Haataꞌinge 20:10 - Tataroha Diana

¹⁰ Oto a Satan nge e eero-eeroa mwala ngeena, kire aasie i laona dunge ni haꞌamotaahinge aana mo heu eeso-eeso, leu nge ola loo-looꞌa ngeena na propet eero-eero ingeie kire iiꞌo aana. Na i leune kire kei iiꞌo i laona haꞌamotaahinge susue aatowaa na rodo na oto huu.

Haataꞌinge 20:10 Referans Kwoze

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Haataꞌinge 19:20

Taꞌe kire tapolie ola loo-looꞌa ngeena peꞌie propet eero-eero ingeie. Propet eero-eero ngeena e dau huꞌi-huꞌite kaꞌu i naꞌo huni pweloa mwala huni haꞌapainaꞌaa nunune ola loo-looꞌa ngeena na huni neꞌi haꞌa-ara aana i darada. Taꞌe kire aa mauri aadarue mola i laona dunge ni haꞌamotaahinge aana mo heu eeso-eeso.

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Haataꞌinge 20:8

Oto kei iisitaa poi huni eeroa taꞌena nga mo aapoloa i laona walumalau. Mwala ngeena, tolahada e urihana ngaeta aalaha aaela wau i naꞌo, a Gok. Ingeie peꞌie aalahanga ingeie i Magok kire uure honosie a God suli maholo. Oto a Satan kei lokoa ahutana mwala aana walumalau hunie oohotaa, na kire kei hunge oto mala oone i sulie oone.

Haataꞌinge 16:13

Oto nou leesie e oolu liꞌoa aaela kire lio mamaꞌelaꞌa mala mo pweri. Kire maau mwaanie wawana painehaꞌana mwaa ala-ala ngeena, na mwaanie wawana ola loo-looꞌa ngeena, na mwaanie wawana ruana nga ola loo-looꞌa ngeena, nge ingeie oto propet eero-eero mwaa paine ngeena.

Matiu 7:15

“Omu ke lio talamiu aana mo propet eero-eero, kire kei lae mai seemiu na kire kei lupweꞌi deu mala mo sipu e rako-rako, taꞌe i laona saeda, ikire mo wawaulo ni meꞌesu oto toꞌohuu.

Haataꞌinge 9:17

Oto nou leesie loꞌu mo iini kire taꞌe aana mo hoos ngeena kire hoꞌosie mo sala ni oohotaa haahie roromaꞌi saeda, na mo olana kire nonoroꞌa mala mela-melahai dunge, na kire pulu-puluꞌe mala aasi, na kire saꞌo-saꞌola mala sato. Na pwaune mo hoos ikire e lio mala pwaune laeon, na dunge ko deutaa mai mwaanie wawada peꞌie pwaꞌulei dunge na mo heu eeso-eeso.

Tataroha Diana I Sulie A Jisas Kraes Nge A Mak E Uusue 9:44