Hibru 12:25 - Tataroha Diana

²⁵ Oto omu ke lio talamiu, mwaanie omu sereꞌi rongo hunie a God ko ere-ere mai huniꞌomu ngeena. Mwala holaꞌinaꞌo nge kire kaꞌa sare rongo ike hunie a Mosis aana maholo e haꞌapasulire mai aana walumalau ie, kire kaꞌa sai tehisie ike loꞌu mo haꞌamotaahinge. Taꞌe ie a God e ere mai uure taꞌau i Lengi huni haꞌapasulikie. ?Oto kie ke si tehisie kaꞌu mo haꞌamotaahinge uri taa, mala uri kie ko tolipuri aana walana? !Kei aasa mwae!

Hibru 12:25 Referans Kwoze

Hibru 8:5

Asunge ikire mala mo pris ngeena ola domana mola nunune nga taa e toꞌohuu oto taꞌau i Lengi ni ngeena. Na kie saie oto leune, aena aana maholo a God e unue uri a Mosis ke asuie nume maaꞌi susulu, nge e haꞌapasulie oto uuri, O ke ariꞌapasie oto uri o ke asuie walu ola ke tohungei sada oto mala nga taa nou haataꞌinie aamu taꞌau i lengine toloi henue. Eksodas 25:40

Hibru 11:7

Aani hiiwalaimolinge mone, nge a Noa e tola i sulie a God maholo a God e haꞌapasulie aana mo ola nge nga iini e kaꞌa leesiꞌi ue. Oto e asuie painehaꞌana haka huni haꞌa-uurie mo uluhei iinoni ingeie. Na aana e hiiwalaimoli aana God urine, nge e neꞌi iinoni oodotaꞌi i maana God, na e si haataꞌinie uri mwala aana pongine kire tohungei aaela liutaa, na e malisine oto a God ke haꞌamotaahire.

Matiu 8:4

Na a Jisas ko si unue hunie a mwaena uuri, “Mwaanie o haꞌa-haꞌarongoa nga iini aana nga taa e rau. Taꞌe o ke oodo mola i saana mo pris hunie kire ke saie uri sapemu e mola oto. Na o ke niie uuraaꞌinge hunie a God mala mo Haꞌatolanga a Mosis e unue. Urine ahutana mwala kire ke si meni saie uri sapemu e mola oto.”

2 Timoti 4:4

Na kire kei eeliꞌu mola mwaanie walaimolinge huni rongo i sulie mo laladonga eero-eero.

1 Tesalonaeka 5:15

Omu ke lio talamiu mwaanie nga iini e heꞌi suꞌue loꞌu tataꞌalanga hunie nga iini. !Haꞌike! Taꞌe omu ke diana mola huniꞌomu heiliu taraureꞌi na noꞌone hunie ahutana mwala.

Palonga 7:35

“Mwala ni Israel kire tohungei leledie a Mosis, hule aana kire teꞌuri hunie, ?A tei ni e lio hilisiꞌo hunie o ke aalaha haahiꞌemi na o ke leiꞌemi? Eksodas 2:14 Taꞌe ingeie oto nge a God e uusungeꞌinie hunie ke aalaha nada na hunie ke haꞌa-uurire, na a Mosis e si saie mola urine e toꞌohuu aana maholo ensel e haataꞌi aana i laona melahai dunge nge e kaꞌa waruhie ike kele ai mwei-mwei ngeena.

Hibru 3:17

?Na kira tei keꞌu ni a God e saewasulire sulie hai aawalai helisi ngeena? Ikire oto mo iini nge helelada e tataꞌala na kire mae taꞌewau mola i laona hanuesala.

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Haataꞌinge 22:9

Taꞌe ensel ngeena e unue mola hunieu uuri, “!Haꞌike! O ke suꞌuri palo-paloau. Ineu ngaeta koni-konihe noꞌone mala iꞌoe, na mala mo eesimu mo propet, na oto mala ahutana mo iini nge kire ko hele i sulie mo wala i laona uusu-uusu ienini. O ke palo-paloa mola a God.”

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

Hibru 1:1

Aana mo maholo hunge oto wau i naꞌo, na aana mo tala hunge hai aaopaꞌi, a God e unue hunie mo propet kire ke haꞌarongoa weuwaka mo Jiu aana walana.

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

Hibru 12:19

Na aawatai eehuri ko ngara-ngara, na kire rongoa uri nga mei wala e ere mai hunire. Mei wala ngeena e da kire tohungei meꞌu oto, hule aana kire unue oto uri kire kaꞌa sare rongoa loꞌu nga mei ola urine.