Epesas 3:10 - Tataroha Diana

¹⁰ Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Epesas 3:10 Referans Kwoze

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

Uusu-uusu A Pol Hurula'aa Hunie Mo Rom 11:33

No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.

Epesas 1:21

A Kraes e iiꞌo oto taꞌau i Lengi na e nanama oto liutaa aana taꞌe-taꞌena nga aalaha, na mo aakalo, na mo inemauri, na mo liꞌoa aaela, na taꞌena nga iini nanama urine. A Kraes e nanama oto haahire mango-mango, mo iini aana walumalau ie na noꞌone aana walumalau kei lae ue mai.

Epesas 1:3

Kie ke paalahea Aamana a Jisas Kraes Aalaha ikie, aana a God e haꞌadianaꞌakie aana mo niinge ni Liꞌoa ingeie uure i Lengi i tehulaꞌana iiꞌo-rurunge ikie peꞌie a Jisas Kraes.

1 Korinit 1:24

Taꞌe hunikie mo iini nge a God e soikie oto, mo Jiu na oto mo Aapoloa Aaopa, mei wala aana a Kraes ienini ingeie oto nanamanga na saenanaunge a God.

1 Pita 3:22

A Jisas e tahelaꞌi oto i Lengi, na e iiꞌo oto i pwalo-pwalona God aana leu e nanama oto liutaa. Na aana a Jisas e toꞌo aana iiꞌo-iiꞌoha oto paine ngeena, nge ko aalaha oto haahie mo ensel na mo aakalo na mo inemauri na mo aalaha, na haahie taꞌena nga ola e nanama loꞌu.

Kolosi 1:16

Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Epesas 1:8

nge e sai nii peine aani oto hunikie. Oto i sulie saenanaunge na lio sai-olanga a God,

Uusu-uusu A Pol Hurula'aa Hunie Mo Rom 8:38

Iau, nou tohungei hiiwalaimoli aana uri nga taꞌa-taꞌa mei ola e saꞌa oopakie ike mwaanie manata-diananga a God. Manata-diananga a God kei iiꞌo oto huu aaka, maꞌalana uri kie ke mauri wa kie ke mae loꞌu. Na maꞌalana mo ensel wa mo liꞌoa aaela wa mo aakalo wa mo wesi wa mo hiꞌona wa mo ola nanama loꞌu urine, taꞌe e aasa oto hunie kire ke oopakie mwaanie manata-diananga a God hunikie. Maꞌalana nga mei ola ke iiꞌo oto molana wa ke si haro lae mai,

Epesas 1:23

Soihaadaꞌinge oto sapena Kraes, na ingeie oto ko esuie soihaadaꞌinge ke neꞌi iinoni haꞌileku, mala a Kraes e asuie taꞌena nga ola aana haꞌaholanga ke neꞌi ola haꞌileku.

Kolosi 2:10

Na aana omu lado oto peꞌie a Kraes, nga mei ola e kaꞌa aiꞌaa ike mwaanie maurihaꞌamiu. Aana ingeie oto e aalaha haahie ahutana mo aalaha na mo ensel na mo aakalo na taꞌena nga liꞌoa nanama taꞌau i Lengi na mai aano.

Kolosi 2:15

Oto urine a God e taꞌaasie nanamanga mwaanie mo liꞌoa aaela nge kire ko aalaha haahie walumalau. Iau, maelana Kraes e tohungei aꞌailaꞌasire oto, na ko haꞌamasara aana e haataꞌinie hunie walumalau uri ikire mo iini mwaakule mola.