Haataꞌinge 16:1 - Tataroha Diana

¹ Oto nou heꞌi rongoa loꞌu mei wala paine e uure mwaanie leu e tohungei maaꞌi liutaa na ko unue hunie e hiu ensel uuri, “Omu ke lai lingisie e hiu kao-kao aana saewasunge a God haahie walumalau.”

Haataꞌinge 16:1 Referans Kwoze

Haataꞌinge 15:1

Oto nou heꞌi leesie loꞌu ngaeta tolimaa oto paine taꞌau i Lengi, na nou tohungei pangataꞌinie. Nou leesie e hiu ensel nge kei toolea mai e hiu huꞌi-huꞌite aaela ooreta. Maholo mo huꞌi-huꞌite aaela ngeena kei mango, nge saewasunge a God ke si mango oto i leune.

Haataꞌinge 16:17

Na hiune nga ensel e lai lingisie loꞌu kao-kao ingeie mai laona aahowaa. Oto mei wala paine e iisitaa mai mwaanie naunekume i laona nume maaꞌi, na ko teꞌuri, “E mango oto.”

Haataꞌinge 14:18

Oto ensel nge ko lio-lio i sulie dunge aana ora ni uunu ola, e lae mai mwaanie ora ni uunu-uunu na ko soi weu hunie ensel nge e hele aana naihi uuri, “O ke toolea naihi iꞌoe na o ke lae oto i soꞌo niu, aena aana mo niu i laona pariki aana walumalau kire ulu-ulu oto.”

Haataꞌinge 14:15

Na ngaeta ensel e lae loꞌu mei mwaanie nume maaꞌi, na ko soi takoie iini nge e iiꞌo i lengine mei uuru ngeena uuri, “O ke toolea naihi iꞌoe na o ke soꞌokoni oto, aena aana hohola aana walumalau e repo diana oto, na maholo hunie soꞌokoninge e hule oto.”

Haataꞌinge 11:19

Oto nume maaꞌi a God taꞌau i Lengi e taha, na nou leesie oto taꞌau kesi maaꞌi a God nge haiholotaꞌinge ingeie i laona. Oto waꞌariri ko eeso hailiu, na lou-lou ko hoka, na nunu oto paine peꞌie mawasidengi oto paine ko hite, na mo uudu-uuduhe aani nemo e pou mala hau taꞌi salo ko teke oto mai aano mala nemo.