Epesas 3:8 - Tataroha Diana

⁸ Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Epesas 3:8 Referans Kwoze

Kolosi 1:27

E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Epesas 2:7

A God e asuie leune urine hunie uri mwala nge kire kei lae mai puri, kire ke lio saie uri manatana e tohungei diana oto liutaa, aana kire kei leesie manata-diananga ingeie hunikie aana a Jisas Kraes.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

1 Timoti 1:13

E asuie walu ola diana urine nakue, maꞌalana holaꞌinaꞌo ineu, nou talei ere-ere aaelasie a Kraes, na nou teungeꞌinie mo iini e hiiwalaimoli aana, na nou esuie taꞌena nga ola huni waelire. Taꞌe a God e aamasieu, aena aana nou kaꞌa saie ike nga taa nou euꞌesuie na aana maholona nou kaꞌa hiiwalaimoli ike ue.

Kalesia 1:16

Oto e haataꞌinie a Kalena kaꞌu hunieu, hunie mauringe ineu ke tarohaꞌinie Tataroha Diana ingeie hunie mo Aapoloa Aaopa. Na maholo a God e soieu urine, ingeie maraana e niie walana hunieu hunie ne ke tarohaꞌinie, na nou kaꞌa toolea ike loꞌu nga mo haꞌananaunge mwaanie nga iinoni.

Uusu-uusu A Pol Hurula'aa Hunie Mo Rom 11:33

No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.

Uusu-uusu A Pol Hurula'aa Hunie Mo Rom 2:4

A God e tohungei saediana huniꞌomu, na e kaꞌa sai saewasu lau-leu ike, taꞌe ko tohungei toli rako mola peꞌiꞌomu. !Taꞌe iꞌomu, omu ko neꞌi-neꞌisae mwakataꞌinie mola tolahana! ?Aana e ue? ?Uri omu kaꞌa lio-lio saie ike uri a God e tohungei diana huniꞌomu urine, aena aana ko niie nga kele maholo huniꞌomu hunie uri omu ke oonisae mwaanie mo tolahai ola aaela iꞌomu?

2 Timoti 1:11

A God e lio hilisieu uri hunie ne ke tarohaꞌinie Tataroha Diana ngeena, na ne ke neꞌi hurulaꞌaa, na hunie ne ke haꞌa-uusulie mwala.

Epesas 3:19

Nga iini e saꞌa sai diana aana ike ahutana walu ola i sulie manata-diananga a Kraes hunie, taꞌe no ko eitanai talamiu uri omu ke sai diana aana manata-diananga a Kraes huniꞌomu. Urine nge omu kei honu aana nanamanga na tolahana a God.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.

1 Timoti 1:15

Nga taa nge ne kei unue ie e toꞌohuu, na o sai norutoꞌo aana oto. A Kraes Jisas e lae mai laona walumalau huni haꞌa-uurie kira oorahaꞌaa. O sai leesie leune e toꞌohuu, aana ineu oto ngaeta iini nou aaela liutaa, taꞌe ingeie mone e haꞌa-uurieu.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Pilipae 4:19

Na i tehulaꞌana a Jisas Kraes, God ineu ke si niie walu ola omu saetoꞌo aani huniꞌomu mwaanie ahutana mo tohungei ola diana ingeie.

Kalesia 2:8

Aana a God nge e niie nanamanga hunie a Pita huni esu mala nga hurulaꞌaa nana mo Jiu, ingeie nge e niie noꞌone nanamanga ngeena hunieu huni esu mala nga hurulaꞌaa nana mo Aapoloa Aaopa.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Epesas 3:2

Saꞌa mola omu rongoa taane oto uri i laona aamasinge a God, e niie mei esunge ngeena hunieu uri hunie ne ke peꞌiꞌomu aana.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Tataroha Diana I Sulie A Jisas Kraes Nge A Jon E Uusue 1:16

Oto aena aana e tohungei honu aana manata-diananga na walaimolinge, nge ko nii-niie mai ngaeta mo niinge diana loꞌu hunie ke oolisie niinge diana wau i naꞌo ngeena.

Epesas 3:1

Aena mei olana, nge ineu a Pol nou iiꞌo oto i nume ni hoꞌo ie, aena aana ineu iinoni a Jisas Kraes na nou esu talamiu mo iini nge iꞌomu nga mo Jiu haꞌike.

Tataroha Diana I Sulie A Jisas Kraes Nge A Luk E Uusue 14:22

Oto maholo koni-konihe ngeena e ooli loꞌu mei ko si teꞌuri, ‘Aalaha ineu, nga taa o unue hunieu, nou deu i sulie mango oto eena, taꞌe mo leu hunge kire pwala mola ue adona mwala hunge.’