Epesas 4:31 - Tataroha Diana

³¹ Omu ke toliꞌaasie taꞌe-taꞌena nga tolahai ola ni loohaꞌi roroꞌanga, na ni ngiduupunge, na ni saewasunge. Na omu ke toliꞌaasie taꞌena nga teanga aaela, na ni eeronga huni waelie nga iini, na omu ke toliꞌaasie noꞌone taꞌena nga mei hiinge huni waelie ngaeta iinoni.

Epesas 4:31 Referans Kwoze

Kolosi 3:8

Taꞌe haꞌike loꞌu, na maholo ienini omu ke toliꞌaasie oto noꞌone mwaanie maurihaꞌamiu mo ola mala saewasunge, na ngiduupunge, na neꞌisaenga huni waelie ngaeta iinoni, na eeronga huni waelie nga iini, na taꞌena nga erenga madaꞌa.

1 Pita 2:1

Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

Jemes 1:19

Maeni eesiku, omu ke loꞌongaꞌi kohi i sulie mo ola ienini. Omu ke mwaꞌe-mwaꞌe huni hehurongo, na haro loꞌongaꞌi omu ke si ere. Suꞌuri saewasu oto lau-leu,

Kolosi 3:19

Na iꞌomu mo poro, omu ke mana-manata diana hunie mo huꞌe iꞌomu, na mwaanie omu deu-deu raramaa hunire.

Jemes 3:14

Taꞌe mala o ko loꞌongaꞌiniꞌo oto mola maraamu, na saemu e honu mola aana saewasunge ni heotaꞌinge, nge o ke suꞌuri toohaꞌiniꞌo mala o saenanau, na o ke suꞌuri aaluhie walaimolinge aana eeronga urine.

Epesas 4:26

Mala uri o ko saewasu, mwaanie o toitoliꞌaasie saewasunge iꞌoe e da o esuie nga mei ola aaela. Na mwaanie omu sae-saewasu lae hule aana sato kei suu aana hai dinge ngeena.

1 Jon 3:12

Kie ke suꞌuri urihana a Kein wau i naꞌo, aana ingeie iini a Pwelu Eero-eero mola, na e horo maesie oto aasine, a Ebol. ?Aena e ue kaꞌu nge a Kein e horoꞌie aasine urine? E horoꞌie aena aana a Ebol e oodotaꞌi, na iiꞌonga diana ingeie e haataꞌinie uri iiꞌolana a Kein e kaꞌa oodo.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.

Taetas 1:7

Mo naꞌohai mwane i laona soihaadaꞌinge kire ko lio i sulie mo esunge a God, na aena urinena, nge kire ke iiꞌo oodotaꞌi tarau. Mwaanie kire loꞌo-loꞌongaꞌinire mola maraada, na mwaanie kire sae-saewasu lau-leu, na mwaanie kire inu-inu wei ni mehiri, na mwaanie kire haꞌa-haꞌa-ere, na mwaanie kire sae-sae haahie toꞌoha.

1 Timoti 3:11

Mo huꞌe, na e urine loꞌu, aana kire ke haro neꞌie mo keni e malisine mwala ke haꞌamaꞌu aada. Kire ke suꞌuri ere aaelasie nga iinoni, taꞌe kire ke kinetaꞌinie tolahada, na kire ke neꞌi huꞌe ni nou-norue nge mwala e sai norutoꞌo mola aada tarau.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

1 Korinit 14:20

Maeni eesiku, omu ke suꞌuri deu mala mwela aana loꞌongaꞌinge iꞌomu. Kei lae otoi diana liutaa taane hunie omu ke neꞌi mwela aani esuilana tataꞌalanga, taꞌe aana loꞌongaꞌinge, omu ke neꞌi rato oto.

1 Timoti 5:13

Na loꞌu kire kei lalawasie mola asunge na kire kei talei waetaꞌinie mola maholo ikire aani walo liunge mola i sulie mo nume. Na e kaꞌa taꞌe ike mola waetaꞌinilana maholo ikire, taꞌe peꞌi sihoai-olanga na kire kei oho dauhe mola aana mo esunge diana ngaeta mwala loꞌu aani unulana mola mo ola kire kaꞌa malisi.

Kalesia 5:20

Kire ko paloa mola mo god eero-eero, na kire ko deu i sulie mola mo liꞌoa aaela. Kire ko esuie mola maelonganga hunire hailiu, na haiseuninge, na heotaꞌinge. Kire ko maaola-ola aani saewasunge, na kire ko loꞌongaꞌinire mola maraada, na kire ko esuie mola oopanga, na kire neꞌie oto ngaeta pulitaa haꞌa-haꞌa-ere.

1 Korinit 5:8

Oto aena urinena, kie ke mani ilenimwaꞌe, taꞌe kie ke suꞌuri ilenimwaꞌe peꞌi tola i sulilana mo tolaha lalahuꞌe aana saewasunge na inu wei ni pweunge na dau roroꞌanga. !Haꞌike! Mo oorahaꞌaa urine kire urihana iis nge e sai sikihie mola walu ola. Taꞌe ikie, kie taꞌaasie oto walu ola urine, na kie ko ilenimwaꞌe mola peꞌi saemanola na peꞌie walaimolinge.

Uusu-uusu A Pol Hurula'aa Hunie Mo Rom 3:14

na ngidude e honu oto mola aana taꞌena nga wala aaela huni waelie mwala. Sam 10:7

Haataꞌinge 12:10

Oto nou heꞌi rongoa loꞌu mei wala paine e uure taꞌau i Lengi ko teꞌuri, “Aana maholo ie God ikie e haꞌa-uurikie oto. e haataꞌinie oto uri e toꞌo aana nanamanga huni aalaha oto mala inemauri. Oto ie a Kraes e haataꞌinie uri ingeie oto ni e aalaha haahie taꞌena nga ola. Aana iini nge holaꞌinaꞌo e talei haꞌa-haꞌasusungeꞌinie mola mo eesike suli aatowaa na rodo i naꞌona a God ikie, aasilana e lae oto mai aano.

1 Jon 3:15

Taꞌena iini nge ko ngiduupu hunie aasine, ingeie oto iinoni horo-horo, na omu saie oto uri iini urine e kaꞌa toꞌo aana ike maurihe huu i lalo aana.

Taetas 2:3

Na o ke haꞌa-uusulie noꞌone mo huꞌe hunie kire ke lulu i sulie tolahai iinoni diana nge e malisine mo iini kire hiiwalaimoli aana a Jisas. Kire ke suꞌuri sisiho aana mwala, na kire ke suꞌuri inu-inu wei ni mehiri hiitoꞌo. Taꞌe kire ke haꞌa-uusulie mwala mola aana tolahai iinoni diana,

2 Timoti 2:23

O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

1 Timoti 3:3

Iinonine ke suꞌuri inu-inu wei ni pweunge oto hiitoꞌo hunie ke mahiri. Na mwane ngeena ke suꞌuri neꞌi iinoni hai-heiseuni, taꞌe ke maneko, na ke saetoꞌo aana hanuelamanga i matolana mwala, na ke suꞌuri sae-saehanalie toꞌoha.

Palonga 21:30

Mei maaola-olanga ngeena e lae-lae hule aana ko lae ahusie oto huilume paine i Jerusalem. Oto mwala hunge kire huru mei, na kire ko tapolie oto a Pol, na kire ko toolea oto i sinaha mwaanie Nume Maaꞌi Peine. Kele maholoi sato nge kire toolea taꞌau i sinaha ngeena, na mo iini ko kakakalie maa aana Nume Maaꞌi ko tolana honoa oto mo maa.

2 Timoti 3:3

Kire saꞌa saie ike loꞌu manata-diananga, na kire saꞌa sae-sae aasi ike loꞌu hunie nga iinoni. Kire kei eero-eerotaꞌinie mola mwala, na kire saꞌa kinetaꞌinie ike tolahada mwaanie aaelanga. Kire saꞌa aama-aamasie ike nga iini, na kire kei leledie mola taꞌena nga ola diana.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Epesas 4:25

Oto omu ke toliꞌaasie tolahai ola ni eeronga, na omu ke mani ere toꞌohuu mola huniꞌomu heiliu, aena aana ahutaka kie mani neꞌi sasarai ola mola aana taꞌa-taꞌa mei sape.