Hibru 10:36 - Tataroha Diana

³⁶ Omu ke uure maꞌutaꞌa, hunie omu ke asuie nga taa a God e saetoꞌo aana, na urine omu kei hele aana nga taa e haiholotaꞌinie huniꞌomu.

Hibru 10:36 Referans Kwoze

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

1 Korinit 13:7

Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.

Tataroha Diana I Sulie A Jisas Kraes Nge A Luk E Uusue 21:19

Na a God ke si haꞌa-uurie ahutemiu nge omu kei uure aꞌailaꞌa taraꞌasi aani hiiwalaimolinge lai hule aana haꞌamangolana.”

Hibru 6:15

A Ebraham e mwaꞌe-mwaꞌe huni maaꞌoohi susutoꞌo mola, na lae-lae e si leesie nga taa nge a God e haiholotaꞌinie hunie.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Haataꞌinge 14:12

Oto aena urinena, e malisine mo iini maaꞌi a God ke hele susuleꞌi aana hiiwalaimolinge ikire i lalo aana Jisas na aana tola i sulilana mo haꞌatolanga a God.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.

Kalesia 6:9

Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.

Matiu 10:22

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Kolosi 1:11

Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

Uusu-uusu A Pol Hurula'aa Hunie Mo Rom 8:25

Taꞌe aena aana kie hiiwalaimoli uri kie kei haro toꞌo aana taane mo ola nge kie kaꞌa leesiꞌi ue, nge mone kie ko haro maa-maaꞌoohi susutoꞌo mola ue.

Hibru 9:15

A Kraes e mae honotana mo oorahaꞌaanga nge mwala e dau-deuꞌi aana maholo kire iiꞌo ue i melutana haiholotaꞌinge holaꞌinaꞌo ngeena. Na aana maenga, nge a Kraes e haꞌawalaimoliꞌaa haiholotaꞌinge haalu a God ngeena, uri hunie mwala nge a God e soire oto mai i saana, kire ke helesie nga taa e haiholotaꞌinie hunire. Na mei olana oto maurihe huu taꞌau i Lengi.

Kolosi 3:24

Omu ke aamasitoꞌo aana uri a Aalaha kei niie taane huniꞌomu waaite nge e haiholotaꞌinie hunie mwala ingeie. Aana a Kraes oto tohungana Aalaha nge omu ko esu nana.

Hibru 6:12

Mwaanie omu lalawa ni esu, taꞌe saeku uri omu ke uusulie mo iini kire hiiwalaimoli aana a God oto wau i naꞌo, aana kire iiꞌo peꞌi maaꞌoohinge susutoꞌo oto mola, nge kire si helesie nga taa nge a God e haiholotaꞌi huni niie hunire.

Epesas 6:6

Mwaanie omu totola i sulire mola aana maholo kire ko lio-lio uri hunie omu ke haꞌa-olara mola. Taꞌe omu ke dau aahonga oto tarau huni esuie nga taa a God e saetoꞌo aana, aena aana iꞌomu mo koni-konihe a Kraes.

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Matiu 24:13

Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Haataꞌinge 13:10

Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God.

1 Pita 1:9

Na e lae oto urine, aena aana a God ko lae peꞌi haꞌa-uurie maurihaꞌamiu aana omu hiiwalaimoli aana.

Hibru 6:17

Oto maholo a God e haiholotaꞌi ngeena, e sare haataꞌi diana aana hunie mo iini nge kire kei hele aana nga taa e haiholotaꞌinie ngeena uri e saꞌa roroꞌa ni oolisie ike loꞌu saena. Aena urine nge e sare tohe loꞌu aana haiholotaꞌinge ngeena.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

Palonga 13:22

Oto loꞌu mei puri a God e taꞌaasie a Sol, e si lio hilisie loꞌu a Deved hunie ke inemauri nada. Na a God e ere uuri i sulie a Deved, A Deved kalena Jesi ingeie oto mwane nou tohungei saetoꞌo aana, aana ingeie nge kei deu i sulie walu ola nou saetoꞌo aana ke asuiꞌi. 1 Samuel 13:14

Tataroha Diana I Sulie A Jisas Kraes Nge A Jon E Uusue 7:17

Mala nga iini ko neꞌisae mouteꞌi huni deu i sulie saena God, nge haꞌalaa ke si lio saie haꞌa-uusulinge ineu. Na ke si saie uri ohe e uure mai mwaanie a God wa ohe e uure mola mwaanie mo loꞌongaꞌinge ineu maraaku.

Tataroha Diana I Sulie A Jisas Kraes Nge A Luk E Uusue 8:15

Taꞌe mo iini loꞌu, mo iini urihana mei mwakano diana ngeena, kire rongoa mo wala ngeena, na kire koni diana aani i laona manatada. Kire tola i sulie mo haꞌa-uusulinge ngeena, na kire ko si hungu eeni norutoꞌonga peꞌi esunge susuleꞌi hunie Aalahanga a God.”

Matiu 21:31

“?Oto nga taa ni omu loꞌongaꞌinie? ?Iini uri taa aana e ro kele saanau ngeena nge e sulu i sulie saena aamana?” Mo pris na mo rato ni mwane kire ko aalamie uuri, “Iini i naꞌo.” Oto a Jisas ko unue hunire uuri, “!Iau! Oto no ko unue oto huniꞌomu uri mo iinoni ni oorahaꞌaa mala mo repi na mwala susulu toꞌoha, kire kei holaꞌi sili i laona aalahanga a God i naꞌomiu.

Matiu 12:50

A tei nge ko deu i sulie nga taa Aamaku i Lengi e saetoꞌo aana, ingeie ni aasiku na a nikeku.”

Matiu 7:21

“E kaꞌa ike ahutana mo iini ko unu-unue hunieu uuri, ‘!Aalaha ineu!’ uri kire kei meni sili i laona Aalahanga a God, taꞌe mo iini ko deu i sulie saena Aamaku i Lengi haꞌalaa.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

Tataroha Diana I Sulie A Jisas Kraes Nge A Mak E Uusue 3:35

Aena aana iini nge ko esuie nga taa e toꞌohie saena God, ingeie oto aasiku na a nikeku.”

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

Hibru 11:39

Ahutada ngeena kire mani hiiwalaimoli aana God, na ingeie oto ko tohungei lahera oto liutaa. Taꞌe kire kaꞌa hele aana ike ue nga taa e haiholotaꞌinie hunire,