Epesas 5:20 - Tataroha Diana

²⁰ Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Epesas 5:20 Referans Kwoze

Kolosi 3:17

Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.

1 Tesalonaeka 5:18

Na maꞌalana nga taa ke rau-reu loꞌu, taꞌe omu ke paalahea God mola tarau suli maholo. Aana a God e saetoꞌo aana omu ke asu urine aena aana omu lado oto peꞌie a Jisas Kraes.

Hibru 13:15

Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.

Pilipae 4:6

Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.

Epesas 5:4

Na e kaꞌa adona ike noꞌone uri omu ke talei unu-unue mo wala aaela, wa mo erenga ni pweu, wa mo haꞌa-eeronga aaela. Taꞌe nga taa e malisine uri omu ke ere i sulie oto, huni paalahea mola a God.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

2 Tesalonaeka 2:13

Maeni eesiku maaꞌi, e malisine melu ke paalahea God mola tarau haahiꞌomu, aana iꞌomu mo iini a Aalaha e manata diana huniꞌomu. A God e lio hilisiꞌomu uure oto wau i naꞌo huni haꞌa-uuriꞌomu, na e haꞌa-uuriꞌomu aana omu hiiwalaimoli aana mo wala toꞌohuu, na a Liꞌoa Maaꞌi e da omu neꞌi iinoni maaꞌi.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

1 Korinit 1:4

Suli maholo no ko paalahea God ineu aana e aamasiꞌomu na e niie mo niinge diana namiu i tehulaꞌana a Jisas Kraes.

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

Pilipae 1:3

No ko paalahea God ineu mola tarau aana ahutana maholo no ko loꞌongaꞌiniꞌomu.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

1 Tesalonaeka 3:9

Melu ko tohungei ilenimwaꞌe na melu ko paalahea God oto liutaa haahiꞌomu. Na paalahenga iꞌemeelu ngeena hule aana e kaꞌa malisine ike noꞌone ahutana ilenimwaꞌenga nge melu toꞌo aana i tehulaꞌamiu.

Uusu-uusu A Pol Hurula'aa Hunie Mo Rom 1:8

No ko sare holaꞌi paalahea God haahiꞌomu aana ahutana walumalau ko rongoa oto hiiwalaimolinge iꞌomu. Na i tehulaꞌana a Jisas Kraes mone, nou saie uri a God ko rongo hunie paalahenga ineu ngeena.

1 Korinit 15:24

Oto purihaꞌana haꞌalaa nge haꞌamangolana walumalau kei hite, maholo a Kraes kei haꞌamangoa ahutana mo aalahanga aaopa, na mo inemauri aaopa, na mo nanamanga aaopa. Mango urine, nge a Kraes ke si toliꞌaasie Aalahanga hunie a God Mamaꞌa.