Haataꞌinge 18:8 - Tataroha Diana

⁸ Oto aena urinena, nge ahutana mo ola e aaela oto hiitoꞌo kei hite aana keine mola i laona taꞌa-taꞌa hai dinge—mo ola aaela mala maenga, na ngaranga, na hiolonga oto paine. Na dunge kei weruhie mola a keine, aena aana God Aalaha Hahuꞌana Nanama nge ko leie urine.”

Haataꞌinge 18:8 Referans Kwoze

Haataꞌinge 17:16

Taꞌe lae-lae ola loo-looꞌa ngeena peꞌie aawalai rarangoi ola o leesiꞌi ngeena, kire kei eeliꞌu honosie mei repi keni ngeena na kire kei leledie oto. Oto kire kei seunie mei repi na kire kei leue ahutana mo ola lauleuniꞌe ingeie mwaanie hunie kei iiꞌo oto mola mwaakule. Na kire kei tohungei waelie a keine mala usu ni meꞌesu ko ngeue hasiꞌona poo e horoꞌie, wa mala iini ko uunu aasie mei ola aani dunge.

1 Korinit 10:22

Mala uri omu kei ngeu peꞌie mo liꞌoa aaela urine, omu ko da mola uri a God ke heotaꞌiniꞌomu ni ngeena. ?Uri omu sai uure aꞌailaꞌa mola honosie haꞌaloinge nge a God kei haꞌaloiꞌomu aana?

Haataꞌinge 19:3

Na kire unue noꞌone uuri, “!Lahea God ikie! A keine ko weru oto, na pwaꞌulei dunge aana e saꞌa mango oto huu.”

Haataꞌinge 18:17

Taꞌe saehuu oto paine huniꞌo aana toꞌo-toꞌonga paine iꞌoe kire mani eiꞌaa mola aana taꞌa-taꞌa maholoi sato.” Oto mo mwane paine aana mo haka i eesi, na mo mwane auꞌesu aana mo haka, na mo iini kire aali-eelide aana mo haka, na ahutana oto mo iini nge kire tai-teri toꞌoha aana mo haka i eesi, kire uure wau haꞌatau mwaanie i Babilon.

Haataꞌinge 17:18

“Oto o ke saie loꞌu uri mei repi keni ngeena, ingeie oto hanue paine nge ko aalaha haahie mo inemauri aana walumalau.”

Haataꞌinge 11:17

na kire ko ere uuri, “Emi ko paalaheꞌo, God Aalaha Hahuꞌana Nanama, nge o iiꞌo kaꞌu oto uure mai naꞌo, na oto loꞌu mei siꞌiri ie. Emi ko paalaheꞌo aena aana o ko talaꞌai aalaha oto haahie walumalau peꞌie nanamanga paine iꞌoe,