Haataꞌinge 21:22 - Tataroha Diana

²² A God Aalaha Hahuꞌana Nanama na a Kalei Sipu kire iiꞌo oto mone aana hanuena, oto nou kaꞌa leesie ike nga nume maaꞌi i laona hanuena aana kire kaꞌa saetoꞌo aana loꞌu nge nume urine.

Haataꞌinge 21:22 Referans Kwoze

Tataroha Diana I Sulie A Jisas Kraes Nge A Jon E Uusue 4:23

Na maholo ko nanauhie oto mai, na e hule mone oto, hunie mwala ke palo-paloa a God Mamaꞌa oto toꞌohuu aani sae na aani walaimolinge. Aana a Mamaꞌa e tohungei saetoꞌo aana mo iini kire ko palo-paloa urine.

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Haataꞌinge 16:7

Na nou rongoa loꞌu mei wala ko iisitaa mai uure mwaanie ora ni uunu-uunu ko teꞌuri, “Iau, God Aalaha Hahuꞌana Nanama, leinge iꞌoe e oodotaꞌi mola na haꞌaloinge iꞌoe e tohungei melisi oto.”

Haataꞌinge 5:6

Oto i matolana mo rato ni mwane na e hai ola mauri ngeena, nou leesie loꞌu Kalei Sipu e uure i naꞌona naunekume ni aalaha ngeena. Na Kalei Sipu ngeena, e lio mala horoꞌilana e lae oto. E toꞌo aana e hiu rarangoi ola, na mo rarangoi ola ngeena mo tolimaa aana hahuꞌana nanamanga ingeie. E toꞌo aana loꞌu e hiu uꞌumaai ola, na ikire nge e hiu liꞌoa a God, nge e haꞌatolara aana taꞌena nga leu i laona walumalau.

Kolosi 2:9

Na kie saie uri a Kraes e diana liutaa aana taꞌena nga ola ni welumalau, aana ahutana mau-meuringe a God e iiꞌo i lalo aana a Kraes maholo e lae mai neꞌi iinoni mala ikie.

Tataroha Diana I Sulie A Jisas Kraes Nge A Jon E Uusue 4:21

Oto a Jisas ko teꞌuri loꞌu hunie, “Keine, o ke hiiwalaimoli eeku aana no ko unue uri maholo nge ko lae maine, mwala saꞌa palo-paloa ike taane loꞌu a Mamaꞌa mola i lengine toloi henue ienini wa taꞌau i Jerusalem.

Haataꞌinge 15:3

na kire ko kanalie kana a Mosis, koni-konihe a God, na kana a Kalei Sipu uuri, “God Aalaha Hahuꞌana Nanama, o esuie mo ola paine na kire tohungei diana oto liutaa. Iꞌoe oto inemauri haahie ahutana mwala, ahutana mo ola o esuiꞌi kire oodotaꞌi na kire toꞌohuu.

Haataꞌinge 11:17

na kire ko ere uuri, “Emi ko paalaheꞌo, God Aalaha Hahuꞌana Nanama, nge o iiꞌo kaꞌu oto uure mai naꞌo, na oto loꞌu mei siꞌiri ie. Emi ko paalaheꞌo aena aana o ko talaꞌai aalaha oto haahie walumalau peꞌie nanamanga paine iꞌoe,

Haataꞌinge 4:8

E hai ola mauri ngeena kire toꞌo aana e oono apa-apai ola, na mo apa-apai ola ngeena kire honu noꞌone aani maai ola hule i hahana apa-apani. Kire kaꞌa mou-mou ike aani kananga susue dangi na rodo uuri. “Maaꞌi, Maaꞌi, Maaꞌi, God Aalaha hahuꞌana nanama, Iini e mauri oto uure mai naꞌo, na siꞌiri, na oto huu.”

Kolosi 1:19

Iau, e urine oto aana a God e neꞌisae huni iiꞌo taꞌingelu i lalo aana Kalena, hunie kire ke sada na nga mei aapa ingeie ke suꞌuri eiꞌaa mwaanie a Kalena.

Tataroha Diana I Sulie A Jisas Kraes Nge A Jon E Uusue 10:30

Iꞌemereꞌi a Mamaꞌa taꞌa-taꞌa iinoni mola.”

Haataꞌinge 19:15

Na naihi e ala e maau mwaanie ngidune iini i naꞌo ngeena, hunie kei aꞌailaꞌasie mo henue. E saꞌa lio toliꞌaasie ike nga mei heitohenga i laona aalahanga ingeie, aana ingeie oto iini ko arasi aana saukae ni saewasunge a God Hahuꞌana Nanama.

Haataꞌinge 16:14

E oolu liꞌoa aaela ienini, kire toꞌo aana nanamanga huni deu huꞌi-huꞌite. Na kire ko lae-lae ngeena huni lokoa ahutana mo inemauri laona walumalau huni ooho honosie a God aana hai dinge paine nge a God Hahuꞌana Nanama kei leie mwala aana.

Matiu 24:2

Oto ko aalamire uuri, “?Omu leesie mo heri-herine nume ngeena? Taꞌe no ko unue oto huniꞌomu uri aana nga maholo oho-aasileni kei saro lae, na nga taꞌa-taꞌa ho heu e saꞌa oore ike loꞌu aana leu e oꞌoꞌo aana.”

Haataꞌinge 7:15

Aena urinena nge kire iiꞌo oto i naꞌona naunekume a God, na kire ko palo-paloa oto susue dangi na rodo i laona nume maaꞌi ingeie. Na iini nge e iiꞌo i lengine naunekume kei lio i suli diana aada.

Haataꞌinge 7:17

aena aana a Kalei Sipu nge e uure i naꞌona naunekume, ingeie oto kakalihe ikire. E sai naꞌoda takoie huulaa ni wei meuri. Na a God kei usuri aasie ahutana mo wei ni aakalo mwaanie maada.”

Haataꞌinge 14:4

Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.

Tataroha Diana I Sulie A Jisas Kraes Nge A Jon E Uusue 13:32

Na aana ne kei haataꞌinie nanamanga na manikuluhaꞌana a God, nge a God ke si haataꞌinie manikuluhaꞌaku a Kale noꞌone, na kei esuie oto molana.