Haataꞌinge 11:3 - Tataroha Diana3 Na ne kei uusungeꞌinie poi e ro mwane ineu nge kire sai haꞌawalaimoliꞌaa walaku. Kirerue kei toꞌoni aani toꞌoni aaela ni haataꞌinie uri kirerue ko saehuu, na ne kei niie nanamanga hunirerue hunie kirerue ke unu tahangaꞌinie walaku hunie sinola peꞌie e ro tangalau na e oono aawalai hei dinge ngeena.” Gade chapit la |
Oolune nga mai laenga ineu loꞌu mei huni maatoliꞌomu oto ienini. Oto omu ke lio talamiu, aana kolu saie oto uri mo Uusu-uusu Maaꞌi e unue uuri, Maholo nga iini ko haꞌasusungeꞌinie ngaeta iinoni i naꞌona mo mwane lei-lei, nga ro iinoni wa e oolu ke haro ere haꞌa-oaie nga taa ko unue ngeena, haꞌalaa kire ke si haꞌaloie. Diutronomi 19:15
Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”
na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.
Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.
Na i laona soihaadaꞌinge, a God e haꞌa-uuresie mwala huni peꞌi-peꞌire hailiu—eetana mo hurulaꞌaa, ruana mo iini ko tarohaꞌinie walana God, na oolune mo haꞌa-uusuli, na ngaeta mo iini nge a God e niie nanamanga hunire huni esuie mo huꞌi-huꞌite, na loꞌu nga mo iini kire sai haꞌa-uurie taꞌena nga iinoni mwaanie mo maelaa ikire, na ngaeta mo iini kire sai peꞌie kira siꞌohaꞌa, na nga mo iini kire saenanau ni lio i sulie taꞌena nga ola, na nga mo iini kire sai ere aana taꞌena nga erenga hai aaopaꞌi.
“!Kei aaela oto liutaa huniꞌomu mo Korasin! !Na noꞌone huniꞌomu mo Betsaeda! Mala uri mo huꞌi-huꞌite nge asuileni e lae huniꞌomu ngeena, asuileni ke lae urine hunie mo puꞌo i Taea na i Saedon, haꞌalaa mwala aana e ro huilume ngeena kire pwani oonisae oto waite. Kire karaꞌi haꞌamwai-mweiꞌara aani hoꞌosilana mo toꞌoni lalahuꞌe, na ipe aani pwasaꞌora huni haataꞌinie uri kire aaliꞌu oto mwaanie mo oorahaꞌaa ikire.
Na a Jisas ko heꞌi teꞌuri loꞌu, “!Kei aaela oto liutaa huniꞌomu mo Korasin! !Na noꞌone huniꞌomu mo Betsaeda! Mala uri mo huꞌi-huꞌite nge asuileni e lae huniꞌomu ngeena, asuileni ke lae urine hunie mo puꞌo i Taea na i Saedon, haꞌalaa mwala aana e ro huilume ngeena kire pwani oonisae oto waite. Kire karaꞌi haꞌamwai-mweiꞌara aani hoꞌosilana mo toꞌoni lalahuꞌe na ipe aani pwasaꞌora huni haataꞌinie uri kire aaliꞌu oto mwaanie mo oorahaꞌaa ikire.
E ro mwane ngeena kire toꞌo aana nanamanga huni deu honosie nemo i sulie mo waro-waro nge kire kei unu tahangaꞌinie walana a God. Kire toꞌo aana noꞌone nanamanga huni oolisie wai hunie ke neꞌi epu, na kire toꞌo aana nanamanga huni haꞌatolaa mai taꞌena nga aaelanga i laona walumalau. Kire sai deu urine oto mola tarau i sulie neꞌisaenga ikirerue.