Epesas 1:19 - Tataroha Diana

¹⁹ Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,

Epesas 1:19 Referans Kwoze

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Epesas 3:20

Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.

Kolosi 2:12

Oto maholo loto maaꞌilemiu e lae, e urihana a God e haitolingeꞌiniꞌomu oto peꞌie a Kraes, na e taꞌelaꞌiniꞌomu oto loꞌu peꞌie noꞌone hunie mauringe haalu. A God e si esuie urine i tehulaꞌana hiiwalaimolinge iꞌomu aana nanamanga paine ingeie nge e taꞌea a Kraes mwaanie maenga.

2 Korinit 4:7

Iꞌemeelu, melu kaꞌa roroꞌa ike, taꞌe Tataroha Diana melu ko tarohaꞌinie e paine oto liutaa. Mo sapei ola melu toꞌo aani ie kire kaꞌa neꞌie ike nga mei ola, na melu urihana mola mo kao-kao kire asuiꞌi aani mwakano. Taꞌe melu toꞌo aana taane dianahaꞌana a God mola i laona mo kao-kao aaela ngeena, aana melu ko tarohaꞌinie Tataroha Diana a Kraes. Na leune e haataꞌinie uri nanamanga e manikuluꞌe ngeena e kaꞌa ola ike iꞌemeelu, taꞌe mei ola a God.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

Epesas 6:10

Oto taꞌa-taꞌa mei ola no ko sare unue loꞌu. Omu ke uure maꞌutaꞌa peꞌie aꞌailaꞌanga a Aalaha nge omu lado oto peꞌie, aana ingeie oto e toꞌo aana nanamanga e paine liutaa.

Epesas 3:7

Oto aena aana hahuꞌana manata-diananga paine a God hunieu mone, nge e niie nanamanga ingeie hunieu hunie uri ne ke tarohaꞌinie Tataroha Diana mala iinoni euꞌesu ingeie.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Jemes 1:18

Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.

2 Tesalonaeka 1:11

Oto aena mo olana nge melu ko aare-aarengaꞌi mola talamiu tarau. Melu ko eitanaie a God ikie hunie ke da omu ke malisine mau-meuringe diana nge e soiꞌomu hunie uri omu ke iiꞌo aana. Na melu ko eitanaie a God hunie ke haꞌa-oaie mo neꞌisaenga diana iꞌomu aana nanamanga ingeie, na hunie ke peꞌiꞌomu huni haꞌamangoa mo esunge diana nge omu ko esuiꞌi i tehulaꞌana hiiwalaimolinge iꞌomu aana.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Tataroha Diana I Sulie A Jisas Kraes Nge A Jon E Uusue 3:6

Iini nge e hute mola aani iinoni, nge ingeie kei toꞌo aana mauringe noꞌone mola mala iinoni. Taꞌe iini e hute aana Liꞌoa Maaꞌi a God, nge ingeie kei toꞌo aana maurihe oto mala ngaeta kalena God.

Pilipae 3:21

Na ingeie kei oolisie sapeka nge e mamaelaꞌa na e sai mae, hunie ke neꞌie mei sape manikuluꞌe mala sapena. Maholo kei oolisie sapeka urine, kei esu oto aana nanamanga paine ingeie nge ko aalaha haahie ahutana walu ola aana.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.