo naꞌohai pris lio hilisilada e lae hunie kire ke mani niie mo uuraaꞌinge na uunu-olanga i saana God. Oto e malisine uri Hahuꞌana Naꞌohai Pris ikie ngeena ke toꞌo aana noꞌone nga mo ola huni niiꞌi.

Hibru 9:11

Taꞌe a Kraes e hule oto mai, na aana e neꞌie oto Hahuꞌana Naꞌohai Pris, nge e haꞌa-uuresie haiholotaꞌinge haalu nge ko haꞌadianaꞌakie oto ienini. E sili oto i laona tohungana nume maaꞌi nge e diana loꞌu liutaa aana nume maaꞌi susulu holaꞌinaꞌo ngeena, ola asuilana e kaꞌa lae ike aana ninimei iinoni na e kaꞌa ola ike aana walumalau ienini.

Hibru 10:21

Oto mwaanie kie maꞌu-meꞌu, taꞌe kie ke lae mai saana God peꞌie mei sae manola na aani hiiwalaimolinge toꞌohuu, na aana a Jisas oto Hahuꞌana Naꞌohai Pris ko lio i sulie uluhe aana nume a God, na kie saie oto uri apune e hoda rereꞌa oto aana manataka, mala mei wei manola e sai hoda rereꞌa aana sapeka.