Epesas 2:11 - Tataroha Diana

¹¹ Waite, mo Jiu kire sai lio toli aamiu mo Aapoloa Aaopa na kire sai ere aaelasiꞌomu uri iꞌomu mo puꞌo. Kire ko ere aaelasiꞌomu urine aena aana omu kaꞌa lae ike peꞌi torihesiꞌo mala ikire kire sai esuie torihesiꞌonga aana mo mwela mwane ikire huni esuie haꞌa-ara aana sapeda uri ikire mo iinoni a God.

Epesas 2:11 Referans Kwoze

Kolosi 2:11

Na loꞌu aana omu lado oto peꞌie a Kraes, omu toolea oto taungei torihesiꞌonga aaopa huni haataꞌinie uri iꞌomu oto mo iinoni a God. Mala torihesiꞌonga mo Jiu ko taꞌaasie nga aapa mwaanie sapena iinoni, nge urine noꞌone a Kraes e tori aasie tolahai ola ni oorahaꞌaa mwaaniꞌomu. Na torihesiꞌonga e asuie huniꞌomu ngeena, e kaꞌa ola ike aani ninimei iinoni, taꞌe ola aana maelana a Kraes maraana e asuie hunie omu ke iiꞌo luhetaꞌi mwaanie nanamanga aana oorahaꞌaa.

Kolosi 2:13

Holaꞌinaꞌo e urihana uri omu mae oto mola i tehulaꞌana mo takalonga iꞌomu, na aena aana mo loꞌongaꞌinge aaela mo puꞌo ko oꞌoꞌo aamiu. Taꞌe a God e da omu ke mauri eelihoꞌi loꞌu peꞌie a Kraes, na e saeꞌaasie oto mo oorahaꞌaa ikie mwaanikie.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

Kolosi 1:21

Iꞌomu, holaꞌinaꞌo omu haꞌataulie a God oto hiitoꞌo na omu neꞌi maelonga mola hunie, aana mo loꞌongaꞌinge tataꞌala iꞌomu na mo ola aaela omu euꞌesuiꞌi.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

Epesas 5:8

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,

Kalesia 6:12

Mwala nge kire ko deu rarahiꞌomu hunie torihesiꞌonga ngeena, kire ko deu mola hunie mo Jiu ke saetoꞌo aada ni ngeena. Na loꞌu kire sereꞌinie mwala ke taungeꞌinire haahie hiiwalaimolinge uri maelana a Jisas Kraes i lengine poꞌu-poꞌu mola ni e sai haꞌa-uurikie.

1 Korinit 12:2

Omu saie taane uri maholo omu oꞌoꞌo ni puꞌo ue, kire naꞌomiu huni talei lae-lae mola i sulie mo tala hunge aaela huni palo-paloa mola mo nunui ola nge hule aana kire kaꞌa sai ere ike.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

Kalesia 2:15

Oto nou lae loꞌu peꞌi ere luhesie hunie uuri, “Ikolu, kolu hute oto aana mo Jiu, na kolu kaꞌa hute ike aana ‘kira oorahaꞌaala,’ satai ola nge ikie mo Jiu ko haa-haaraꞌinire mo Aapoloa Aaopa aana.

Uusu-uusu A Pol Hurula'aa Hunie Mo Rom 2:26

Mwala nge ikire nga mo Jiu haꞌike, kire kaꞌa toꞌo aana ike tolahai torihesiꞌonga ngeena, taꞌe mala uri kire kei lae oodo mala a God e unue aana mo Haꞌatolanga, nge a God kei loꞌongaꞌinire oto mala mo tohungei iinoni ingeie noꞌone mala mo iini kire hele aana oto torihesiꞌonga.

Uusu-uusu A Pol Hurula'aa Hunie Mo Rom 2:27

Oto mwala urine nge kire kaꞌa hele aana ike torihesiꞌonga aana sapeda, taꞌe kire ko tola i sulie taane oodotaꞌinge nge mo Haꞌatolanga ko ere i sulie, mauringe ikire e haataꞌinie oto uri e malisine a God ke leiꞌomu mo Jiu. Aena aana omu ko lae peꞌi deu huꞌisie mola mo Haꞌatolanga, maꞌalana niilana mo Haꞌatolanga e lae oto huniꞌomu i laona mo Uusu-uusu Maaꞌi, na omu hele aana oto torihesiꞌonga.

Uusu-uusu A Pol Hurula'aa Hunie Mo Rom 11:17

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Matiu 20:7

“Oto kire ko aalamie uuri, ‘Sulie nga iini huni esu nana haꞌike.’ “Oto ko unue hunire uuri, ‘Nge ko urine, omu ke lae noꞌone i hohola ineu huni esu nekue.’