Haataꞌinge 13:3 - Tataroha Diana

³ Ngaeta pwaꞌui ola aana ola loo-looꞌa ngeena, malaka oto paine nge aana. Na e lio adona ke maesie malaka ngeena, taꞌe lae-lae malaka ngeena e haro mola oto loꞌu maraana. Aena urinena ahutana mwala aana walumalau kire ko pangataꞌi, na kire ko lulu i sulie oto.

Haataꞌinge 13:3 Referans Kwoze

Haataꞌinge 17:8

“Oto o ke saie uri ola loo-looꞌa ngeena, ingeie iini e mauri keꞌu waite, taꞌe ie e aiꞌaa oto. Kei maau taane poi mwaanie kalinge ni haꞌamotaahinge ngeena, taꞌe kei lae mola i sulie tala takoie haꞌamangolana. Mwala aana walumalau kei tohungei pangataꞌinie aana maholo kire kei leesie uri e mauri loꞌu, aena aana e mauri keꞌu waite, na e aiꞌaa oto ie, na kei heꞌi meuri loꞌu. Mwala nge kei pangataꞌinie mo iini mola nge uusulana satada e kaꞌa lae ike i laona uusu-uusu ni meurihe uure oto wau aana aehotalana walumalau.”

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Haataꞌinge 17:17

Aena urinena mo inemauri aaela ngeena kire kei esuie mola nga taa a God e oalaꞌinie, aana a God nge e asuie kire ke neꞌisae tararuru hunie kire ke mani niie nanamanga ikire hunie ola loo-looꞌa ngeena huni aalaha haahire, na kei urine oto lai hule aana walana God kei oa.

Haataꞌinge 17:10

na ikire e hiu inemauri noꞌone aana hanuena. E lime iini aana mo inemauri ngeena kire mae oto, ngaeta iini ko meuri-meuri taane ue ie, na ngaeta iini e kaꞌa lae ike ue mai, taꞌe maholo kei lae mai, kei iiꞌo mola kele maholo oꞌoruꞌe.

Haataꞌinge 17:13

Ahutana aawalai inemauri ie kire kei neꞌisae mouteꞌi hunie kire ke niie nanamanga na aꞌailaꞌanga ikire hunie ola loo-looꞌa ngeena.

Haataꞌinge 13:12

Oto maholo ruana nga ola loo-looꞌa ie e iiꞌo peꞌie eetana nga ola loo-looꞌa ngeena, nge ko esu aana nanamanga nge iini holaꞌinaꞌo e toꞌo aana. E asu aana nanamanga ngeena urine huni deu rarahie mola ahutana mwala aana walumalau hunie kire ke palo-paloa iini holaꞌinaꞌo ngeena nge malaka aaela e oꞌoꞌo kaꞌu aana taꞌe e mola loꞌu.

Palonga 8:13

Na a Saemon noꞌone e hiiwalaimoli na loto-maaꞌilana e lae noꞌone. Na ko lae-lae mola i sulie a Pilip, na e tohungei pangataꞌinie mo huꞌi-huꞌite na mo tolimaa nge a Pilip e asuiꞌi.

Tataroha Diana I Sulie A Jisas Kraes Nge A Luk E Uusue 2:1

Aana maholona, inemauri peine ni Rom, a Ogastas, e neꞌie haꞌatolanga hunie ahutana mwala aana mo henue i mamalutana. Haꞌatolanga ngeena e unue uri ahutana iinoni ke mani uusu sata huni toolea wilinge mwaanire.

Tataroha Diana I Sulie A Jisas Kraes Nge A Jon E Uusue 12:19

Oto mo Parise ko si ere hunire maraada uuri, “!Lio kaꞌu! Walu ola kolu ko euꞌesuiꞌi honosie a mwane ngeena e kaꞌa oa oto hunikolu. !Ahutana walumalau ko lulu i sulie oto!”

Haataꞌinge 17:11

Na ola loo-looꞌa nge e mauri keꞌu waite taꞌe e aiꞌaa oto ie, ingeie nge walune nga inemauri, taꞌe ingeie nga ola mola aana e hiu inemauri holaꞌinaꞌo, na kei lae mola i sulie tala takoie haꞌamangolana.