Hibru 1:2 - Tataroha Diana

² Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

Hibru 1:2 Referans Kwoze

1 Korinit 8:6

Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.

Tataroha Diana I Sulie A Jisas Kraes Nge A Jon E Uusue 1:3

Haꞌaholalana taꞌena nga ola e si lae noꞌone mola aana. Nga taꞌa-taꞌa mei ola nge haꞌaholalana e lae, e kaꞌa lae ike aahoꞌa aana.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Tataroha Diana I Sulie A Jisas Kraes Nge A Jon E Uusue 13:3

A Jisas e manataꞌinie oto uri Aamana e toliꞌaasie ahutana walu ola mango oto i laona nimana. Na e saie noꞌone uri e uure mai mwaanie a God, na uri ko eelihoꞌi loꞌu takoie a God.

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Hibru 11:3

Aani hiiwalaimolinge mone, kie saie uri a God e haꞌaholaa walumalau ienini aana walana mola maraana, aana e asuie mo ola kie ko lee-leesiꞌi mwaanie nga taa kie kaꞌa sai leesie ike.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Tataroha Diana I Sulie A Jisas Kraes Nge A Jon E Uusue 3:16

A God e tohungei manata diana hunie walumalau, hule aana e uusungeꞌinie taꞌa-taꞌa mwela mouteꞌi ingeie ke mae oalana, hunie taꞌena nga iini ko hiiwalaimoli aana ke suꞌuri eiꞌaa, taꞌe ke helesie maurihe huu i tehulaꞌana.

Matiu 26:63

Taꞌe a Jisas e tolirohu mola. Oto Naꞌohana Mo Naꞌohai Pris ko heꞌi unue loꞌu hunie a Jisas uuri, “No ko unue huniꞌo, uri o ke tohe oodoiꞌemeelu aana satana God Mau-meuriꞌe uri iꞌoe Kalena God toꞌohuu wa haꞌike.”

Matiu 21:38

Taꞌe maholo mwala auꞌesu ngeena kire leesie a kalena, kire ko si meni ere i sulie mola uuri, ‘Mwane nge kei toꞌo aana hohola ngeena oolisie aamana oto ie. Kolu ke horo maesie mola hunie kolu ke toꞌo aana oto hohola ienini.’

Hibru 5:8

Na maꞌalana e neꞌie kaꞌu Kalena God, taꞌe e haro sapesalu huni haataꞌinie uri e tola i sulie a God oto toꞌohuu.

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.

Hibru 1:5

Kie saie uri leune e toꞌohuu oto, aana walu ola nge a God e unuꞌi hunie a Kalena e kaꞌa unuꞌi loꞌu hunie mo ensel, aana e ere i sulie a Kraes uuri, Iꞌoe oto a Kaleku, na siꞌiri no ko haataꞌinie uri ineu oto Aamamu. Sam 2:7 Na a God e teꞌuri loꞌu, Ineu nge ne kei neꞌie Aamana na ingeie nge kei neꞌie a Kaleku. 2 Samuel 7:14

Epesas 3:9

Na iini nge e haꞌaholaa walu ola, e asuie uri hunie ne ke peꞌie ahutana mwala hunie kire ke lio saie loꞌongaꞌinge a God i sulie mei oalaꞌinge ingeie ngeena nge e iiꞌo mumuni.

Kalesia 4:4

Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

Palonga 10:36

Omu saie taane oto Tataroha Diana a God e uusungeꞌinie hunie mwala ni Israel uri ikie mo iinoni kie sai toꞌo aana hanuelamanga mola aena aana a Jisas Kraes, iini ko aalaha haahie walu ola.

Tataroha Diana I Sulie A Jisas Kraes Nge A Jon E Uusue 15:15

Nou kaꞌa saiꞌomu ike loꞌu aana mo koni-konihe, aena aana koni-konihe e kaꞌa saie ike nga taa aalaha ingeie ko loꞌo-loꞌongaꞌinie. Taꞌe no ko saiꞌomu uri maeni malahuku, na ahutana walu ola nou rongoꞌi mwaanie Aamaku, nou haꞌarongoꞌomu oto aani.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”

Palonga 2:17

A God e teꞌuri, ‘Aana mo dinge karaꞌinie haꞌamangolana walumalau ienini, ne kei lingisie mai Liꞌoa ineu haahie ahutana mwala. Na mo kalemiu mwane na mo kalemiu keni, kire kei meni houleꞌinie walaku. Na ne kei niie mo haataꞌinge hunie mo saanau iꞌomu, na ne kei niie mo maꞌahu-polenga hunie mo repo iꞌomu.

Tataroha Diana I Sulie A Jisas Kraes Nge A Jon E Uusue 17:2

Aana o niie oto mai hunieu nanamanga haahie ahutana iinoni, uri ne ke si niie maurihe huu nana mo iini o niire nakue.

Tataroha Diana I Sulie A Jisas Kraes Nge A Jon E Uusue 16:15

Ahutana walaimolinge na saenanaunge na oto ahutana toꞌo-toꞌolana a Mamaꞌa mango, toꞌolaku ni otona. Oto maholo a Liꞌoa ko haꞌarongoꞌomu aana walaimolinge a God, nge ko niie mo ola ineu namiu ni ngeena.”

Tataroha Diana I Sulie A Jisas Kraes Nge A Mak E Uusue 12:6

Oto lae-lae a mwaena e toꞌo aana mola taꞌa-taꞌa iinoni e oore loꞌu huni haꞌatolaa, taꞌe taꞌa-taꞌa mwela mouteꞌi ingeie ni otona. Oto a porona ko si uusungeꞌinie oto a kalena, aana e loꞌongaꞌi uuri, ‘A kaleku haꞌalaa kire kei haꞌamaꞌu aana.’

Tataroha Diana I Sulie A Jisas Kraes Nge A Mak E Uusue 1:1

Tataroha Diana i sulie a Jisas Kraes, Kalena a God e aehota oto mala

2 Pita 3:3

Oto e tohungei roroꞌa hunie omu ke saenanau diana aana uri maholo hunie walumalau ie kei mango e kaꞌa tewa ike loꞌu, na ngaeta mwala kei mwesi mwaaniꞌomu. Kire sai lae mola peꞌi haꞌa-eero aana walu ola diana,

Hibru 1:8

Taꞌe maholo a God e ere hunie a Kalena e teꞌuri, Iꞌoe oto a God, na aalahanga iꞌoe e saꞌa mango oto ooꞌoo. O lio i sulie mwala iꞌoe peꞌie oodo-oodonga.

Hibru 9:26

Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.

Tataroha Diana I Sulie A Jisas Kraes Nge A Jon E Uusue 3:25

Oto erenga haitapali ko aehota lae oto i matolana mo pwaarongoisuli a Jon na ngaeta mwane ni Jiu haahie mo Haꞌatolanga a Mosis i sulie haꞌahili-hilinge aani lotonga rereꞌa.

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

Matiu 13:39

na maelonga nge e tataaꞌinie mo rea ingeie oto a Satan. Na soꞌokoninge oto haꞌamangolana walumalau, na mo iini ko soꞌokoni oto mo ensel.

Tataroha Diana I Sulie A Jisas Kraes Nge A Mak E Uusue 12:7

Taꞌe mwala auꞌesu ngeena kire ko si meni ere i sulie mola uuri, ‘Mwane nge kei toꞌo aana hohola ngeena oolisie aamana oto ie. Kolu ke horo maesie mola hunie kolu ke toꞌo aana oto hohola ienini.’

Tataroha Diana I Sulie A Jisas Kraes Nge A Jon E Uusue 1:10

A mei Wala ngeena e lae oto mai i laona walumalau, na haꞌaholalana walumalau e lae taane oto aana, taꞌe walumalau e kaꞌa manataꞌinie ike.

Tataroha Diana I Sulie A Jisas Kraes Nge A Jon E Uusue 5:26

Na e urine oto aena aana a Mamaꞌa e maaie hunieu a Kalena noꞌone ne ke toꞌo aana nanamanga ni meurihe mala ingeie. Mala maurihe e uure mai mwaanie a Mamaꞌa maraana, nge urine loꞌu a Mamaꞌa e maaie hunieu a Kalena uri hunie ne ke sai niie maurihe noꞌone urine hunie taꞌena nga iini.

Tataroha Diana I Sulie A Jisas Kraes Nge A Jon E Uusue 5:27

Na a Mamaꞌa e niie noꞌone nanamanga huni lei-lei hunieu a Kalena, aena aana ineu a Kale Ni Iinoni.

Tataroha Diana I Sulie A Jisas Kraes Nge A Jon E Uusue 9:29

Kie mani saie uri a God e ere toꞌohuu hunie a Mosis, taꞌe a mwane aaela ngeena, na hule aana melu kaꞌa saie ike uri e uure i tei.”

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 7:28

Mwala nge lio hilisilada e lae huni neꞌi naꞌohai pris i sulie mo Haꞌatolanga a Mosis, ikire mwala mamaelaꞌa mola. Taꞌe aana mei wala ni tohenga aana haiholotaꞌinge haalu nge e si lae mai purine mo Haꞌatolanga a Mosis ngeena, a God e lio hilisie oto Kalena hunie ke neꞌie oto Hahuꞌana Naꞌohai Pris nge ke iiꞌo huu.

Tataroha Diana I Sulie A Jisas Kraes Nge A Jon E Uusue 13:32

Na aana ne kei haataꞌinie nanamanga na manikuluhaꞌana a God, nge a God ke si haataꞌinie manikuluhaꞌaku a Kale noꞌone, na kei esuie oto molana.