Epesas 1:3 - Tataroha Diana

³ Kie ke paalahea Aamana a Jisas Kraes Aalaha ikie, aana a God e haꞌadianaꞌakie aana mo niinge ni Liꞌoa ingeie uure i Lengi i tehulaꞌana iiꞌo-rurunge ikie peꞌie a Jisas Kraes.

Epesas 1:3 Referans Kwoze

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

2 Korinit 1:3

Kie ke mani paalahea God, Aamana Jisas Kraes Aalaha ikie, aana a Mamaꞌa oto aahuꞌine aamasinge na iini ni haꞌadodoa saeka mo iinoni.

Epesas 2:6

na aena aana kie lado peꞌie a Jisas Kraes, a God e taꞌekie noꞌone peꞌie a Kraes hunie kie ke aalaha tararuru noꞌone peꞌie taꞌau i Lengi.

Epesas 1:20

kaꞌu a God e asu aana maholo e taꞌea a Kraes hunie ke mauri eelihoꞌi loꞌu mwaanie maenga na hunie ke iiꞌo aana naꞌohai iiꞌo-iiꞌoha i pwalo-pwalona taꞌau i Lengi.

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Kalesia 3:9

Aena urine nge a God ko si haꞌadianaꞌaa mo iini nge kire hiiwalaimoli aana, mala e haꞌadianaꞌaa kaꞌu a Ebraham aana e hiiwalaimoli.

Tataroha Diana I Sulie A Jisas Kraes Nge A Jon E Uusue 17:21

Oto no ko eitanaiꞌo Mamaꞌa, uri hunie kire ke mani neꞌie taꞌa-taꞌa iinoni, mala oto iꞌoe i lalo aaku na ineu i lalo aamu. No ko eitanaiꞌo uri hunie kire ke iiꞌo noꞌone i lalo aakarue, hunie walumalau ke hiiwalaimoli aana uri iꞌoe o uusungeꞌinieu mei.

Epesas 1:17

Na no ko eitanaie a God nge ingeie hahuꞌana Aamana Aalaha ikie a Jisas Kraes, uri a Liꞌoa Maaꞌi ke haataꞌinie mo ola i sulie a God huniꞌomu, na omu ke saenanau diana aani.

2 Korinit 11:31

Nou sai ere mola i sulie mo aasanga mala maholo nou oꞌoꞌo wau aana huilume i Damaskas na mwane paine haahie huilume ngeena e sasare tapolieu. A porona ko esu aana nanamanga a Aretas Inemauri, oto e uusungeꞌinie mo ramo huni tapolieu, na ngaeta mo ramo kire kakakalie mo maai para aana para paine ahuie huilume ngeena. Taꞌe ngaeta mo iini aana kira hiiwalaimoli kire peꞌieu hunie ne ke tahi mwaanire. Melu hane taꞌau hunie ngaeta maaureꞌi aana para paine ahuie huilume i Damaskas, na kire neꞌieu i laona luluꞌe oto paine, oto kire si uukueu i aano poꞌoi sinaha mwaanie huilumena. Iau, God Aamana Aalaha ikie a Jisas nge kie ko soi haꞌamanikuluꞌaa oto tarau, e saie uri nou kaꞌa eero ike.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

1 Korinit 12:12

Na loꞌu, toꞌomaaie kaꞌu sapena iinoni. E neꞌie taꞌa-taꞌa mei sape mola, taꞌe mo aapai ola hunge aana. Oto e urine noꞌone aana a Kraes. Aana e toꞌo aana taꞌa-taꞌa mei sape mola, taꞌe mo aapai ola hunge aana. Na maꞌalana e toꞌo aana mo aapai ola hunge aana urine, taꞌe e taꞌa-taꞌa mei sape mola ni ngeena.

Uusu-uusu A Pol Hurula'aa Hunie Mo Rom 12:5

Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

Uusu-uusu A Pol Hurula'aa Hunie Mo Rom 15:6

Oto aana omu ko lulu i sulie a Jisas urine, omu ke si meni uure tararuru hunie omu ke mani soi haꞌamanikuluꞌaa God, Aamana Aalaha ikie a Jisas Kraes.

Hibru 8:5

Asunge ikire mala mo pris ngeena ola domana mola nunune nga taa e toꞌohuu oto taꞌau i Lengi ni ngeena. Na kie saie oto leune, aena aana maholo a God e unue uri a Mosis ke asuie nume maaꞌi susulu, nge e haꞌapasulie oto uuri, O ke ariꞌapasie oto uri o ke asuie walu ola ke tohungei sada oto mala nga taa nou haataꞌinie aamu taꞌau i lengine toloi henue. Eksodas 25:40

Pilipae 2:11

Na ahutada kire kei meni houleꞌinie oto uri a Jisas Kraes ingeie Aalaha haahie taꞌena nga ola. Na kire kei meni haꞌamanikuluꞌaa satana God Aamaka.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Hibru 9:23

Oto aena leune mone, e malisine oto haꞌamaaꞌilana walu ola ngeena ke lae aana apune mo ola mauri nge uunu-olanga e lae aani. Taꞌe walu ola nge erenga e si lae i suliꞌi ngeena, ola domana mola nunune mo tohungei ola taꞌau i Lengi. Oto mo tohungei ola taꞌau i Lengi, haꞌamaaꞌilana e lae aana uunu-olanga nge e tohungei diana loꞌu liutaa. Na apune a Kraes ni otona.

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Tataroha Diana I Sulie A Jisas Kraes Nge A Jon E Uusue 14:20

Aana hai dinge ngeena, omu ke si saie uri ineu i lalo aana a Mamaꞌa, na iꞌomu i lalo aaku, na ineu i lalo aamiu.

Tataroha Diana I Sulie A Jisas Kraes Nge A Luk E Uusue 2:28

Oto a Simeon e aapalaa kele wee-wee, e si paalahea God, ko teꞌuri,