Biblia Todo Logo
Bib sou entènèt

- Piblisite -




Haataꞌinge 2:3 - Tataroha Diana

3 Nou saie taane uri omu uure maꞌutaꞌa na omu kaꞌa toliꞌaa ike maꞌalana mwala kire taungeꞌiniꞌomu i tehulaꞌaku.

Gade chapit la Kopi




Haataꞌinge 2:3
49 Referans Kwoze  

Omu ke uure maꞌutaꞌa, hunie omu ke asuie nga taa a God e saetoꞌo aana, na urine omu kei hele aana nga taa e haiholotaꞌinie huniꞌomu.


Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.


Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.


Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.


Taꞌe kire kei teungeꞌiniꞌomu mola aena aana omu ko norutoꞌo aaku, na aana kire kaꞌa saie ike iini e uusungeꞌinieu mei.


Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.


Oto aena aana omu hele susuleꞌi i sulie haꞌatolanga ineu, nge ineu noꞌone ne kei kinetaꞌiniꞌomu mwaanie maholo ni siꞌohaꞌanga nge ko lae mai huni oohongie ahutana mwala i laona walumalau.


A Ebraham e mwaꞌe-mwaꞌe huni maaꞌoohi susutoꞌo mola, na lae-lae e si leesie nga taa nge a God e haiholotaꞌinie hunie.


Mwaanie omu lalawa ni esu, taꞌe saeku uri omu ke uusulie mo iini kire hiiwalaimoli aana a God oto wau i naꞌo, aana kire iiꞌo peꞌi maaꞌoohinge susutoꞌo oto mola, nge kire si helesie nga taa nge a God e haiholotaꞌi huni niie hunire.


Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.


Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.


Taꞌe iꞌomu, maeni eesiku maaꞌi, mwaanie omu poo-poosuaꞌa huni esuie mo esunge diana.


Aena urinena melu saꞌa mou-mou ike aani tarohaꞌinilana a Jisas. Maꞌalana uri sapemeelu ke lae peꞌi aaela loꞌu, taꞌe maurihaꞌameelu poꞌo i lalo ko lae peꞌi haꞌahaalu taane tarau suli dinge.


A God e tohungei aamasiꞌemeelu maholo e niie mei esunge ienini hunie melu ke tarohaꞌinie Tataroha Diana a Kraes, na aena urinena nge melu kaꞌa aakohe ike mwaanie.


Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.


Taꞌe aena aana kie hiiwalaimoli uri kie kei haro toꞌo aana taane mo ola nge kie kaꞌa leesiꞌi ue, nge mone kie ko haro maa-maaꞌoohi susutoꞌo mola ue.


Na nga iini e kaꞌa mwaꞌe-mwaꞌe huni sapesalu hule aana maenga i lengine poꞌu-poꞌu i tehulaꞌaku, nge e saꞌa roroꞌa neꞌi pwaarongoisuli ineu ike.


Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.


na omu ke sapeie loꞌu kinetaꞌinge aana tolahamiu, na omu ke sapeie loꞌu mei tolahai esunge taraꞌasi aani hiiwalaimolinge, na omu ke sapeie loꞌu iiꞌonga maaꞌi,


Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.


Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.


Taꞌa-taꞌa mei eehuꞌi ola kie saetoꞌo aana, maꞌalana kie ke iiꞌo aana sapeka mai aano i leu wa kie ke oopa mwaanie na kie ke iiꞌo oto taꞌau i Lengi, taꞌe kie saetoꞌo aana mola uri a Aalaha ke ilenimwaꞌe haahikie.


Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.


Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.


Taꞌe mo iini loꞌu, mo iini urihana mei mwakano diana ngeena, kire rongoa mo wala ngeena, na kire koni diana aani i laona manatada. Kire tola i sulie mo haꞌa-uusulinge ngeena, na kire ko si hungu eeni norutoꞌonga peꞌi esunge susuleꞌi hunie Aalahanga a God.”


Huilume ngeena ko haꞌamalaa mo Haꞌatolanga a Moses, na e malisine kie ke iisitaa mwaanie tolaha ni lulu i sulilana mo Haꞌatolanga a Mosis nge kie iiꞌo kaꞌu aana i naꞌo, na kie ke lae i saana uunu-olanga ikie, a Jisas Kraes. Na mwaanie kie maꞌuteꞌinie mwala kire ko haꞌamwasi aaka mala mwala kire haꞌamwasi keꞌu aana a Jisas.


Mo naꞌohai mwane nge kire ko lio i suli diana aana soihaadaꞌinge, na kire ko tohungei esu hiitoꞌo aani laeliwalanga na haꞌa-uusulinge, e tohungei diana oto liutaa hunie ruruhaa ke haꞌamaꞌu aada na ke waai diana aada noꞌone.


Na melu kaꞌa totola mwaakule ike aana nga mei ngeulaa mwaanie mwala, taꞌe melu haro holi-holiꞌi mola. Oto melu esu susue mola aatowaa na rodo mwaanie nga iini eemiu e tolahiꞌe loꞌu aana nga mei ola.


Oto melu ko eitanaie Aalaha ikie uri ingeie ke haꞌasusue mo loꞌongaꞌinge iꞌomu hunie omu ke saenanau diana aana manata-diananga a God huniꞌomu, na aana tolahana a Kraes hunie omu ke uure aꞌailaꞌa taraꞌasi.


Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.


Na iꞌoe a oaku toꞌohuu, nou saetoꞌo aana uri o ke peꞌie e ro keitaꞌaa ngeena. Aana kirerue tohungei peꞌi diana aaku huni tarohaꞌinie Tataroha Diana, peꞌie a Klemen na mo iini loꞌu weu nge iidumilana satada e lae oto i laona uusu-uusu ni meurihe huu.


aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.


Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.


Na melu kaꞌa ere toohaꞌiniꞌemeelu ike haahie mei esunge nge ngaeta mwala kire asuie. Taꞌe saemeelu hunie uri hiiwalaimolinge iꞌomu ke paine, na asunge iꞌemeelu i matolamiu ke paine loꞌu na ke hungu diana.


Mwala kire rapusiꞌemeelu oto, na kire neꞌiꞌemeelu oto i laona nume ni hoꞌo, na kire maaola-ola peꞌi waeliꞌemeelu oto. Taꞌe maꞌalana e urine melu ko haꞌaweoꞌemeelu oto mola aani tarohaꞌinilana a Jisas taraureꞌi, hule aana nga maꞌahunge wa ngaunge na haꞌike loꞌu.


Mei wala ni saediananga ineu noꞌone hunie a Traefina na Traefosa, e ro keni kire asu aꞌailaꞌa nana Aalaha, na hunie tohungei malahuku a Pesis, ngaeta keni loꞌu e asu aꞌailaꞌa nana Aalaha.


Na a God ke si haꞌa-uurie ahutemiu nge omu kei uure aꞌailaꞌa taraꞌasi aani hiiwalaimolinge lai hule aana haꞌamangolana.”


Maholo kire ko toolea taꞌau a Jisas i sulie tala mwaanie i Jerusalem, na kire ko oodoie mwane satana a Saemon, ko si hule mola uure i meꞌesu. (A Saemon mwane ni Saerin, na ingeie aamana Aleksanda na Rufas.) Oto mo ramo kire ko deu rarahie hunie ke aangaꞌinie poꞌu-poꞌu a Jisas.


Oto melu ko eitanaiꞌomu, maeni eesiku maaꞌi, uri omu ke haꞌamaꞌu aana mo iini ko esu hiitoꞌo i matolamiu aana soihaadaꞌinge huni lio i suliꞌomu na huni haꞌa-uusuliꞌomu.


omu ke lulu i sulie oto mo taungei naꞌohai iinoni urine, na taꞌena nga iini ko esu peꞌire.


Oto a Saemon ko aalamie na ko teꞌuri, “Poro paine, melu haꞌaweoꞌemeelu kaꞌu aani lionga haidengieꞌi, na melu kaꞌa kele saunie ike nga mei ola. Taꞌe i sulie walamu, nge ne kei heꞌi aatongie loꞌu huꞌo.”


Swiv nou:

Piblisite


Piblisite