Epesas 2:18 - Tataroha Diana

¹⁸ Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Epesas 2:18 Referans Kwoze

Epesas 3:12

Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Uusu-uusu A Pol Hurula'aa Hunie Mo Rom 5:2

aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Tataroha Diana I Sulie A Jisas Kraes Nge A Jon E Uusue 10:9

Ineu oto domana maa nge mo sipu ko liu-liu aana, aana kire ko sili mei i laona para hunie kire ke iiꞌo sapemawa, na kire ko iisi-iisitaa loꞌu huni lae i loꞌohi ngeulaa. Oto e urine loꞌu eeku, aana iini ko liu i seeku haꞌalaa haꞌa-uurilana ko lae, na kei oodoie mo ola diana huni peꞌie maurihaꞌana.

Tataroha Diana I Sulie A Jisas Kraes Nge A Jon E Uusue 10:7

Oto a Jisas ko heꞌi teꞌuri loꞌu, “No ko unue oto toꞌohuu huniꞌomu, ineu oto domana maa hunie mo sipu.

Kolosi 1:12

Na maꞌalana omu ke siꞌohaꞌa loꞌu uri taa, taꞌe omu ke paa-paalahea mola a Mamaꞌa aana e da kie ke malisine nga aapa aana nga taa a God e loohaꞌinie hunie mwala ingeie taꞌau i laona Aalahanga ni Matapwanga.

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

1 Korinit 8:6

Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.

Hibru 7:19

E asuie leune aana Haꞌatolanga a Mosis e kaꞌa sai haꞌa-oodohie ike nga iini. Taꞌe oto ie, a God e tahanie hunikie tala nge kie sai norutoꞌo aana. Na tala ngeena e diana loꞌu liutaa aana Haꞌatolanga a Mosis aana e sai toolekie mai karaꞌinie a God.

Epesas 3:14

Maholo no ko aamasitoꞌo aana saenanaunge a God e paine oto urine, no ko pouruuru i naꞌona aani haꞌamaꞌunge na no ko eitanaie a God Aamaka,

Jiud 1:20

Taꞌe iꞌomu, maeni malahuku, hiiwalaimolinge iꞌomu e tohungei maaꞌi. Na omu ke uure maꞌutaꞌa i lengine tohungana hiiwalaimolinge iꞌomu ngeena, na omu ke aarengaꞌi i sulie neꞌisaenga a Liꞌoa Maaꞌi peꞌie nanamanga ingeie.

1 Pita 1:21

I tehulaꞌana Kraes mone omu hiiwalaimoli aana a God. Na aena aana a God e taꞌe aalihoꞌi aana a Kraes mwaanie maenga na e niie manikuluꞌanga nana, nge omu sai diana aana uri omu sai hiiwalaimoli oto toꞌohuu aana a God na norutoꞌonga iꞌomu aana haiholotaꞌinge ingeie kei oa toꞌohuu taane.

1 Pita 1:17

Omu ko haa-haaraꞌinie a God uri ingeie oto Aamamiu, na e toꞌohuu oto. Taꞌe aama-aamasitoꞌo aana uri e kaꞌa sai rara haahie ike mola nga iini. Aana ingeie ko lei sada mola aana ahutana iinoni i sulie helelada. Aena urinena, maholo omu ko meu-meuri ue mai laona walumalau, nge omu ke iiꞌo diana oto mai laona walumalau peꞌi haꞌamaꞌunge aana taraureꞌi.

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Jemes 3:9

Ikie, kie sai huꞌisie meaka huni haꞌapainaꞌaa a God Aamaka, taꞌe kie ko heꞌi waelie loꞌu mo iinoni aana, mo iini nge a God e haꞌaholara i sulie nunune.