Epesas 4:6 - Tataroha Diana

⁶ Kie ko meni paalahea mola e taꞌa-taꞌa God, aana ingeie oto Aamana ahutaka. Ingeie e paine haahie ahutaka, na ko meu-meuri i lalo aaka huni esuie nga taa ko sare asuie mai i laona walumalau.

Epesas 4:6 Referans Kwoze

Uusu-uusu A Pol Hurula'aa Hunie Mo Rom 11:36

A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

1 Korinit 8:6

Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

1 Jon 3:24

Mo iini ko tola i sulie mo haꞌatolanga ingeie, nge kire iiꞌo oto i lalo aana, na ingeie oto i lalo aada. Na Liꞌoa Maaꞌi nge a God e niie hunikie ko haataꞌinie aaka uri ko iiꞌo toꞌohuu oto peꞌikie.

Matiu 6:9

Taꞌe omu ko aarea God omu ke aarengaꞌi uuri. Mamaꞌa i Lengi, mwala ke haꞌamaꞌu aana satamu.

2 Korinit 6:16

?Wa mo liꞌoa aaela kei iiꞌo i laona nume maaꞌi a God uri taa? Oto kie ke suꞌuri hata-hata peꞌie mo iini kire kaꞌa hiiwalaimoli, aana ikie oto nume maaꞌi a God Meu-meuriꞌe. Iau, kie neꞌie oto nume maaꞌi a God, aana a God maraana e unue uuri, Ne kei iiꞌo oto peꞌie mwala ineu, na ne kei aawe-aawe oto i matolada. Ne kei neꞌie oto God ikire, na ikire kire kei neꞌie oto mwala ineu. Levitikas 26:12

1 Korinit 12:6

Mo saenanaunge ikie hunie asunge na kire mani hei aaopaꞌi noꞌone, taꞌe taꞌa-taꞌa God mola ni ko niie mo saenanaunge ngeena huni esuie mo taungei esunge hai aaopaꞌi urine.

Epesas 6:23

Maeni eesiku maaꞌi, no ko eitanaie a God Aamaka na Aalaha ikie a Jisas Kraes, hunie ke asuie hanuelamanga, na manata-diananga peꞌie hiiwalaimolinge ke paine loꞌu eemiu.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Epesas 2:22

Aena aana omu iiꞌo ruru oto peꞌie a Kraes, a God e asuie oto hunie omu ke iiꞌo ruru peꞌie ahutana mo iinoni kire hiiwalaimoli aana a Kraes, na omu meni neꞌie ngaeta nume maaꞌi nge Liꞌoa Maaꞌi a God e iiꞌo aana.

Tataroha Diana I Sulie A Jisas Kraes Nge A Jon E Uusue 17:26

Nou haataꞌiniꞌo taane oto aada, na ne kei heꞌi haꞌasaire loꞌu aana walu ola i suliꞌo, hunie uri mei manata-diananga nge o manata diana hunieu aana, ke iiꞌo i lalo aada na hunie uri ineu noꞌone ne ke iiꞌo i lalo aada.”

Tataroha Diana I Sulie A Jisas Kraes Nge A Jon E Uusue 14:23

Oto a Jisas e aalamie ko teꞌuri, “Mala nga iini ko manata diana hunieu, nge ke tola i sulie walaku. Oto Aamaku ke si manata diana hunie, na iꞌemereꞌi Aamaku mere ke si lae mai saana huni iiꞌo susu oto peꞌie.

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Epesas 1:21

A Kraes e iiꞌo oto taꞌau i Lengi na e nanama oto liutaa aana taꞌe-taꞌena nga aalaha, na mo aakalo, na mo inemauri, na mo liꞌoa aaela, na taꞌena nga iini nanama urine. A Kraes e nanama oto haahire mango-mango, mo iini aana walumalau ie na noꞌone aana walumalau kei lae ue mai.