Epesas 5:19 - Tataroha Diana

¹⁹ Urine maholo omu ko meni loko tararuru, omu ke haꞌasusue saemiu heiliu aana omu ko kanalie mo kana maaꞌi, na mo kana ni lahenga, na mo kana nge Liꞌoa Maaꞌi e niiꞌi mei. Na omu ke kana noꞌone ni lahea Aalaha aana ahutana saemiu.

Epesas 5:19 Referans Kwoze

Kolosi 3:16

Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.

1 Korinit 14:26

Maeni eesiku maaꞌi, nga taa nou loꞌongaꞌinie mola uuri. Maholo omu ko ruru mei hunie aarengaꞌinge omu ke mani peꞌi. Nga iini e sai kana, na ngaeta iini e sai haꞌa-uusuli aana nga mo ola, na ngaeta iini e sai ladoa nga taa a God e haataꞌinie aana, na ngaeta iini e sai ere aana mo taungei erenga hai aaopaꞌi, na ngaeta iini e sai ere luhesie loꞌongaꞌinge aana mo erenga ngeena. Ahutana walu ola ngeena ke rau oto urine huni haꞌasusue hiiwalaimolinge ikie.

Palonga 16:25

Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue.

Jemes 5:13

Na mala uri nga iini eemiu ko lae oodoie aasanga, nge ke aarengaꞌi. Wa uri nga iini eemiu saena e ilenimwaꞌe, nge ke kana ni paalahenga.

Matiu 26:30

Oto kire kanalie kana maaꞌi, nge kire si lae mwaanie hanuena huni hanetaa hunie Uuwo Ni Ei Olif.

Matiu 15:8

Aana a God e unue uuri, Mwala ie kire ko haꞌamaꞌu eeku mola aana ngidude, taꞌe manatada e haꞌatau hiitoꞌo mola mwaanieu.

1 Korinit 14:15

?Ko urine, nga taa nge ne kei da? Ne kei aarea God aana erenga ni Liꞌoa, na ne kei aarea noꞌone aana erenga ineu maraaku. Na loꞌu ne kei kana ni lahea God aana erenga ni Liꞌoa, na noꞌone aana erenga ineu maraaku.

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.