Epesas 4:11 - Tataroha Diana

¹¹ Na ingeie oto e niie mo niinge hunie soihaadaꞌinge ingeie, aana e lio hilisie nga mo iini huni neꞌi hurulaꞌaa, na nga mo iini huni neꞌi propet, na nga mo iini huni tarohaꞌinie Tataroha Diana, na nga mo iini huni lio i sulie soihaadaꞌinge, na nga mo iini huni haꞌa-uusulie mwala.

Epesas 4:11 Referans Kwoze

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Epesas 4:8

Mo Uusu-uusu Maaꞌi e unue uuri, E tapolie mo maelonga ingeie, e si tola mauri aada maholo e tahelaꞌi taꞌau aana leu e lae oto i Lengi, nge e si haꞌa-adoa mo iinoni ingeie aani niinge. Sam 68:18

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

Uusu-uusu A Pol Hurula'aa Hunie Mo Rom 12:7

Na mala uri niinge a God ko lae oto huniꞌo hunie o ke sasare peꞌie mwala, nge o ke asu diana oto urine. Na mala uri niinge a God ko lae oto huniꞌo huni haꞌa-uusuli diana aana mwala, nge o ke haꞌa-uusuli diana oto.

Hibru 5:12

Omu hiiwalaimoli ko tewa oto, na e malisine omu ke neꞌi haꞌa-uusuli oto. Taꞌe e lio mala omu kaꞌa sai diana aana ue mo haꞌa-uusulinge nge omu holaꞌi rongoꞌi keꞌu i sulie a Kraes. ?E ue kaꞌu e urine? Omu urihana mola mo mwela nge kire ko sususu ue, na omu kaꞌa malisine ue ngaulana mo ngeulaa maꞌutaꞌa.

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”

Palonga 21:8

Oto aana dinge loꞌu i puri, melu uure i leune melu si lae loꞌu hunie huilume paine i Sisaria na melu ko lai iiꞌo peꞌie a Pilip wau i nume ingeie. Ingeie mwane ko tarohaꞌinie noꞌone Tataroha Diana, na ingeie ngaeta iini noꞌone aana e hiu mwane nge kire lio hilisire kaꞌu taꞌau i Jerusalem huni lio i sulie mo niinge.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.

Jiud 1:17

Taꞌe maeni malahuku, omu ke aama-aamasitoꞌo aana nga taa nge mo hurulaꞌaa Aalaha ikie a Jisas Kraes kire ere lalai aana oto waite.

1 Korinit 12:4

Mo taungei niinge ni Liꞌoa kire hunge na kire mani hei aaopaꞌi, taꞌe taꞌa-taꞌa Liꞌoa mola ni ko niiꞌi.