Hibru 2:11 - Tataroha Diana

¹¹ Ingeie oto ko da hunie mwala ke neꞌi iinoni maaꞌi, na ahutana mo iini e haꞌamaaꞌire ngeena, ikire taꞌa-taꞌa uluhe ni iinoni oto peꞌie. Oto aena urinena nge a Jisas e kaꞌa masa ike huni haaraꞌinire uri maeni eesine,

Hibru 2:11 Referans Kwoze

Hibru 10:14

Na aana taꞌa-taꞌa uunu-olanga ngeena, e si haꞌa-oodohie oto huu mo iini nge a God ko haꞌamaaꞌire.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Hibru 13:12

Na a Jisas e urine noꞌone, aana e mae poꞌoi sinaha aana huilume uri huni haꞌarereꞌaa mwala ingeie mwaanie oorahaꞌaa oto aana apune maraana.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Tataroha Diana I Sulie A Jisas Kraes Nge A Jon E Uusue 17:19

Na i tehulaꞌada, nou oopaau oto huni esunge mola namue, hunie ikire noꞌone, kire ke oopara maraada mwaanie taꞌena nga oorahaꞌaa huni esunge noꞌone namue.”

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Matiu 25:40

“Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Kalesia 4:4

Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

Palonga 17:26

A God e haꞌaholaa eetana nga mwane a Adam, na mwaanie mola taꞌa-taꞌa iinoni ngeena nge a God e si esuie mo taungei iinoni hai aaopaꞌi hunie kire ke lai iiꞌosie walumalau. Na e totohoa oto mo leu hunie kire kei iiꞌo aani, na e pongie oto mauringe ikire.

Hibru 11:16

Taꞌe nga taa kire saetoꞌo aana oto liutaa, uri kire ke iiꞌo aana nga tohungei henue diana, na i Lengi oto tohungei henue ikire. Aena urine nge a God e kaꞌa masa ike hunie mwala urine kire ke haaraꞌinie uuri, “God iꞌemi.” Na ingeie oto e dau aakau aana huilume paine talada.

Tataroha Diana I Sulie A Jisas Kraes Nge A Mak E Uusue 8:38

Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”

Matiu 28:10

Oto a Jisas ko teꞌuri hunirerue, “Mwaanie more maꞌu-meꞌu, taꞌe more ke lae taꞌi unue hunie maeni eesiku uri kire ke lae hai Kalili, na kire ke si leesieu oto hai leune.”

Palonga 17:28

Mala kaꞌu ngaeta mwane saenanau iꞌomu e uusue wau i naꞌo uuri, ‘Aena aana a God mola e da kie iiꞌo i laona walumalau, na kie ko meu-meuri, na kie sai lae hailiu.’ Na e uusue noꞌone uuri, ‘Ahutaka kie mani neꞌie mo mwela ingeie haliꞌite.’

Tataroha Diana I Sulie A Jisas Kraes Nge A Luk E Uusue 9:26

Mala uri nga iini ko masa huni unu tahangaꞌinieu na mo haꞌa-uusulinge ineu, nge ineu noꞌone ne kei masa huni unu tahangaꞌinie aana maholo ne kei lae mai peꞌie manikuluhaꞌaku na manikuluhaꞌana a Mamaꞌa na mo ensel maaꞌi.

Tataroha Diana I Sulie A Jisas Kraes Nge A Mak E Uusue 3:34

Oto ko lio wau hunie ahutana mwala kire iiꞌo kali-kelie, na ko teꞌuri, “Iꞌomu oto mo nikeku na iꞌomu oto mo eesiku.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.