Haataꞌinge 22:21 - Tataroha Diana

²¹ Ineu a Jon no ko aarea God uri hahuꞌana manata-diananga Aalaha ikie a Jisas ke iiꞌo peꞌiꞌomu. Ke urine oto.

Haataꞌinge 22:21 Referans Kwoze

2 Tesalonaeka 3:18

No ko eitanaie Aalaha ikie a Jisas Kraes uri hahuꞌana manata-diananga ingeie ke iiꞌo peꞌiꞌomu.

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

Haataꞌinge 1:4

Saediananga mwaanieu a Jon huniꞌomu e hiu soihaadaꞌinge aana poꞌo ni henue i Esia. No ko eitanaie a God iini e mauri oto uure mai naꞌo na ko meuri oto siꞌiri ie na kei meuri oto huu. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu. Na e ro haꞌadianaꞌanga ngeena kire uure noꞌone mwaanie e hiu liꞌoa nge kire uure i naꞌona naunekume a God,

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

Haataꞌinge 1:2

Na ineu a Jon oto, ngaeta koni-konihe mola ingeie, no ko unu tahangaꞌinie huniꞌomu ahutana mo ola nou leesiꞌi ngeena. Na mo wala uure mwaanie a God otona, aana a Jisas Kraes ni e unu haꞌa-oaie uri kire toꞌohuu.

Haataꞌinge 22:7

Oto nou heꞌi rongoa loꞌu walana a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Mo iini nge kire ko tola i sulie walana God e unu lalai eeni i laona uusu-uusu ie, kire ke ilenimwaꞌe mola.”