Hibru 1:9 - Tataroha Diana

⁹ O tohungei manata diana mola hunie oodo-oodonga na o leledie aaelanga. Oto aena urinena, ineu a God iꞌoe, nou lio hilisiꞌo peꞌie ilenimwaꞌenga oto paine hunie o ke paine loꞌu liutaa aana ahutana mo malahumu.

Hibru 1:9 Referans Kwoze

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Pilipae 2:9

Aena ngeena, nge a God e si tahelaꞌinie oto loꞌu liutaa hunie leu ni haꞌamaꞌunge i Lengi, na e niie satai ola ngeena hunie nge e lai peine loꞌu liutaa aana taꞌena nga sata.

Epesas 1:3

Kie ke paalahea Aamana a Jisas Kraes Aalaha ikie, aana a God e haꞌadianaꞌakie aana mo niinge ni Liꞌoa ingeie uure i Lengi i tehulaꞌana iiꞌo-rurunge ikie peꞌie a Jisas Kraes.

1 Korinit 1:9

Aana a God, iini nge e soiꞌomu hunie omu ke iiꞌo ruru peꞌie a Kalena, e sai deu i sulie walana, na a Kalena oto Aalaha ikie a Jisas Kraes.

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Tataroha Diana I Sulie A Jisas Kraes Nge A Jon E Uusue 1:41

Oto a Andru ko tolana loꞌohie oto aasine, a Saemon, na ko haꞌarongoa oto uuri, “Mere lio oodoie oto a Mesaea.” (Mei wala “Mesaea” ngeena, ngaeta mei wala aana erenga mo Jiu, loꞌongaꞌinge aana uri “Kraes,” iini nge a God e haiholotaꞌi ni uusungeꞌinie mai huni haꞌa-uurie walumalau.)

Haataꞌinge 2:15

Ngaeta mo iini eemiu ko deu aaela noꞌone mola urine aana kire ko hele paipesi i sulie haꞌa-uusulinge tataꞌala a Nikolas.

2 Korinit 11:31

Nou sai ere mola i sulie mo aasanga mala maholo nou oꞌoꞌo wau aana huilume i Damaskas na mwane paine haahie huilume ngeena e sasare tapolieu. A porona ko esu aana nanamanga a Aretas Inemauri, oto e uusungeꞌinie mo ramo huni tapolieu, na ngaeta mo ramo kire kakakalie mo maai para aana para paine ahuie huilume ngeena. Taꞌe ngaeta mo iini aana kira hiiwalaimoli kire peꞌieu hunie ne ke tahi mwaanire. Melu hane taꞌau hunie ngaeta maaureꞌi aana para paine ahuie huilume i Damaskas, na kire neꞌieu i laona luluꞌe oto paine, oto kire si uukueu i aano poꞌoi sinaha mwaanie huilumena. Iau, God Aamana Aalaha ikie a Jisas nge kie ko soi haꞌamanikuluꞌaa oto tarau, e saie uri nou kaꞌa eero ike.

Uusu-uusu A Pol Hurula'aa Hunie Mo Rom 12:9

Mwaanie omu lupweꞌi deu-deu aani manata-diananga, taꞌe omu ke manata diana toꞌohuu. Omu ke leledie aaelanga, na omu ke hele maꞌutaꞌa aana nga taa e diana.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 4:27

Na e toꞌohuu oto, aana a Herod Antipas peꞌie mo Israel, na a Pontias Paelat peꞌie mo Aapoloa Aaopa kire mani esu loko-loko huni horoꞌie a Jisas, koni-konihe maaꞌi iꞌoe nge o lio hilisie oto waite hunie ke neꞌie a Kraes.

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

Hibru 2:11

Ingeie oto ko da hunie mwala ke neꞌi iinoni maaꞌi, na ahutana mo iini e haꞌamaaꞌire ngeena, ikire taꞌa-taꞌa uluhe ni iinoni oto peꞌie. Oto aena urinena nge a Jisas e kaꞌa masa ike huni haaraꞌinire uri maeni eesine,

Tataroha Diana I Sulie A Jisas Kraes Nge A Jon E Uusue 10:17

A Mamaꞌa e manata diana hunieu, aena aana nou mwaꞌe-mwaꞌe ni toliꞌaasie maurihaꞌaku hunie uri ne ke si hele aalihoꞌi loꞌu aana.

Palonga 4:26

Mo inemauri aana walumalau ienini kire ko deu aakau huni heiseuni. Na mo naꞌohai mwane aana walumalau kire ruru huni seunie a Iawe na a Haꞌa-uuri nge e lio-hilisie. Sam 2:1-2

Hibru 2:9

Taꞌe kie sai leesie taane uri haꞌa-oailana mei wala ngeena e aehota aana a Jisas. Aana a God e asuie a Jisas hunie ke mwai-mwei haꞌawali mwaanie mo ensel hunie uri ke haataꞌinie manata-diananga a God maholo e mae honotaka mo iinoni. Na aena aana e sapesalu hiitoꞌo na e mae urine, nge a God e haꞌa-aalahaa, na e haꞌamanikuluꞌaa na e haꞌapainaꞌaa.