Epesas 4:28 - Tataroha Diana

²⁸ A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Epesas 4:28 Referans Kwoze

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Tataroha Diana I Sulie A Jisas Kraes Nge A Jon E Uusue 12:6

A Jiudas e talei ere kaꞌu urine, taꞌe hule aana ingeie e kaꞌa neꞌi-neꞌisae ike aana mo iinoni meitale. E ere urine mola i sulie ingeie iinoni peli-peli. Mwaꞌii toꞌoha mo pwaarongoisuli mone aana, oto ko talei deu mala saena mola aana.

Tataroha Diana I Sulie A Jisas Kraes Nge A Luk E Uusue 19:8

Taꞌe a Sakias e taꞌelaꞌi, oto ko teꞌuri hunie poro painena, “!Aalaha ineu! Ne kei niie ngaeta poꞌo ni leu aana toꞌo-toꞌolaku nana mo iinoni meitale. Na mo iini nge nou pwelora aana nou tola toꞌoha mola mwaakule mwaanire, ne kei nii eelihoꞌi loꞌu aana mo toꞌoha ikire, na ne kei nii haꞌahai liutaa aana loꞌu nga taa nou toolea mwaanire.”

2 Korinit 8:12

Mala uri omu ko mwaꞌe-mwaꞌe toꞌohuu huni niie nga mei ola, nge a God kei tohungei ilenimwaꞌe haahie leune. Na mwaanie omu tolahiꞌe mala uri niinge e kaꞌa paine ike, aana e kaꞌa unue ike uri kie ke niie mo ola kie kaꞌa toꞌo aani ike.

2 Korinit 8:2

Oohongilada e lae kaꞌu aana mo aasanga oto paine e hite aada, na kire maitale oto hiitoꞌo. Taꞌe maꞌalana e urine, ilenimwaꞌenga ikire e paine oto liutaa hule aana kire ko sare nii huni peꞌie ngaeta mwala.

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

Tataroha Diana I Sulie A Jisas Kraes Nge A Jon E Uusue 13:29

Ngaeta mo iini aana mo pwaarongoisuli kire loꞌongaꞌinie e ere urine aena aana a Jiudas mone ko lio i sulie mei toꞌoha ikire, oto ohe a Jisas e unue hunie uri ke lai holie nga mo ola kire saetoꞌo aani hunie houlaa, wa huni niie nga mo ola hunie kira maitale.

Tataroha Diana I Sulie A Jisas Kraes Nge A Luk E Uusue 3:8

!E aasa! Taꞌe omu ke hungu eeni hue-huei ola diana i laona mau-meuringe iꞌomu huni haataꞌinie uri omu oonisae toꞌohuu oto mwaanie ahutana mo oorahaꞌaanga iꞌomu. Na mwaanie omu loꞌo-loꞌongaꞌinie uri omu kei tehisie saewasunge a God aena aana omu hute aana komu a Ebraham. Leune e saꞌa peꞌiꞌomu ike aana no ko unue huniꞌomu uri a God e sai huꞌisie mola mo heu ienini hunie kire ke neꞌi iinoni haalu hunie komu a Ebraham.

1 Korinit 4:12

Melu ko tohungei haꞌaweoꞌemeelu oto hiitoꞌo aani esunge. Maholo mwala ko ere ni hoꞌasinge huniꞌemeelu, melu ko ere ni haꞌadianaꞌara mola. Na maholo mwala ko teungeꞌiniꞌemeelu, melu ko esu susutoꞌo mola.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Taetas 3:14

O ke haꞌaninaa mwala aana soihaadaꞌinge hunie kire ke mwaꞌe-mwaꞌe ni esuie mo ola diana huni peꞌi-peꞌie ngaeta mwala, na mwaanie kire lalawa huni esuie mo ola diana.