Epesas 4:7 - Tataroha Diana

⁷ Na hunie ahutaka oto taꞌingelu a Kraes e haꞌa-adokie oto aani niinge i sulie manata-diananga ingeie hunikie.

Epesas 4:7 Referans Kwoze

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

1 Pita 4:10

Iau, omu ke peꞌiꞌomu heiliu, aana a God e niie oto hunie taꞌena nga iini eemiu mei nanamanga huni deu esunge nana. Oto taꞌena nga iini eemiu ke asu diana aana taungei nanamanga a God e niie oto nana, hunie mo niinge hai aaopaꞌi nge a God e niiꞌi nana soihaadaꞌinge ke mani eehu diana.

Epesas 3:2

Saꞌa mola omu rongoa taane oto uri i laona aamasinge a God, e niie mei esunge ngeena hunieu uri hunie ne ke peꞌiꞌomu aana.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Matiu 25:15

Oto ko niie hunie ngaeta mwane auꞌesu e lime mwaꞌii toꞌoha. Na ngaeta mwane auꞌesu ko niie e ro mwaꞌii toꞌoha hunie. Na oolune nga mwane auꞌesu ko niie taꞌa-taꞌa mwaꞌii toꞌoha hunie. E haꞌa-adoa mo mwane auꞌesu ngeena aani mwaꞌii toꞌoha urine i sulie e nite nga iini e sai lio i suliꞌi i sulie saenanaunge ingeie. Oto a porona e si tauleꞌi, e lae.

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Hibru 2:4

A God na e haataꞌinie noꞌone uri mei wala ngeena e toꞌohuu, aani esuilana mo huꞌi-huꞌite na mo ola ni pangataꞌinge oto hunge mala mo tolimaa i sulie walaimolinge aana. Na e haꞌawalaimoliꞌaa noꞌone aani niilana mo niinge a Liꞌoa Maaꞌi hunie mwala i sulie loꞌongaꞌinge ingeie maraana.