Epesas 2:2 - Tataroha Diana

² Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Epesas 2:2 Referans Kwoze

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

Epesas 2:3

Oto wau i naꞌo, ahutaka kie mani oꞌoꞌo taane noꞌone mala mwala ngeena. Kie talei lae-lae oto mola i sulie saeka aani deu i sulilana nga taa sapeka na loꞌongaꞌinge ikie e saetoꞌo aana. Oto e malisine mola uri a God ke haꞌaloikie mala e sai esuie aana taꞌena nga iinoni.

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Epesas 5:6

Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

1 Jon 5:4

aena aana taꞌena nga iini e neꞌi kalena God oto, ko aꞌailaꞌasie mola walumalau aani norutoꞌonga aana Kraes.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

Haataꞌinge 20:2

Oto ensel ngeena e tapolie painehaꞌana mwaa ala-ala ngeena, na e pwasue aana iieliheu hunie ke iiꞌo ni hoꞌo hunie sinolai helisi. Mwaa uure oto wau i naꞌo ngeena, ingeie nge naꞌohana mo liꞌoa aaela, na satana a Pwelu Eero-eero wa a Satan.

1 Jon 4:4

Maeni mwela ineu, iꞌomu mo iini a God eena, na omu aꞌailaꞌasie oto mo propet eero-eero, aena aana Liꞌoa Maaꞌi nge e iiꞌo i lalo aamiu, e saka liutaa aana liꞌoa i lalo aada mo iini ni welumalau.

1 Pita 4:3

Holaꞌinaꞌo, omu tohungei lae tewa aani lulu i sulilana tolahana mo puꞌo aana omu mai-mesi kaꞌu peꞌie taꞌena nga iini, na omu heri-heri hunie kaꞌu mola aaelanga. Omu mehiri kaꞌu tarau aani inu wei ni pweunge, na omu euꞌesuie kaꞌu mo houlaa paine huni inu-inu ni pweu na huni deu aaela mola aani. Na omu lae noꞌone peꞌie tolahai ola e lio mamaꞌelaꞌa ngeena aana omu palo-paloa kaꞌu mo god eero-eero.

Kolosi 1:21

Iꞌomu, holaꞌinaꞌo omu haꞌataulie a God oto hiitoꞌo na omu neꞌi maelonga mola hunie, aana mo loꞌongaꞌinge tataꞌala iꞌomu na mo ola aaela omu euꞌesuiꞌi.

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Korinit 5:10

Taꞌe nou kaꞌa unue ike uri omu ke oopa mwaanie mo puꞌo nge kire ko mei-mesi, wa kire ko sae-saehanalie mola toꞌo-toꞌolana ngaeta mwala, wa kire ko eeroa mwala mwaanie toꞌo-toꞌolada, wa kire ko palo-paloa mo nunui ola. Haꞌike. Aana mo iinoni mala ngeena, omu ko lae oto mwaanie walumalau ie haꞌalaa omu ko toliꞌaasire.

Palonga 5:3

Oto a Pita ko teꞌuri hunie a Ananaeas, “?Ananaeas, e ue ni o toliꞌaasie a Pwelu Eero-eero ke naꞌomu huni eeroa Liꞌoa Maaꞌi? Aana iꞌoe, o hele oorea ngaeta aapa aana mei toꞌoha nge o terie aana mei aano o haꞌaholingeꞌinie.

Tataroha Diana I Sulie A Jisas Kraes Nge A Jon E Uusue 15:19

Mala uri omu ke neꞌie mo iinoni aana walumalau, haꞌalaa walumalau e sai manata diana oto huniꞌomu, mala e manata diana hunie ahutana mo iini ingeie nge kire kaꞌa lae ike i sulie a God. Taꞌe aena aana omu kaꞌa uure ike aana walumalau, taꞌe nou lio hilisiꞌomu mwaanie walumalau, oto aena mei olana nge walumalau ko si ngiduupu huniꞌomu.

Tataroha Diana I Sulie A Jisas Kraes Nge A Jon E Uusue 14:30

Nou saꞌa iiꞌo tewa ike loꞌu peꞌiꞌomu huni ere-ere peꞌiꞌomu, aana aalaha haahie walumalau ie, a Pwelu Eero-eero, ko lae oto mai. Ingeie e kaꞌa toꞌo aana ike nga nanamanga haahieu,

2 Pita 2:14

Saeda e painesie mola uri kire ke hele roroꞌanga mola peꞌie mo huꞌe tarau. Kire saꞌa tohungei mamalo ike mwaanie tolahai ola aaela ikire ngeena, na kire sai haꞌa-olaa noꞌone mwala nge hiiwalaimolinge ikire e kaꞌa susu hunie kire ke lae takalo noꞌone. Kire tohungei sai saehanalie noꞌone mo ola ngaeta mwala. Oto aena urine kaꞌu a God e unue oto uri ke haꞌaloire.

Tataroha Diana I Sulie A Jisas Kraes Nge A Jon E Uusue 16:11

Na kei haataꞌi diana aada uri a God kei saronai leire taane, aana lei-maesilana aalaha aana walumalau ie e pwani lae oto.

Tataroha Diana I Sulie A Jisas Kraes Nge A Jon E Uusue 13:27

Oto mola i purine a Jiudas e hele aana mei bred ngeena mango, a Pwelu Eero-eero e si sili i lalo aana. Oto a Jisas ko si teꞌuri hunie, “Nga taa o ko sare asuie, o ke asuie oto lau-leu.”

Tataroha Diana I Sulie A Jisas Kraes Nge A Jon E Uusue 13:2

Oto e hule aana maholo a Jisas na mo pwaarongoisuli ingeie kire ko ngeu i seulehi, taꞌe a Pwelu Eero-eero e pwani neꞌie oto mei neꞌisaenga ni pweloa a Jisas i saena a Jiudas Iskariot, kalena Saemon.

Tataroha Diana I Sulie A Jisas Kraes Nge A Jon E Uusue 8:23

A Jisas e aalamire oto ko teꞌuri, “Iꞌomu mwala mola aana walumalau mei aano ie ni ngeena, taꞌe ineu nou lae mai uure taꞌau i Lengi. Iꞌomu, omu uure mwaanie walumalau ie, taꞌe ineu, nou kaꞌa uure ike mwaanie walumalau ie.

Tataroha Diana I Sulie A Jisas Kraes Nge A Jon E Uusue 7:7

Mwala aana walumalau ie kire saꞌa maalelediꞌomu ike, taꞌe ineu ni kire ko maaleledieu, aena aana no ko lae peꞌi unu haataꞌinie uri nga taa kire ko esuie e aaela.

Matiu 13:38

na hohola walumalau eena. Litei ola diana mwala aana Aalahanga a God eena, na mo rea oto mo iinoni a Satan,

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

Jemes 1:7

Iini urine ke suꞌuri loꞌongaꞌinie uri kei lio oodoie nga mei ola uure mwaanie a God.

2 Timoti 4:10

A Dimas e toliꞌaasieu aana ko tohungei saetoꞌo aana mo ola aana walumalau ie, na e lae oto aana huilume i Tesalonaeka. A Kresens e lae huni esu nana God aana poꞌo ni henue i Kalesia, na a Taetas e lae urine noꞌone hunie poꞌo ni henue i Dalmesia.

Palonga 19:35

Oto lae-lae, naꞌohai mwane aana pulitaa oaꞌoalaꞌi aana huilume i Epesas e haꞌamamalora ko teꞌuri, “!Mo Epesas! Ahutana mwala i laona walumalau kire mani saie oto uri huilume paine i Epesas nge ko lio i sulie nume ni palo-palo a god paine ngeena, a Atemis. Na kire saie oto noꞌone uri ikolu nge kolu ko lio i sulie ho heu maaꞌi ingeie, nge e teke mai uure i Lengi.

Tataroha Diana I Sulie A Jisas Kraes Nge A Luk E Uusue 22:31

Na a Jisas e heꞌi teꞌuri loꞌu, “!Saemon, Saemon! O ke saie, a God e toliꞌaasie uri a Satan ke dau aahongamiu huni leesie uri a tei kei uure aꞌailaꞌa.

Tataroha Diana I Sulie A Jisas Kraes Nge A Luk E Uusue 16:8

“Oto lae-lae, a poro paine ngeena e tohungei pangataꞌinie sai-olanga mwane auꞌesu eero-eero ngeena aana e pweloa urine.” Na a Jisas ko heꞌi unue loꞌu uuri, “Oto e toꞌohuu oto, mwala ni welumalau kire tohungei saenanau i sulie iiꞌonga mai aano i leu peꞌie mo iinoni ni welumalau mala ikire. Sai-olanga ikire ngeena e tohungei peine loꞌu liutaa aana sai-olanga mo iinoni aana raa-raa.

Matiu 11:19

Oto ineu a Kale Ni Iinoni, nou lae mai na no ko ngeu na no ko inu waen mola, oto mwala ko unue loꞌu mola uuri, ‘A mwane ngeena ngauhana e paine na e tohungei sai inu hiitoꞌo. Na mo malahune oto mola mwala susulu toꞌoha na mo iinoni oorahaꞌaa.’ ” Oto a Jisas e haꞌamangoa erenga ingeie uuri, “Taꞌe tolahana mo iini kire toꞌo aana saenanaunge a God kei haataꞌinie uri ikire oto mo iinoni toꞌohuu.”

Haataꞌinge 16:17

Na hiune nga ensel e lai lingisie loꞌu kao-kao ingeie mai laona aahowaa. Oto mei wala paine e iisitaa mai mwaanie naunekume i laona nume maaꞌi, na ko teꞌuri, “E mango oto.”

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Mak E Uusue 4:19

taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Epesas 1:21

A Kraes e iiꞌo oto taꞌau i Lengi na e nanama oto liutaa aana taꞌe-taꞌena nga aalaha, na mo aakalo, na mo inemauri, na mo liꞌoa aaela, na taꞌena nga iini nanama urine. A Kraes e nanama oto haahire mango-mango, mo iini aana walumalau ie na noꞌone aana walumalau kei lae ue mai.

Epesas 2:11

Waite, mo Jiu kire sai lio toli aamiu mo Aapoloa Aaopa na kire sai ere aaelasiꞌomu uri iꞌomu mo puꞌo. Kire ko ere aaelasiꞌomu urine aena aana omu kaꞌa lae ike peꞌi torihesiꞌo mala ikire kire sai esuie torihesiꞌonga aana mo mwela mwane ikire huni esuie haꞌa-ara aana sapeda uri ikire mo iinoni a God.

Epesas 2:13

Holaꞌinaꞌo, omu iiꞌo haꞌataulie a God, taꞌe a Kraes e mae honotamiu mala nga uuraaꞌinge, na urine e tooleꞌomu oto mai i saana a God.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

Epesas 5:8

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.