Epesas 5:6 - Tataroha Diana

⁶ Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

Epesas 5:6 Referans Kwoze

Uusu-uusu A Pol Hurula'aa Hunie Mo Rom 1:18

Uure i Lengi a God e haataꞌinie oto uri e tohungei saewasu haahie ahutana oorahaꞌaa na tataꞌalanga mwala. A God kei haro haꞌaletehire taane, aena aana mo tataꞌalanga ikire ko deu honosie mola walaimolinge mwaanire maraada na mwaanie ngaeta mwala loꞌu.

Matiu 24:4

Oto a Jisas ko aalamire uuri, “Omu ke lio talamiu mwaanie nga iini e eeroꞌomu.

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

Kolosi 3:6

Walu ola nge a God e sai saewasu haahiꞌi ni ngeena, na kei haꞌaloie ahutana mwala kire ko heitohea.

Tataroha Diana I Sulie A Jisas Kraes Nge A Mak E Uusue 13:5

Oto a Jisas ko aalamire uuri, “Omu ke lio talamiu mwaanie nga iini e eeroꞌomu.

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

1 Pita 2:8

Na aana ngaeta leu loꞌu, mo Uusu-uusu Maaꞌi e ere loꞌu i sulie uuri, Hau ngeena oto ola huni haꞌatataroa mwala, na kire sai domu aaela i tehulaꞌana. Aesaea 8:14 Kire ko domu aaela urine, aena aana kire kaꞌa tola ike i sulie walana God. Na mwala hai-heitohe urine kire kei domu aaela oto urine, aana taꞌa-taꞌa tala mola hunie haꞌamangolada.

2 Tesalonaeka 2:3

Omu ke suꞌuri toliꞌaasie nga iini ke eeroꞌomu urine, aena aana dinge ooreta e saꞌa talei reu ike mola maraana. !Haꞌike! Taꞌe ngaeta mo ola kei holaꞌi reu. Mwala oto hunge kei haro ooho honosie a God, na loꞌu nga mwane e tataꞌala oto liutaa kei holaꞌi lae noꞌone mai huni heli peꞌie a God. Taꞌe a God kei tohungei haꞌaloie oto hiitoꞌo.

Kolosi 2:4

No ko ere urine huniꞌomu, mwaanie uri nga iini e haꞌatakaloꞌomu aani eeronga, maꞌalana uri ke rongo kohi loꞌu uri taa.

Tataroha Diana I Sulie A Jisas Kraes Nge A Mak E Uusue 13:22

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Kolosi 2:18

Na mwaanie omu toitoliꞌaasie nga iini ke haꞌapweuꞌomu aana mei wala uuri, “Omu saꞌa hele waaite ike taꞌau i Lengi, aena aana omu kaꞌa haꞌaletehie sapemiu peꞌi tola i sulilana mo haꞌatolanga e aasa.” Mo iinoni urine ko unue noꞌone uri kire leesie mo maꞌahu-polenga nge ko haataꞌinie uri e diana hunie mwala ke palo-paloa mo ensel. Taꞌe omu ke suꞌuri rongo hunire. Kire ko lupweꞌi haꞌamwai-mweiꞌara maraada i maana mwala, taꞌe kire ko toohaꞌinire mola aana mo neꞌisaenga ni welumalau nge hule aana kire kaꞌa toꞌohuu ike.

Hibru 3:19

Oto kolu saie oto kire kaꞌa hiiwalaimoli ike aana God, na aena mei olana nge kire kaꞌa lai hule ike aana leu ni mamalo nge a God e dau aakau aana.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.